Íþrótta og ólympíu samband Íslands

Ásdís Rósa heiðruð á ársþingi HNÍ

03.05.2021

Ársþing Hnefaleikasambands Íslands (HNÍ) fór fram sunnudaginn 2. maí í Íþróttamiðstöðinni í Laugardal. Engar lagabreytingar lágu fyrir þinginu en samþykktar voru breytingar á nýrri gjaldskrá HNÍ. Þingið samþykkti ársreikningur sambandsins og fjárhagsáætlun. Kjörin var ný stjórn sambandsins. Almar Ögmundsson var endurkjörinn formaður sambandsins. Með honum í stjórn eru Birna Árnadóttir og Jafet Örn Þorsteinsson sem voru endurkjörin og þær Marta María Kristjánsdóttir og Margrét Guðrún Svavarsdóttir sem kjörnar voru nýjar inn. Úr aðalstjórn stjórn gengu Steinunn Inga Sigurðardóttir og Baldur Hrafn Vilmundarson. Í varastjórn voru kosnar Ásdís Rósa Gunnarsdóttir og Steinunn Inga Sigurðardóttir.

Ásdís Rósa Gunnarsdóttir, fyrrum formaður HNÍ, var sæmd Gullmerki ÍSÍ fyrir góð störf í þágu hnefaleikaíþróttarinnar við þingsetningu.  Andri Stefánsson sviðsstjóri Afreks- og Ólympíusviðs ÍSÍ sótti þingið af hálfu ÍSÍ, flutti ávarp og afhenti Ásdísi Rósu heiðursviðurkenninguna. Meðfylgjandi mynd var tekin við það tækifæri.

Íþrótta og ólympíu samband Íslands

Verum hraust – Hlaðvarp ÍSÍ

12.05.2021

Í hlaðvarpi ÍSÍ – Verum hraust má hlusta á samtöl við besta íþróttafólk og þjálfara Íslands sem deila sinni sögu og leyfa hlustanda að kynnast þjálfuninni og hugarfarinu sem þarf til að ná árangri á stærstu íþróttasviðum jarðar: Ólympíuleikum og heimsmeistaramótum.

Guðni Valur Guðnason var nýlega í skemmtilegu viðtali í hlaðvarpinu en hann vann einmitt til silfurverðlauna í kringlukasti á stórmóti í Split um síðastliðna helgi. Hægt að smella hér til að horfa á viðtalið við Guðna Val í heild sinni en það viðtal og fleiri skemmtileg viðtöl hlaðvarpsins er að finna á öllum helstu veitum, Spotify og Apple iTunes. 

Verum hraust – Hlaðvarp ÍSÍ á Libsyn.

Verum hraust – Hlaðvarp ÍSÍ á Youtube-síðu ÍSÍ.

Halda áfram að lesa

Íþrótta og ólympíu samband Íslands

Samþykktir fyrri hluta 75. Íþróttaþings ÍSÍ

12.05.2021

Fyrri hluti 75. Íþróttaþings ÍSÍ fór fram í formi fjarþings 7. maí sl. Þrjár tillögur voru teknar til afgreiðslu á þinginu. Tillögunum var öllum vísað til umfjöllunar í fjárhagsnefnd þingsins og höfðu allir þingfulltrúar tækifæri til að starfa með nefndinni.

Samþykktar tillögur og upplýsingar um kosningar til framkvæmdastjórnar ÍSÍ, dómstóls ÍSÍ, áfrýjunardómstól ÍSÍ og kjörnefndar er að finna hér.

Halda áfram að lesa

Íþrótta og ólympíu samband Íslands

Fráfarandi stjórnarfólk ÍSÍ

08.05.2021

Á hverju Íþróttaþingi verða einhverjar breytingar á skipan framkvæmdastjórnar ÍSÍ og svo var einnig á 75. Íþróttaþingi ÍSÍ sem hófst á föstudag sl. Fjórir einstaklingar gáfu ekki kost á sér til áframhaldandi setu í framkvæmdastjórn að þessu sinni, allt reynslumikið fólk sem starfað hefur lengi í íþrótthreyfingunni þó að þau eigi mismunandi langa setu að baki í framkvæmdastjórn ÍSÍ. Sigríður Jónsdóttir, fráfarandi 1. varaforseti ÍSÍ, á að baki 25 ára samfellda setu í stjórn ÍSÍ, Lilja Sigurðardóttir sex ára stjórnarsetu og Þráinn Hafsteinsson fjögurra ára stjórnarsetu en öll hafa þau sinnt leiðtogastörfum innan hreyfingarinnar í áratugi og eru hvergi hætt á þeim vettvangi þó þau hætti nú stjórnarstörfum fyrir ÍSÍ.

Einnig urðu skipti á fulltrúa Íþróttamannanefndar ÍSÍ í framkvæmdastjórn ÍSÍ, þ.e. Ásdís Hjálmsdóttir Annerud kemur inn í stað Dominiqua Ölmu Belányi sem setið hefur í framkvæmdastjórn síðastliðin tvö ár.

ÍSÍ þakkar þeim öllum fyrir frábær störf í þágu ÍSÍ og íþróttahreyfingarinnar í landinu og óskar þeim velfarnaðar í starfi og leik.

Á meðfylgjandi mynd er ofangreint fráfarandi stjórnarfólk ÍSÍ ásamt forseta ÍSÍ og framkvæmdastjóra.

Halda áfram að lesa

Vinsælast

Allur réttur áskilin © 2021 Tíðin