Heilsa

Alþjóðlegur dagur umhverfisins – endurheimt vistkerfa

05. júní.2021 | 09:00

Alþjóðlegur dagur umhverfisins – endurheimt vistkerfa

Í dag er alþjóðlegur dagur umhverfisins og er tilgangur dagsins að efla vitund fólks um allan heim um mikilvægi þess að vernda náttúruna.

Umhverfisstofnun hefur fjölbreytt hlutverk í umhverfismálum á Íslandi en einnig gagnvart alþjóðasamfélaginu. Meðal verkefna stofnunarinnar er eftirlit og stjórnsýsla loftslagsmála, stjórn vatnamála auk rekstrar og stjórnsýslu friðlýstra svæða svo fátt eitt sé nefnt.
 
Í rekstri friðlýstra svæða eru stjórnunar- og verndaráætlanir nauðsynleg verkfæri til þess að tryggja góða og skilvirka stjórnun. Á síðustu árum hefur stofnunin unnið fjölda stjórnunar- og verndaráætlana í samstarfi við aðrar stofnanir, sveitarfélög, landeigendur og aðra hagsmunaðila. Umhverfisstofnun er sífellt að þróa og bæta verklagið við gerð þessara áætlana og leggur áherslu á að áætlanirnar séu lifandi skjöl sem taka mið af þeim breytingum sem eiga sér stað bæði í umhverfinu og samfélaginu. 
 
Í stjórnunar- og verndaráætlunum er horft til framtíðar, mótuð stefna fyrir svæðin og aðgerðir sem brýnt er að fara í til þess að ná fram settum markmiðum og viðhalda verndargildi svæðanna. 


Endurheimt vistkerfa fær aukið vægi hjá Sameinuðu þjóðunum næsta áratuginn og með degi umhverfisins hefst þessi áratugur formlega. Með áherslu á endurheimt vistkerfa vilja Sameinuðu þjóðirnar hvetja til þess að áhersla verði sett á endurheimt vistkerfa í stefnum og áætlunum sem snúa að umhverfismálum. Umhverfisstofun mun að sjálfsögðu taka þátt í þessari vinnu og meðal annars leggja aukna áherslu á að móta stefnur í tengslum við endurheimt vistkerfa í stjórnunar- og verndaráætlunum fyrir friðlýst svæði. 
 
Sem dæmi um endurheimt vistkerfa og mikilvægi þess má nefna votlendi. Með stefnu um endurheimt votlendis væri hægt að ná fram markmiðum þvert á málaflokka stofnunarinnar. Sem dæmi um ávinning af endurheimt votlendis er:

  • Binding kolefnis en gríðarlegt magn kolefna er bundið í votlendum svæðum en kolefnisbinding er talin mikilvægur þáttur í loftslagsmálum til að draga úr áhrifum manna á veðurfar.
  • Endurheimt búsvæða plöntu- og dýrategunda en votlendi fæðir fjölmargar dýrategundir auk þess að geyma fjölbreytt gróðurfar.
  • Endurheimt vatnsmiðlunar sem miðlar nauðsynlegum næringarefnum til nálægra vistkerfa og eykur náttúrulega getu umhverfisins til að mæta flóða- og þurrkatímabilum. 

Með því að leggja fram stefnu um endurheimt vistkerfa í stjórnunar- og verndaráætlunum mun Umhverfisstofnun taka virkan þátt í þessum nýja áratug endurheimt vistkerfa sem hefst formlega í dag. 
 
Lesa má nánar um alþóðlegan dag umhverfisins hér: 
https://www.worldenvironmentday.global/

Heilsa

Aðgengi, gestir og heimsóknir á Landspítala frá 1. júlí 2021

Í samræmi við almennar tilslakanir vegna farsóttar COVID-19 taka reglur um gesti og heimsóknir á Landspítala nokkrum breytingum 1. júlí 2021.

1. Gestir eru beðnir að gera grein fyrir sér við innganga hjá öryggisvörðum.

2. Fólk sem hefur einhver einkenni smitandi sjúkdóma er beðið að fresta heimsóknum þar til einkennin eru gengin yfir.

3. Gestir eru velkomnir til sjúklinga á Landspítala á auglýstum heimsóknartímum.

4. Gert er ráð fyrir tveimur gestum að hámarki hjá hverjum sjúklingi.

5. Grímuskylda gildir áfram á Landspítala.

Heimsóknartímar á Landspítala

Halda áfram að lesa

Heilsa

Útgáfa á breyttu starfsleyfi Stolt Sea Farm Iceland hf.

24. júní.2021 | 13:30

Útgáfa á breyttu starfsleyfi Stolt Sea Farm Iceland hf.

Umhverfisstofnun hefur tekið ákvörðun um útgáfu á breyttu starfsleyfi Stolt Sea Farm Iceland hf., Reykjanesbæ. Um er að ræða landeldi þar sem breytingin fól í sér að bæta við tegundinni gullinrafa í eldið.

Tillaga að breytingu á starfsleyfi var auglýst á tímabilinu 21. maí 2021 til og með 21. júní 2021 þar sem hægt var að koma með athugasemdir vegna hennar. Engin athugasemd barst stofnuninni vegna tillögunnar á auglýsingatíma.

Greinargerð vegna útgáfunnar fylgir starsleyfinu sbr. 6. gr. reglugerðar nr. 550/2018.

Tengd skjöl

Halda áfram að lesa

Heilsa

Gefðu fimmu til stuðnings Rjóðri

Fjársöfnunin „Gefðu fimmu“ sem stendur yfir er til stuðnings Rjóðri, hjúkrunar-, hvíldar- og endurhæfingarheimili í Kópavogi sem rekið er af kvenna- og barnaþjónustu Landspítala.

Jón Gunnar Geirdal og fleiri standa fyrir þessari söfnun en hann hefur allt frá árinu 2005 verið óþreytandi í því að fá fólk og fyrirtæki til að létta undir með Rjóðri.

Ætlunin er að að nýta söfnunarféð til þess að bæta við annarri aðstöðu til endurhæfingar og skynörvunar í Rjóðri.  Þar er fyrir skynörvunar- og slökunarherbergi sem nýtur mikilla vinsælda. Einnig er þörf á að laga útisvæðið sem er fyrir aftan húsið niður við Kópavoginn og setja hugsanlega upp ný tæki til að bæta aðstöðuna fyrir börnin.

Gefdufimmu.is

Vefur Rjóðurs

Halda áfram að lesa

Vinsælast

Allur réttur áskilin © 2021 Tíðin