Elliðavatn 7. desember


Stutt yfirlit

3.1.2020

Tíð
var óhagstæð á norðanverðu landinu í desember en betri
sunnanlands. Mikið norðanóveður gekk yfir landið dagana 10. til
11. desember sem olli miklu tjóni. Verst var veðrið á Ströndum,
Norðurlandi vestra og Norðurlandi eystra. Mikil ísing og fannfergi
fyldgu óveðrinu sem olli því að hundrað hross fennti í kaf,
skemmdir urðu á rafmagnslínum með tilheyrandi rafmagnstruflunum
og mikil röskun varð á samgöngum. Mánuðurinn var óvenju
úrkomusamur á norðanverðu landinu og mældist úrkoman þar víða
sú mesta sem vitað er um í desember. Úrkoman á Akureyri mældist
meira en þrefalt meiri en í meðalári og sú mesta sem mælst
hefur þar í desembermánuði frá upphafi mælinga.

Hiti

Meðalhiti
í Reykjavík í desember var 0,6 stig og er það 0,8 stigum yfir
meðallagi áranna 1961 til 1990, en 0,1 stigi yfir meðallagi
síðustu tíu ára. Á Akureyri var meðalhitinn -0,7 stig, 1,2
stigum yfir meðallagi áranna 1961 til 1990, en 0,4 stigum yfir
meðallagi síðustu tíu ára. Í Stykkishólmi var meðalhitinn 0,2
stig og 1,5 stig á Höfn í Hornafirði.

Meðalhita
og vik á fleiri stöðvum má sjá í töflu.

stöð meðalhiti °C vik 1961-1990 °C röð af vik 2009-2018 °C
Reykjavík 0,6 0,8 57 149 0,1
Stykkishólmur 0,2 1,0 66 174 0,0
Bolungarvík 0,3 1,3 40 122 0,3
Grímsey 0,9 1,8 33 146 0,1
Akureyri -0,7 1,2 49 139 0,4
Egilsstaðir -0,5 1,7 19 65 0,9
Dalatangi 2,5 1,9 18 81 0,7
Teigarhorn 1,8 1,9 28 147 0,8
Höfn í Hornaf. 1,5 0,5
Stórhöfði 2,5 1,1 45 142 0,5
Hveravellir -5,1 1,2 21 55 0,3
Árnes -0,9 1,0 53 til 54 140 0,3

Meðalhiti
og vik (°C) í desember 2019.


tiltölu var hlýjast inn til landsins á Norðausturlandi en kaldast
vestantil á landinu. Jákvætt hitavik miðað við síðustu tíu
ár var mest 1,2 stig á Brúaröræfum en neikvætt hitavik var mest
-0,7 stig á Botnsheiði.

Hitavik
sjálfvirkra stöðva í desember miðað við síðustu tíu ár
(2009-2018).

Meðalhiti
mánaðarins var hæstur 3,5 stig í Surtsey. Lægstur var hann -5,9
stig í Sandbúðum og Sátu. Í byggð var meðalhitinn lægstur
-3,6 stig í Svartárkoti.

Mest
frost í mánuðinum mældist -23,1 stig á Setri þ. 14. Mest frost
í byggð mældist -21,4 stig á Húsafelli þ. 14.

Óvenju
hlýtt loft var yfir landinu dagana 2. til 3. desember. Hæsti hiti
mánaðarins mældist 19,7 stig í Kvískerjum þ. 2. og er það
einnig hæsti hiti sem mælst hefur í desembermánuði hér á
landi. Fyrra met var 18,4 stig sem mældist á Sauðanesvita þ. 14.
desember 2001. Metið var jafnframt slegið í Bakkafirði á
Borgarfirði eystra (19,0 stig þ. 2.) og í Vestdal við Seyðisfjörð
(18,7 stig þ. 3.). Desemberhitamet féllu eða voru jöfnuð á 53
sjálfvirkum stöðvum sem athugað hafa í tíu ár eða meira – og
á þremur mönnuðum stöðvum.

Úrkoma

Mánuðurinn
var óvenju úrkomusamur á norðanverðu landinu og mældist úrkoman
þar víða sú mesta sem vitað er um í desember.

Úrkoma
á Akureyri mældist 191,1 mm sem rúmlega þrefalt meira en
meðalúrkoma áranna 1961 til 1990. Úrkoman þar er sú mesta sem
mælst hefur á Akureyri í desembermánuði frá upphafi mælinga. Í
Reykjavík mældist úrkoman 71,9 mm sem er 90% af meðalúrkomu
áranna 1961 til 1990. Í Stykkishólmi mældist úrkoman 56,5 mm og
138,7 mm á Höfn í Hornafirði.

Dagar
þegar úrkoma mældist 1,0 mm eða meiri á Akureyri voru 20, níu
fleiri en í meðalári. Í Reykjavík mældist úrkoman 1,0 mm eða
meiri 12 daga, tveimur færri en í meðalári.

Snjór

Snóþungt
var á norðanverðu landinu í desember. Mikið fannfergi fylgdi
óveðrinu sem gekk yfir landið þ. 10 til 11. á norðanverðu
landinu, hundrað hross fennti í kaf og samgöngur lágu niðri.

Alhvítir
dagar í Reykjavík voru 21, átta fleiri en að meðaltali 1971 til
2000. Alhvítt var 23 daga á Akureyri, þremur fleiri en í
meðalári.

Sólskinsstundafjöldi

Sólskinsstundir
í Reykjavík mældust 23,1, sem er 10,9 stundum yfir meðallagi
áranna 1961 til 1990. Á
Akureyri var sólarlaust eins og oft í desembermánuði.

Vindur

Vindur
á landvísu var 0,8 m/s yfir meðallagi. Norðaustlægar áttir voru
ríkjandi í mánuðinum. Mikið norðanóveður gekk yfir landið
dagana 10. til 11. desember sem olli miklu tjóni. Verst var veðrið
Ströndum, Norðurlandi vestra og Norðurlandi eystra. Þar fylgdi
óveðrinu mikil ísing og fannfergi sem olli því að hundrað
hross fennti í kaf, skemmdir urðu á rafmagnslínum með
tilheyrandi rafmagnstruflunum og mikil röskun varð á samgöngum.
Að auki var óvenju hvasst í Vestmannaeyjum, á Þingvöllum og
víða í uppsveitum Árnessýslu. Ársvindhraðamet voru slegin á
nokkrum sjálfvirkum stöðvum sem hafa mælt lengur en í tíu ár,
t.d. á Þingvöllum, Hjarðarlandi, Gauksmýri, Grímsey, Raufarhöfn
og Svartárkoti. Að auki var fjöldi desembervindhraðameta slegin.

Loftþrýstingur

Meðalloftþrýstingur
í Reykjavík mældist 994,4 hPa og er það -6,7 stigum undir
meðallagi áranna 1961 til 1990. Hæstur mældist þrýstingurinn
1023,2 hPa á Egilsstaðaflugvelli þ. 25. Lægsti loftþrýstingur
mánaðarins mældist 946,5 hPa á Fonti þ. 11.

Skjöl
fyrir desember

Meðalhiti
á sjálfvirkum veðurstöðvum í desember 2019
(textaskjal).

Daglegt yfirlit mánaðarins á þremur ákveðnumveðurstöðvum er hægt sækja í sérstaka töflu.