Þrír veðurfræðingar eru nú á vakt á morgnana í spásal Veðurstofunnar.


Veðurfræðingum á vakt fjölgað úr tveimur í þrjá

22.1.2020

Í dag tók Veðurstofa
Íslands við flugveðurþjónustu á flugvellinum í Vogum í Færeyjum. Fram að þessu
hefur Veðurstofan séð um að vara við ókyrrð og ísingu yfir Færeyjum, en danska
veðurstofan, DMI, séð um spár fyrir flugvöllinn sjálfan. Veðurþjónustan fyrir
flugvöllin í Vogum er því komin á eina  hendi, en það er danska
veðurstofan  sem greiðir fyrir þessa
þjónustu sem Veðurstofa Íslands mun veita.

Á sama tíma hefur veðurfræðingum á vakt á
morgnanna verið fjölgað úr tveimur í þrjá, sem er  mikill áfangi fyrir
Veðurstofuna, en aldrei áður hafa verið þrír veðurfræðingar á vakt ef frá eru
talin eldgos síðustu ára. Með því að taka við flugveðurþjónustu á
flugvellinum á Vogum fær Veðurstofan aðgang að háupplausnalíkönum af Færeyjum
og hafinu þar í kring. Það mun gera Veðurstofunni kleift að bæta sjóveðurspár á
því spásvæði þegar fram í sækir.

FlugvedurthjonustaVI

Spásvæðið flugveðursþjónustu Veðurstofunnar er
gríðarstórt og nær upp að pólnum og er stærsta spásvæði fyrir flugveðurþjónustu
í heiminum. Flugveðurþjónustan nær yfir svæðið sem er merkt með rauðum línum á
kortinu og er tvískipt.  Veðurstofan
gefur út spár fyrir háloftin á svæðinu sem nær upp að pólnum og yfir Grænland.
Á svæðinu umhverfis Ísland gefur Veðurstofan út spár fyrir háloftin sem og
flugvelli. Bláu línurnar tákna spásvæði á landi og á hafinu í kringum Ísland.