Alþingi

Auður Hauksdóttir hlýtur verðlaun Jóns Sigurðssonar 2021

17.9.2021

Verðlaun Jóns Sigurðssonar 2021 voru afhent í Jónshúsi 11. september þegar haldið var upp á 50 ára afmæli menningar- og félagsstarfs í Jónshúsi. Verðlaunin hlaut að þessu sinni Auður Hauksdóttir, prófessors emerita. Að mati forsætisnefndar Alþingis hefur Auður með störfum sínum lagt af mörkum ríkulegan skerf til skilnings á mikilvægi dönskukennslu í íslenska skólakerfinu og þeirri þýðingu sem hún hefur sem samskiptamál fyrir Íslendinga við aðrar norrænar þjóðir. Með þessu hefur hún styrkt bönd Íslands við norrænar frændþjóðir og fyrir það hlaut hún Verðlaun Jóns Sigurðssonar forseta árið 2021.

Verðlaunin hafa áður hlotið:

  • 2020: Böðvar Guðmundsson, rithöfundur. ljóðskáld, leikskáld og fv. kennari
  • 2019: Vibeke Nørgaard Nielsen, rithöfundur og fv. kennari
  • 2018: Tryggvi Ólafsson, myndlistarmaður
  • 2017: Annette Lassen, rannsóknardósent
  • 2016: Dansk-Islandsk samfund
  • 2015: Sigríður Eyþórsdóttir, tónlistarmaður og kórstjóri
  • 2013: Erling Blöndal Bengtsson, sellóleikari
  • 2012: Pétur M. Jónasson, vatnalíffræðingur og prófessor emeritus
  • 2011: Vigdís Finnbogadóttir, fyrrverandi forseti Íslands
  • 2010: Søren Langvad, byggingarverkfræðingur og forstjóri
  • 2009: Erik Skyum-Nielsen, bókmenntafræðingur og þýðandi
  • 2008: Guðjón Friðriksson, sagnfræðingur

Alþingi veitir Verðlaun Jóns Sigurðssonar forseta í minningu starfa hans í þágu Íslands og Íslendinga. Þau hlýtur hverju sinni einstaklingur sem hefur unnið verk er tengjast hugsjónum og störfum Jóns Sigurðssonar. Þau verk geta verið á sviði fræðistarfa, viðskipta eða mennta- og menningarmála.

JS-5F.v. Helga Hauksdóttir sendiherra, Auður Hauksdóttir verðlaunahafi og Steingrímur J. Sigfússon, forseti Alþingis.

Alþingi

Gögn undirbúningsnefndar fyrir rannsókn kjörbréfa birt á vef


Skrifstofa AlþingisHafa samband,
101 Reykjavík,
Kt. 420169-3889,
Sími 563 0500,

Sjá á korti

Meðhöndlun persónuupplýsinga


Öllum fyrirspurnum, ábendingum og tillögum um vef Alþingis skal beint til [email protected].

Jafnlaunavottun

Halda áfram að lesa

Alþingi

Opinn fundur undirbúningsnefndar fyrir rannsókn kjörbréfa föstudaginn 15. október

14.10.2021

Undirbúningsnefnd fyrir rannsókn kjörbréfa heldur opinn fund föstudaginn 15. október kl. 10:45. Gestir fundarins verða Trausti Fannar Valsson, forseti lagadeildar Háskóla Íslands, og Ragnhildur Helgadóttir, rektor Háskólans í Reykjavík. Þau eru boðuð á fundinn til að fjalla um lögfræðileg álitaefni í tengslum við verkefni nefndarinnar um undirbúning rannsóknar fyrir kjörbréf.

Fundurinn verður haldinn í húsnæði nefndasviðs Alþingis í Austurstræti 8–10 og verður opinn fulltrúum fjölmiðla og almenningi á meðan húsrúm leyfir.

Bein útsending verður frá fundinum á vef Alþingis og á sjónvarpsrás Alþingis á dreifikerfum Símans og Vodafone.

Að loknum fundi má nálgast upptöku af fundinum hér. 

Um opna fundi fer skv. 19. gr. laga um þingsköp Alþingis, nr. 55/1991 og X. kafla starfsreglna fastanefnda.

Halda áfram að lesa

Alþingi

Nýkjörnir alþingismenn á kynningarfundi




12.10.2021



Nýkjörnir alþingismenn sitja nú á kynningarfundi í Alþingishúsinu þar sem starfsfólk skrifstofunnar kynnir fyrir þeim þingstörfin, starfsaðstöðu þingmanna og þjónustu skrifstofunnar við þá.

IMG_9190

Halda áfram að lesa

Vinsælast

Allur réttur áskilin © 2021 Tíðin