Connect with us

Alþingi

Auglýst eftir lögfræðingum á nefndasvið Alþingis

Birt

on

Skrifstofa Alþingis auglýsir eftir lögfræðingum í störf nefndarritara á nefndasvið í tvær ótímabundnar stöður frá 1. febrúar 2021. Nefndarritarar starfa fyrir fastanefndir þingsins, veita lögfræðilega ráðgjöf og aðstoð og sjá um faglega yfirferð stjórnarfrumvarpa og annarra mála sem koma til meðferðar hjá fastanefndum. 

Nefndarritarar sinna auk þess skipulagningu nefndastarfsins og sjá um samskipti við aðila utan þings fyrir fastanefndir. Þá aðstoða þeir þingmenn við gerð lagafrumvarpa, þingsályktunartillagna og annarra þingmála. Á nefndasviði starfa um tuttugu sérfræðingar fyrir fastanefndir, alþjóðanefndir og þingmenn. Meginhlutverk nefndasviðs er að tryggja vandaða lagasetningu og að veita þingmönnum og nefndum þingsins faglega sérfræðiþjónustu og -ráðgjöf. Um er að ræða fjölbreytt og krefjandi starf í lifandi umhverfi.

Helstu verkefni og ábyrgð

  • Fagleg aðstoð og lögfræðileg ráðgjöf við fastanefndir og þingmenn 
  • Yfirferð lagafrumvarpa og annarra þingmála 
  • Vinnsla nefndarálita og breytingartillagna 
  • Gerð lagafrumvarpa og annarra þingmála 
  • Skipulagning og umsjón með starfi fastanefndar

Hæfnikröfur

  • Embættis- eða meistarapróf í lögfræði
  • Reynsla úr opinberri stjórnsýslu eða af sambærilegu starfi
  • Reynsla af gerð lagafrumvarpa er kostur 
  • Góð samskiptahæfni, jákvæðni, sveigjanleiki og rík þjónustulund 
  • Skipulagshæfileikar, frumkvæði og sjálfstæð og öguð vinnubrögð 
  • Mjög gott vald á íslensku jafnt í ræðu og riti
  • Góð tungumálakunnátta, einkum í Norðurlandamálum og ensku 
  • Geta til að vinna undir álagi

Frekari upplýsingar um starfið

Launakjör eru samkvæmt kjarasamningi forseta Alþingis og Félags starfsmanna Alþingis. Sótt er um starfið í gegnum ráðningarkerfi Orra. Umsókn skal fylgja ítarleg ferilskrá ásamt prófskírteinum og kynningarbréfi þar sem umsækjandi rökstyður umsókn sína og lýsir hæfni sinni til starfsins. Öllum umsóknum verður svarað þegar ákvörðun um ráðningu liggur fyrir. Umsóknir um starfið gilda í sex mánuði frá auglýsingu þessari. Gildi skrifstofu Alþingis eru fagmennska, virðing og framsækni.

  • Vinnutímaskipulag: Dagvinna
  • Starfshlutfall: 100%
  • Starfssvið: Sérfræðistörf
  • Stéttarfélag: Félag starfsmanna Alþingis
  • Umsóknarfrestur er til: 16.11.2020

Nánari upplýsingar veita:

Stígur Stefánsson, settur forstöðumaður nefndasviðs, [email protected], s: 563 0500.
Steindór Dan Jensen, settur deildarstjóri nefndadeildar, [email protected], s: 563 0500.

Smelltu hér til að sækja um starfið

Lesa meira

Alþingi

Þingforsetar Norðurlanda og Eystrasaltsríkja hittast á fjarfundi

Birt

on

By

26.11.2020

Steingrímur J. Sigfússon, forseti Alþingis, hitti þingforseta norrænu ríkjanna og Eystrasaltsríkja á fjarfundi í dag að frumkvæði forseta finnska þingsins, fr. Anu Vehviläinen. Ræddu þingforsetarnir stöðu kórónuveirufaraldursins og viðbrögð þjóðþinganna í löndunum átta en viðsjár eru víða í fjölgun smita.

Þá gerðu forsetarnir grein fyrir þeim málum sem efst eru á baugi í þingunum og þjóðmálaumræðu. Einnig ræddu þátttakendur öryggisógnir, svo sem upplýsingaöryggi, uppgang öfgahyggju og aðrar ógnir. Ennfremur var á dagskrá staða mála á nærsvæðum ríkjanna átta og fluttu tveir finnskir sérfræðingar erindi um stöðu og þróun mála í Hvíta-Rússlandi. Að lokum ræddu þingforsetarnir um sameiginleg verkefni til eflingar lýðræðis og styrkingar þingræðis í Evrópu.

Lesa meira

Alþingi

Nefndadagur föstudaginn 27. nóvember

Birt

on

By

24.11.2020

Föstudaginn 27. nóvember er nefndadagur samkvæmt starfsáætlun Alþingis. Á nefndadögum gildir sérstök fundatafla um fundi fastanefnda og venja er að fundað sé bæði fyrir og eftir hádegi.

Við ákvörðun um fundatíma á nefndadögum er reynt að gæta samræmis en jafnframt tekið mið af stöðu mála í nefndum og fundaþörf nefndanna.

Fundatafla föstudagsins er eftirfarandi:

  • kl. 9-12: Allsherjar- og menntamálanefnd, atvinnuveganefnd, efnahags- og viðskiptanefnd og umhverfis- og samgöngunefnd
  • kl. 13-16: Fjárlaganefnd, stjórnskipunar- og eftirlitsnefnd, utanríkismálanefnd, velferðarnefnd

Endanlegir fundartímar og dagskrár funda birtast venju samkvæmt á vef Alþingis.

Lesa meira

Alþingi

Óundirbúnar fyrirspurnir fimmtudaginn 26. nóvember

Birt

on

By

20.11.2020

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 26. nóvember kl. 10:30. Þá verða til svara forsætisráðherra, ferðamála-, iðnaðar- og nýsköpunarráðherra, mennta- og menningarmálaráðherra og dómsmálaráðherra.

Lesa meira

Vinsælast

Allur réttur áskilin © 2020 Tíðin