Heilsa

Ástandsmat áfangastaða ferðamanna innan friðlýstra svæða árið 2020

08. apríl.2021 | 11:39

Ástandsmat áfangastaða ferðamanna innan friðlýstra svæða árið 2020

Árið 2020 framkvæmdu starfsmenn Umhverfisstofnunar, Vatnajökulsþjóðgarðs og Þjóðgarðsins á Þingvöllum ástandsmat á 146 áfangastöðum ferðamanna innan friðlýstra svæða á Íslandi. Í tilfellum þar sem svæðin eru stór hafa verið skilgreindir fleiri en einn áfangastaður innan hins friðlýsta svæðis. 

Helstu niðurstöður ástandsmats fyrir árið 2020 eru að ástand hefur batnað á mörgum áfangastöðum. Það sést best með því að skoða græna lista matsins en þar er að finna þá staði sem standast vel álag af völdum gesta og fá yfir 8 í einkunn. Milli ára tvöfaldaðist nánast fjöldi þessara áfangastaða, fóru úr 34 í 60 áfangastaði. Þetta er ekki síst ánægjulegt í ljósi þess að grænir áfangastaðir eru nú orðnir 41% metinna áfangastaða. 

Skýringin á þessari breytingu eru ekki síst aukin innviðauppbygging samfara aukinni landvörslu og þar með stýringu, sem gerir svæðunum kleift að taka á móti miklum fjölda gesta án þess að svæðið verði fyrir álagi en líka sú staðreynd að færri gestir heimsóttu hluta svæðanna. Ástand áfangastaða innan þjóðgarðanna þriggja sýnir þetta skýrt en þar hefur mikil innviðauppbygging átt sér stað og eru nú allir metnir áfangastaðir þeirra, utan tveggja, á grænum lista.  

Grænir áfangastaðir:

Arnarstapi 
Álfaborg 
Innan Bláfjallafólkvangs: Þríhnjúkagígar 
Búðahraun 
Dimmuborgir 
Dynjandi 
Dyrhólaey (háey) 
Dverghamrar 
Eldborg 
Grábrók 
Goðafoss 
Innan Hornstranda: Horn, Höfn, Látrar og Veiðileysufjörður 
Hrútey 
Hraun 
Hraunfossar 
Húsafell 
Ingólfshöfði 
Kattarauga 
Kirkjugólf 
Klasar 
  Krossanesborgir 
Ósland 
Seljahjallagil 
Skógarfoss (láglendi) 
Skútustaðir 
Ströndin Stapar – Hellnar 
Surtarbrandsgil 
Teigarhorn 
Innan Vatnsfjarðar:
Hörgsnes, Vatnsdalur og Þingmannaá 
Innan Þjóðgarðsins Snæfellsjökull:
Djúpalón, Lóndrangar, Malarrif, Saxhóll, Skarðsvík, Skálasnagi, Svalþúfa og Öndverðanes
Varmárósar 
Innan Vatnajökulsþjóðgarðs: 
Askja, Drakagil, Eldgjá, 
Fjallsárlón, Holuhraun, 
Hvannalindir, Laki, 
Langisjór, Sel, 
Skaftafell tjaldsvæði, 
Skaftafell þjónustumiðstöð, 
Snæfell gönguleið, 
Svartifoss, Tjarnargígur 

Innan Þjóðgarðsins á Þingvöllum: Almannagjá, Hakið og Öxarárfoss
  

Ef litið er til áfangastaða sem eru annars vegar í hættu eða eiga í hættu á að missa verndargildi sitt þá eiga þeir staðir það sameiginlegt sem koma nýir inn á þessa lista, að það er verið að meta þá í fyrsta skipti. 

Báðir rauðlistuðu staðirnir frá fyrra ári hafa flust yfir á appelsínugula listann en það voru annars vegar Rauðifoss innan Friðlands að Fjallabaki og hins vegar Dettifoss að austanverðu. Við Rauðafoss var unnið að lagfæringum á svæðinu, nýr göngustígur gerður upp að fossinum og villustígum lokað sem og akstursför utan vega afmáð. Við Dettifoss voru engar framkvæmdir en þar sem fjöldi gesta á svæðinu var eingöngu um þriðjungur fjöldans í hefðbundnu ári náði svæðið að jafna sig.  

