16.01.2020

Ársþing Íþróttabandalags Vestmannaeyja fór fram í Týsheimilinu 6. janúar síðastliðinn. Um var að ræða ársþing ársins 2019 sem ekki náðist að halda á tilskildum tíma. Þingið gekk vel og mæting var góð.

Hjördís Steina Traustadóttir er áfram formaður bandalagsins og með henni í stjórn eru Helga Sigrún Þórsdóttir varaformaður, Björn Matthíasson gjaldkeri, Arnheiður Pálsdóttir ritari og Gunnar Páll Hálfdánarson meðstjórnandi sem var kjörinn nýr inn í stjórn á þinginu. Umsókn Lyftingafélags Vestmannaeyja um inngöngu í bandalagið var samþykkt. Samþykkt var að skoða lög bandalagsins á milli þinga, m.a. með hliðsjón af breytingum á fyrirkomulagi þings. Þingin eru ekki lengur tveggja daga þing og í ljósi þess þarf m.a. að skoða feril varðandi nýjar tillögur sem stjórn berast fyrir þing og kynningu þeirra í aðdraganda þings.