Hert á aðgerðum til að minnka smithættu og
lágmarka röskun á starfsemi.        
Heimsóknir á Veðurstofuna takmarkaðar

13.3.2020

Veðurstofa Íslands
hefur virkjað „hættustigi“ samkvæmt viðbragðsáætlun stofnunarinnar vegna
COVID-19 veirunnar. Hert verður á aðgerðum sem miða að því að minnka smithættu
svo koma megi í veg fyrir röskun á mikilvægri þjónustu Veðurstofunnar.

Aðgerðir sem gripið til
nú eru m.a. þær að heimsóknir á Veðurstofuna hafa verið takmarkaðar, fundum
fækkað, ferðum erlendis frestað, starfsfólki hefur verið skipt upp í hópa og
aðgengi að rýmum takmarkað, t.d. hjá náttúruvárvaktinni. Að auki er mælst til
þess að þeir starfsmenn sem geta vinni heima. Fyrir utan aðgerðir í eigin
viðbragðsáætlunum fylgir Veðurstofan tilmælum frá Almannavörnum og
Landlæknisembættinu.

Reynt að lágmarka röskun á þjónustu stofnunarinnar

Á þessu stigi hefur
móttöku Veðurstofunnar ekki verið lokað en aðgengi að henni er takmarkað. Mælst
er til þess að allir sem eiga erindi á Veðurstofuna hafi fyrst samband í gegnum
síma eða í gegnum samskiptaleiðir sem finna má á vedur.is.

Veðurstofa Íslands
hefur það hlutverk að stuðla að bættu öryggi almennings, eigna og innviða
gagnvart öflum náttúrunnar. Því fylgir mikil ábyrgð sem felur meðal annars í
sér sólarhringsvöktun, rekstur mælakerfis og miðlun upplýsinga. Allar okkar
aðgerðir vegna COVID-19 veirunnar miða að því að lágmarka áhættu á smiti innan Veðurstofunnar
og lágmarka röskun á þjónustu stofnunarinnar.

Tilmæli til þeirra sem eiga erindi á skrifstofur Veðurstofunnar