12.01.2020

Þá er þriðja keppnisdegi lokið á Vetrarólympíuleikum ungmenna. Aðalbjörg Lillý Hauksdóttir tók þátt í risasvigskeppni stúlkna. Því miður hlekktist henni á í fyrri umferð og féll hún úr leik. Alls tóku 78 stúlkur þátt í keppninni en einungis 37 þeirra náðu að klára báðar ferðirnar. Sigurvegari í risasvigi stúlkna varð Amelie Klopfenstein frá Sviss, í öðru sæti varð finnska stúlkan Rosa Pohjolainen og í þriðja sætinu varð Amanda Salzbeger frá Austurríki.

Á morgun mánudag fer fram keppni í risasvigi drengja. Þar er Gauti Guðmundsson með rásnúmer 56 af 77 keppendum.