Þjónustujöfnuður við útlönd minnkar á fyrstu níu mánuðum ársins

Heildartekjur af þjónustuútflutningi á þriðja ársfjórðungi 2018 voru, samkvæmt bráðabirgðatölum, tæpar 248,5 milljarðar króna. Heildarútgjöld vegna innfluttrar þjónustu voru 124,7 milljarðar. Þjónustujöfnuður við útlönd var því jákvæður um 123,7 milljarða króna á þriðja ársfjórðungi en var jákvæður um 115,9 milljarða á sama tíma árið áður, á gengi hvors árs.

Þjónustujöfnuður við útlönd fyrstu níu mánuðum ársins 2018 var jákvæður um 209,9 milljarða króna en var jákvæður um 219,5 milljarða á sama tíma árið áður, á gengi hvors árs.Þjónustujöfnuður

Verðmæti þjónustuútflutnings hækkar á milli ára
Á þriðja ársfjórðungi 2018 var verðmæti þjónustuútflutnings 23,2 milljörðum hærra en á sama tímabili árið áður eða 10,3% á gengi hvors árs. Útflutningur á ferðaþjónustu var 124,5 milljarðar eða 50,1% af heildarútflutningi og var 2,2% hærri en á sama tíma árið áður. Tekjur af samgöngum og flutningum námu 84 milljörðum og hækkuðu um 4,8% miðað við sama tíma árið áður.

Fyrstu níu mánuði þessa árs var verðmæti þjónustuútflutnings 36,6 milljörðum hærra en á sama tímabili árið áður eða 7,1% á gengi hvors árs. Útflutningur á ferðaþjónustu var stærsti liðurinn, 269,2 milljarðar eða 48,9% af heildarútflutningi og var 3,1% hærri en á sama tíma árið áður.

Innflutningur vegna ferðalaga eykst á fyrstu níu mánuðum ársins
Á þriðja ársfjórðungi 2018 var verðmæti þjónustuinnflutnings 15,4 milljörðum hærra en sama tíma árið áður eða 14% á gengi hvors ár. Útgjöld vegna innfluttrar ferðaþjónustu námu 54,7 milljörðum og hækkuðu um 13% frá sama tíma árið áður. Fyrstu níu mánuði þessa árs var verðmæti þjónustuinnflutnings 46,2 milljörðum hærra en á sama tímabili árið áður eða 15,7% á gengi hvors árs. Ferðalög voru stærsti liðurinn, 147,7 milljarðar eða 43,3% af heildarinnflutningi og voru 14% hærri en á sama tíma árið áður.

Verðmæti útflutnings og innflutnings á þjónustu 2017 og 2018
Milljónir króna á gengi hvors árs Breytingar frá fyrra ári á gengi hvors árs, % 1.-3. ársfjórðungur
3. ársfjórðungur 1. -3. ársfjórðungur
2017 2018 2017 2018
Útflutt þjónusta 225.283,3 248.450,6 514.389,7 550.996,0 7,1
Samgöngur og flutningar 80.162,5 84.030,6 180.765,6 187.740,4 3,9
Ferðalög 121.817,4 124.478,6 261.044,0 269.194,2 3,1
Önnur viðskiptaþjónusta 6.194,7 9.776,9 20.662,3 22.725,1 10,0
Aðrir þjónustuliðir 17.108,7 30.164,5 51.917,7 71.336,3 37,4
Innflutt þjónusta 109.381,3 124.748,3 294.928,6 341.113,2 15,7
Samgöngur og flutningar 18.761,3 20.856,7 48.615,2 55.425,0 14,0
Ferðalög 48.442,9 54.724,2 129.603,3 147.714,6 14,0
Önnur viðskiptaþjónusta 21.315,8 26.355,7 55.882,2 68.864,7 23,2
Aðrir þjónustuliðir 20.861,2 22.811,8 60.828,0 69.109,0 13,6
Þjónustujöfnuður 115.902,0 123.702,2 219.461,1 209.882,7  

Mánaðarleg þjónusta
Samhliða ársfjórðungsútgáfu á þjónustujöfnuði uppfærir Hagstofan gögn um mánaðarlegan þjónustujöfnuð fyrir 2018. Áður höfðu fyrstu átta mánuðir ársins verið gefnir út en í þessari útgáfu bætast við tölur fyrir september. Útflutt þjónusta er áætluð tæpir 77,5 milljarðar í september og innflutt þjónusta er áætluð 41,5 milljarðar. Þjónustujöfnuður er því áætlaður jákvæður um 35,9 milljarða í september 2018 Gögn um mánaðarlega þjónustu 2018 má finna í töflunni Þjónustuviðskipti við útlönd eftir mánuðum 2018.

2018-11-30T14:22:45+00:00