Nýju rauðu staðirnir eru eins og fram hefur komið, metnir hér í fyrsta skiptið. Stútur og Suðurnámur innan Friðlands að Fjallabaki eru svæði sem eru í viðkvæmri náttúru og þarfnast betri innviða. Við Stút þarf að laga aðkomu að svæðinu og loka villustígum en við Suðurnámur er göngustígurinn mjög illa farinn af jarðvegsrofi og traðki utan göngustígs. Þar þarf að fara í aðkallandi lagfæringar á stígnum. Við Námuveg innan Vatnajökulsþjóðgarðs vantar nauðsynlega innviði er sinnt geta þeim fjölda gesta sem þangað koma. 

Áfangastaðir í hættu:Innan Friðlands að Fjallabaki: Stútur og Suðurnámur 
Innan Vatnajökulsþjóðgarðs: Námuvegu
Appelsínugulir áfangastaðir Ásfjall
Innan Bláfjallafólkvangs: Skíðavæði 
Bringur 
Dettifoss (að austanverðu) 
Innan Friðlands að Fjallabaki:
Landmannalaugar, Rauðifoss
og Vondugiljaaurar 

Hleinar 
Hlið 
Kerlingafjöll (Hveradalir) 
Rauðhólar 
Innan Reykjanesfólkvangs:
Helgafell, Leiðarendi, Sogin, Stapar og
fjaran við Kleifarvatn, Vigdísarvellir og Vigdísarvallaleið.
 
Tungufoss 
Innan Þjóðgarðsins á Þingvöllum:
Silfra 

Breytt ferðahegðun sem tengja má við Covid-19 hafði áhrif á ástand áfangastaða, má þar nefna að fjölsóttustu ferðamannastaðirnir fengu aðeins brot af þeim gestum sem sækja svæðin heim í venjulegu ári. Það skilaði sér í því að innviðir voru nægjanlegir, ástand gróðurs við gönguleiðir batnaði o.s. frv. Á sama tíma varð mikil sprenging í útivistaráhuga landans og þar með mikið álag á svæðum nálægt þéttbýli, sérstaklega á höfuðborgarsvæðinu. Hluti þessara svæða lækka í einkunn vegna þess að þau voru illa í stakk búin fyrir þessar skjótu breytingar. Innviðir dugðu ekki þeim fjölda sem allt í einu var kominn á staðinn, göngustígar önnuðu illa fjölda göngumanna o.s.frv.   

Frekari upplýsingar um ástanda áfangastaða innan friðlýstra svæða má finna á heimasíðu Umhverfisstofnunar.

Skýrslan: Ástandsmat ferðamannastaða innan friðlýstra svæða 2020

Heilsa

Dagskrá Vísinda á vordögum 28. apríl 2021

Árleg uppskeruhátíð vísinda á Landspítala, Vísindi á vordögum, verður miðvikudaginn 28. apríl 2021.

Formleg dagskrá verður í Hringsal á Landspítala Hringbraut og vegna COVID-19 verður henni streymt beint.

Sérstök vefsíða verður opnuð þar sem hátíðinni verða gerð skil og veggspjöld kynnt. Birt verður yfirlit vísindastarfs á Landspítala og fjallað um starfsemi vísindaráðs og Vísindasjóðs Landspítala auk helstu vísindaverkefna starfsfólks spítalans á árinu 2020.

Afhentir verða styrkir úr Vísindasjóði Landspítala.

