Connect with us

Íþrótta og ólympíu samband Íslands

Alþjóðadagur barna í dag

Birt

on

20.11.2020

Í dag, 20. nóvember, er alþjóðadagur barna haldinn hátíðlegur. Í dag fögnum við saman öllum þeim árangri sem náðst hefur í að bæta stöðu barna um allan heim. Saman berjumst við fyrir réttlátari heimi fyrir öll börn, á hverjum einasta degi.

Markmið dagsins er að gefa börnum og ungmennum orðið og skapa vettvang fyrir þau til að láta í sér heyra og segja heiminum hvað skiptir þau máli.

Í dag er einnig 31. árs afmæli Barnasáttmálans, en hann var undirritaður og fullgiltur af Sameinuðu þjóðunum þann 20. nóvember 1989. Barnasáttmálinn felur í sér alþjóðlega viðurkenningu á því að börn séu hópur sem hafi sjálfstæð réttindi óháð foreldrum eða forsjáraðilum og að þau þarfnist sérstakrar verndar umfram hina fullorðnu.

Á árinu gáfu Barnaheill, Umboðsmaður barna og UNICEF á Íslandi í samstarfi við Menntamálastofnun, nýtt efni með ákvæðum Barnasáttmála Sameinuðu þjóðanna. Um er að ræða veggspjald og bækling þar sem greinar Barnasáttmálans eru settar fram á aðgengilegan máta fyrir alla, fullorðna og börn.

Veggspjald pdf

Íþrótta og ólympíu samband Íslands

Dagur sjálfboðaliðans í dag

Birt

on

By

05.12.2020

Ár hvert er 5. desember helgaður sjálfboðaliðum um allan heim. 

Íþróttahreyfingin á Íslandi hefur í gegnum tíðina verið borin uppi af sjálfboðaliðum sem starfað hafa af ástríðu í þágu íþrótta í landinu og svo er enn. Sjálfboðaliðar í hreyfingunni sinna verkefnum, stórum jafnt sem smáum, og sjá til þess að starfsemin blómstri. Það gleymist oft að þakka sjálfboðaliðum fyrir þeirra mikilvæga framlag og því er tilvalið að nýta þennan góða dag til að bera upp hugheilar þakkir til allra þeirra fjölmörgu sem sinna og/eða hafa sinnt sjálfboðaliðastörfum í hreyfingunni. Vonandi mun íþróttahreyfingin áfram búa svo vel að geta leitað aðstoðar hjá sjálfboðaliðum svo hreyfingin megi halda áfram að dafna og eflast.

ÍSÍ sendir öllum sjálfboðaliðum í íþróttahreyfingunni bestu kveðjur í tilefni dagsins og þakkir fyrir frábær störf í þágu íþróttanna á Íslandi!

Lesa meira

Íþrótta og ólympíu samband Íslands

Þórarinn framkvæmda- og íþróttastjóri KLÍ

Birt

on

By

04.12.2020

Stjórn Keilusambands Íslands (KLÍ) ákvað í október sl. að sameina störf íþróttastjóra og framkvæmdastjóra sambandsins. Ein megin ástæða þeirra breytinga er sögð vera sú að fá meiri nýtni úr einum starfsmanni í fullu starfi heldur en tveim í hlutastörfum. Á liðnu ársþingi KLÍ var samþykkt fjárhagsáætlun sem gerir ráð fyrir þessari breytingu. Stjórnin auglýsti stöðuna í byrjun október og bárust nokkrar umsóknir. Ráðinn hefur verið til starfa Þórarinn Már Þorbjörnsson, en hann tekur við sem framkvæmda- og íþróttastjóri KLÍ ekki síðar en 1. mars 2021.

Kristján Ó. Davíðsson sem gengt hefur starfi íþróttastjóra sinnir því áfram í það minnsta til áramóta.

Lesa meira

Íþrótta og ólympíu samband Íslands

Verum hraust – Hlaðvarp ÍSÍ – Guðni Valur Guðnason

Birt

on

By

04.12.2020

Guðni Valur Guðnason, Ólympíufari, margfaldur Íslandsmeistari og Íslandsmethafi í kringlukasti er fimmti gestur Verum hraust – Hlaðvarps ÍSÍ.

Guðni Valur setti Íslandsmet á árinu 2020 er hann kastaði kringlunni 69,35 m., en það er einnig fimmta lengsta kast ársins í heiminum á árinu. Guðni Valur hefur keppt á Evrópu- og heimsmeistaramótum sem og Smáþjóðaleikum fyrir Íslands hönd frá árinu 2015. Hann sigraði kringlukastskeppnina á Smáþjóðaleikunum árin 2015 með kast upp á 56,40 m og 2017 með kast upp á 59,98 m og náði 2. sætinu árið 2019. Guðni Valur keppti á EM árið 2018 og var einungis 83 cm frá því að komast í úrslit. Guðni átti þá stigahæsta afrek Íslendings ársins samkvæmt stigatöflu Alþjóðafrjálsíþróttasambandsins (IAAF).

Í viðtalinu, sem tekið er af Kristínu Birnu Ólafsdóttur, talar Guðni um ferilinn, æfingar, lífið, áskoranir og markmið komandi ára.

Viðtalið má sjá hér á Youtube-síðu ÍSÍ.

Verum hraust – Hlaðvarp ÍSÍ er aðgengilegt á öllum helstu veitum, Spotify og Apple iTunes. Einnig má hlusta á viðtalið hér fyrir neðan.  

Lesa meira

Vinsælast

Allur réttur áskilin © 2020 Tíðin