Vísitala neysluverðs hækkar um 0,24% milli mánaða

Vísitala neysluverðs miðuð við verðlag í nóvember 2018 er 460,5 stig (maí 1988=100) og hækkar um 0,24% frá fyrra mánuði. Vísitala neysluverðs án húsnæðis er 393,5 stig og hækkar um 0,18% frá október 2018.

Verð á nýjum bílum hækkaði um 1,6% (áhrif á vísitöluna 0,14%). Flugfargjöld til útlanda lækkuðu um 13,2% (-0,16%).

Síðastliðna tólf mánuði hefur vísitala neysluverðs hækkað um 3,3% en vísitalan án húsnæðis hefur hækkað um 2,4%.

Vísitala neysluverðs samkvæmt útreikningi í nóvember 2018, sem er 460,5 stig, gildir til verðtryggingar í janúar 2019. Vísitala fyrir eldri fjárskuldbindingar, sem breytast eftir lánskjaravísitölu, er 9.093 stig fyrir janúar 2019.

2018-11-29T15:48:25+00:00