Dagskrá

13:00 Fundur settur
Ávarp:
Svandís Svavarsdóttir heilbrigðisráðherra

13:10 Heiðursvísindamaður Landspítala 2021
Kynning: Rósa B. Barkardóttir, formaður vísindaráðs Landspítala
Heiðursvísindamaðurinn heldur fyrirlestur um rannsóknir sínar
Viðtalshorn Vísinda á vordögum 2021

13:50 Ungur vísindamaður Landspítala 2021
Kynning: Sigurbergur Kárason, vísindaráði
Ungur vísindamaður Landspítala kynnir rannsóknir sínar
Viðtalshorn Vísinda á vordögum 2021

14:20 Verðlaunaafhending úr Verðlaunasjóði Þórðar Harðarsonar og Árna Kristinssonar
Kynning: Páll Matthíasson, forstjóri Landspítala
Verðlaunahafi heldur fyrirlestur um rannsóknir sínar
Viðtalshorn Vísinda á vordögum 2021

15:00 Opnun veggspjaldasíðu – Verðlaun fyrir ágrip/veggspjald
Kynning: Jóna Freysdóttir, vísindaráði
Verðlaunahafar kynna verkefni sín með örfyrirlestrum

15:20 Ávarp – Formleg úthlutun styrkja úr Vísindasjóði Landspítala 2021
Páll Matthíasson, forstjóri Landspítala og formaður Vísindasjóðs Landspítala

Fundarstjórn: Jóna Freysdóttir ónæmisfræðingur og prófessor, vísindaráði

Viðtalsstjórnandi: Ólafur Baldursson framkvæmdastjóri lækninga

Halda áfram að lesa

Heilsa

Tillaga að friðlýsingu fólkvangs í Garðahrauni í Garðabæ

Hafa samband

[email protected]

Hikaðu ekki við að senda línu

591-2000

Símatími virka daga 08:30 – 15:00

Suðurlandsbraut 24

108 Reykjavík

Opið virka daga frá 08:30 – 15:00

Halda áfram að lesa

Heilsa

Loftslagvernd í verki – hvað getur þú gert fyrir loftslagið?

20. apríl.2021 | 12:42

Loftslagvernd í verki – hvað getur þú gert fyrir loftslagið?


Umhverfisstofnun hefur á síðustu misserum unnið með Landvernd að þróun á námskeiðinu Loftslagvernd í verki.
Um er að ræða 6 – 8 vikna námskeið á vegum Landverndar ætlað einstaklingum sem vilja prófa sig áfram og leggja sitt af mörkum í þágu loftslagsins. Námskeiðið er valdeflandi ferli sem miðar að því að styðja þátttakendur til að finna eigin leiðir til að draga úr kolefnissporinu. Námskeiðið er unnið í litlum hópum og með gagnvirkri þátttöku í Vefskóla Landverndar.

Enginn getur allt – en allir geta eitthvað
Þeir sem skrá sig verða hluti af 5 – 8 manna hópi sem ferðast saman í gegnum námskeiðið. Hópurinn vinnur sig í gegnum nokkra áfanga sem miða að því að hver þátttakandi skoði eigin lífsstíl, hvort sem er á heimilinu, í starfi eða sem almennur borgari. Þátttakendur hafa þannig stuðning og fá hugmyndir frá öðrum í hópnum – og í framhaldinu geta þeir velt fyrir sér til hvaða aðgerða sé hægt að grípa. Í kjölfarið setja þátttakendur sér raunhæf markmið til skemmri og lengri tíma. Fjallað er um samgöngur, matarvenjur, húsnæði, neyslu og hvernig við getum hvatt fleiri til dáða. 

Skemmtilegt að vinna í hóp
Þeim sem skrá sig til þátttöku býðst að taka þátt í hópi þátttakenda eða jafnvel mynda hópa í kringum sig sjálfa, t.d. í fjölskyldunni, innan vinnustaðar eða í skóla. Fjarfundabúnaður er nýttur eftir þörfum og því hægt að taka þátt óháð búsetu. Hóparnir eru leiddir áfram af leiðbeinendum sem hafa hlotið til þess sérstaka þjálfun. 
Skráðu þig til þátttöku hér – https://landvernd.is/vefskoli/

Halda áfram að lesa

Vinsælast

Allur réttur áskilin © 2021 Tíðin