Innlent

Fitch Ratings staðfestir A lánshæfiseinkunn ríkissjóðs með stöðugum horfum

Matsfyrirtækið Fitch Ratings birti í dag mat á lánshæfi ríkissjóðs. Lánshæfiseinkunn er óbreytt í A og horfur eru stöðugar.

Í fréttatilkynningu Fitch segir að A lánshæfiseinkunn ríkissjóðs endurspegli mjög háa landsframleiðslu á mann, góða stjórnarhætti og hátt þróunarstig sem er sambærilegri við lönd með „AAA“ og „AA“ lánshæfiseinkunn. Hagstæð lýðfræðileg samsetning landsmanna (hlutfall fólks á vinnufærum aldri var 65% árið 2020) styður enn frekar við hagvaxtarhorfur. Mikil en lækkandi skuldabyrði hins opinbera, smæð hagkerfisins og einsleitni útflutnings sem eykur áhættu gagnvart ytri áföllum og greiðslujöfnuði, halda aftur af lánshæfiseinkunninni.

Efnahagsbatinn hefur styrkst á árinu 2022 vegna innlendrar eftirspurnar og trausts útflutningsvaxtar. Hagkerfið hefur sýnt seiglu gagnvart alþjóðaorkukrísunni og gerir Fitch ráð fyrir að svo verði áfram. Eldsneytis- og matvælaverð hefur hækkað en kaupmáttur heimilanna og framlegð iðnaðar verða fyrir minni áhrifum af hærri orkukostnaði en annars staðar í Evrópu. Vísbendingar eru um að verðbólga hafi náð hámarki í kjölfar vaxtahækkana Seðlabankans og beitingar þjóðhagsvarúðartækja. Fitch gerir ráð fyrir að halli hins opinbera lækki vegna meiri tekna en búist var við og eftir því sem stuðningsaðgerðir vegna heimsfaraldursins renna sitt skeið. Fitch gerir einnig áð fyrir að skuldir hins opinbera lækki l sem hlutfall af landsframleiðslu fram til ársins 2024.

Ísland hefur UFS* einkunn upp á ‘5[+]’ fyrir bæði pólitískan stöðugleika og réttindi annars vegar og fyrir réttarríkið, gæði stofnana og regluverks auk stjórnunar á spillingu, hins vegar.

Mikil og viðvarandi lækkun á hlutfalli ríkisskulda af landsframleiðslu, t.d. með því að áætlun um aðhald í ríkisfjármálum verði framfylgt, viðvarandi hagvexti yfir tíma, eða að efnahagsbatinn verði viðvarandi eftir árið 2022 vegna aukinnar fjölbreytni í útflutningi án þess að skapa þjóðhagslegt ójafnvægi gætu haft jákvæð áhrif á lánshæfiseinkunn ríkissjóðs.

Vísbendingar um að stefnan í efnahags- og ríkisfjármálum leiði til þess hækkunar skuldahlutfalls ríkissjóðs eða veikari hagvaxtarhorfur eða efnahagsáfall, t.d. vegna áfall vegna samdráttar í ferðaþjónustu, viðvarandi leiðréttingar á fasteignamarkaði og verulegra neikvæðra áhrifa á bankakerfið gætu leitt til lægri lánshæfiseinkunnar.

*UFS – Umhverfis- og félagslegir þættir og stjórnarhættir (enska: ESG-Environment, Social, Governance)

Hagstofan

Vísitala neysluverðs hækkar um 0,09% á milli mánaða

Vísitala neysluverðs, miðuð við verðlag í september 2022, er 555,6 stig (maí 1988=100) og hækkar um 0,09% frá fyrri mánuði. Vísitala neysluverðs án húsnæðis er 460,0 stig og hækkar um 0,09% frá ágúst 2022.

Verð á fötum og skóm hækkaði um 4,6% (áhrif á vísitöluna 0,15%) og verð á raftækjum til heimilsnota hækkaði um 5,4% (0,10%). Verð á flugfargjöldum til útlanda lækkaði um 17,9% (-0,42%).

Síðastliðna tólf mánuði hefur vísitala neysluverðs hækkað um 9,3% og vísitala neysluverðs án húsnæðis um 7,0%.

Vísitala neysluverðs samkvæmt útreikningi í september 2022, sem er 555,6 stig, gildir til verðtryggingar í nóvember 2022. Vísitala fyrir eldri fjárskuldbindingar, sem breytast eftir lánskjaravísitölu, er 10.970 stig fyrir nóvember 2022.

Talnaefni

Halda áfram að lesa

Almannavarnir

Hættustigi aflýst á Austurlandi og Suðurlandi

Ríkislögreglutjóri í samráði við lögreglustjóra á Austurlandi og Suðurlandi aflýsir hættustigi almannavarna vegna veðurs sem fór yfir umdæmin 24.-26. september.  Engar veðurviðvaranir eru í gildi.

Halda áfram að lesa

Innlent

Vefútsending á morgun vegna yfirlýsingar fjármálastöðugleikanefndar og útgáfu Fjármálastöðugleika

27. september 2022

Fjármálastöðugleikanefnd. Frá vinstri eru Guðrún Þorleifsdóttir, Rannveig Sigurðardóttir, Axel Hall, Ásgeir Jónsson formaður, Bryndís Ásbjarnardóttir, Guðmundur Kr. Tómasson, Unnur Gunnarsdóttir og Gunnar Jakobsson.
Fjármálastöðugleikanefnd. Frá vinstri eru Guðrún Þorleifsdóttir, Rannveig Sigurðardóttir, Axel Hall, Ásgeir Jónsson formaður, Bryndís Ásbjarnardóttir, Guðmundur Kr. Tómasson, Unnur Gunnarsdóttir og Gunnar Jakobsson.

Yfirlýsing fjármálastöðugleikanefndar verður birt á vef Seðlabankans kl. 8.30 á morgun 28. september. Ritið Fjármálastöðugleiki verður birt á vefnum kl. 8.35. Klukkan 9.30 hefst vefútsending frá kynningunni vegna yfirlýsingar nefndarinnar. Á kynningunni gera Ásgeir Jónsson, seðlabankastjóri og formaður fjármálastöðugleikanefndar, Gunnar Jakobsson, varaseðlabankastjóri fjármálastöðugleika og Haukur C. Benediktsson, framkvæmdastjóri fjármálastöðugleika, grein fyrir yfirlýsingu fjármálastöðugleikanefndar og kynna efni ritsins Fjármálastöðugleika.

Nánari upplýsingar um fjármálastöðugleika má finna sérstakri síðu, sjá hér.

Hér má finna tengla á útgefin rit, m.a. Fjármálastöðugleika.

Vefútsending verður aðgengileg hér (tengill settur hér von bráðar).

Halda áfram að lesa

Vinsælast

Allur réttur áskilin © Tíðin