28. september.2020 | 10:37

Saman stöndum við vörð um náttúru Íslands

Umhverfisnefnd  Ferðaklúbbsins 4×4 lögðu hönd á plóg í Friðland að Fjallabaki nú á haustmánuðum og tóku að sér það verkefni að setja niður vegstikur innan friðlandsins. Árangurinn með því að merkja vegi á hálendinu með vegstikum er sá að það dregur úr óþarfa utanvegaakstri. Það hefur sýnt sig að á þeim vegum þar sem vegmerkingar eru góðar í friðlandinu, að þar er minna um utanvegaakstur. Þar sem vegir liggja yfir bera sanda er mikilvægt að hafa vegstikur þar sem vegslóðar eiga það til að afmáðst í sandroki og einnig að hverfa alveg sjónum í fyrstu snjóum á haustin. Að auki eru góðar vegmerkingar mikið öryggisatriði. 

Undanfarin ár hefur Ferðaklúbburinn 4×4 lagt Umhverfisstofnun lið og farið í stikuferðir í friðlandið. Samvinna í náttúruvernd er mikilvæg og með því skapast góður vettvangur til samtals milli Umhverfisstofnunar,sem hefur umsjón með friðlandinu, og hagsmunaaðila. 

Umhverfisstofnun þakkar umhverfisnefnd Ferðaklúbbsins 4×4 fyrir framlag sitt og hlakka til áframhaldandi samstarfs.