23.06.2020

Fylgstu með Instagrami ÍSÍ í dag því ÍSÍ fagnar Ólympíudeginum með ýmsum hætti.

ÍSÍ heldur eldsnemma til Borgarness í dag þar sem Ólympíudeginum verður fagnað með yngri kynslóðinni. Meginþema í tengslum við daginn eru þrjú: Hreyfa, læra og uppgötva. Farið verður í leiki og kynnst ýmsum hliðum Ólympíuleikanna. 

Einnig fagnar ÍSÍ deginum ásamt alþjóðaíþróttahreyfingunni allri. Afreksíþróttafólk um heim allan mun sameinast undir merkjum Ólympíudagsins og #StayStrong herferðar Alþjóðaólympíunefndarinnar (IOC) og birta myndir og myndbönd frá sínum æfingum. Instagramsíða ÍSÍ mun deila því sem íslenska afreksíþróttafólkið setur inn á sína miðla. 

Instagram síða ÍSÍ @isiiceland 

Alþjóðlegi Ólympíudagurinn er árlega haldinn hátíðlegur um allan heim þann 23. júní. Markmiðið með deginum er að hvetja fólk til að koma saman, hreyfa sig og hafa gaman, en dagurinn er í raun ætlaður öllum óháð íþróttalegri getu.