Heilsa

Frá farsóttanefnd um stöðuna í COVID á Landspítala 14. janúar – Sérstakar tilkynningar sem snúa að starfsmönnum spítalans

Landspítali er á neyðarstigi

Nú eru inniliggjandi 42 sjúklingar með COVID, þar af 33 með virkt smit. Á gjörgæslu eru nú 8 sjúklingar og 4 þeirra í öndunarvél.
Í gær voru 4 innlagnir og 5 útskriftir. Nú liggja COVID sjúklingar á 9 deildum spítalans og eru miklar annir í kringum það verkefni ásamt öllum venjubundnum verkefnum.

8.076 eru í fjarþjónustu COVID göngudeildar, þar af 2.621 barn. 189 eru gulir og enginn rauður.
Af starfsmönnum er það að frétta að nú eru 140 í einangrun og 115 í sóttkví – af þeim eru 50 í vinnusóttkví.

Talnaupplýsingar um stöðuna á spítalanum eru birtar á www.landspitali.is.

Sérstakar tilkynningar

1. Gæðaskjal um afléttingu einangrunar inniliggjandi sjúklinga hefur verið uppfært. 
2. Gæðaskjal um sóttkví B1 hefur verið uppfært og er fólk beðið um að kynna það vel fyrir þeim sem yfirmenn kveðja til vinnu í sóttkví. 
3. Frá og með mánudeginum 17. janúar verða sýnatökur fyrir starfsmenn á Hringbrautarsvæðinu á Eiríksgötu 37 kl. 9:00 alla virka daga. Þeir sem bóka sig í sýnatöku á Landspítala eða fá strikamerki frá rakningarteymi spítalans geta nú valið um þrjá staði: Birkiborg, Eiríksgötu eða Suðurlandsbraut.
4. Fullbólusettir starfsmenn sem koma til starfa eftir COVID sýkingu eiga að vinna í sóttkví C í 7 daga eftir að einangrun lýkur. Óbólusettir starfsmenn eiga að vera frá vinnu í 14 daga og mega þá koma inn í sóttkví C í 7 daga. Sækja þarf um þessa sóttkví til farsóttanefndar.
5. Farsóttanefnd beinir þeim eindregnu tilmælum til starfsmanna að nota ekki heimapróf eða önnur hraðgreiningapróf heldur fara rakleiðis í PCR próf ef minnsti grunur vaknar um smit.

Farsóttanefnd og viðbragðsstjórn fagna hertum samkomutakmörkunum og bindur vonir við að þær skili tilætluðum árangri.

Heilsa

Útgáfa leyfis Alvotech hf. fyrir afmarkaða notkun erfðabreyttra örvera

18. janúar.2022 | 15:05

Útgáfa leyfis Alvotech hf. fyrir afmarkaða notkun erfðabreyttra örvera

Umhverfisstofnun hefur tekið ákvörðun um útgáfu leyfis Alvotech hf., þann 14. janúar 2022, fyrir afmarkaða notkun erfðabreyttra örvera í rannsóknarhúsnæði rekstraraðila við Klettagarða 6, 104 Reykjavík. Nánari upplýsingar um starfsemina má finna í greinargerð með leyfinu. 

Leyfið er gefið út í samræmi við ákvæði laga nr. 18/1996 um erfðabreyttar lífverur, reglugerðar nr. 275/2002 um afmarkaða notkun erfðabreyttra örvera. Leyfið hefur þegar tekið gildi og gildir til 14. janúar 2038.

Umhverfisstofnun bendir á að skv. 29. gr. laga nr. 18/1996 um erfðabreyttar lífverur sæta ákvarðanir Umhverfisstofnunar er varða veitingu, endurskoðun og afturköllun leyfis, kæru til úrskurðarnefndar umhverfis- og auðlindamála. Kærufrestur er einn mánuður frá auglýsingu ákvörðunarinnar skv. 4. gr. laga nr. 130/2011 um úrskurðarnefnd umhverfis- og auðlindamála. 

Fylgiskjöl: 
Leyfi með greinargerð
Umsögn Vinnueftirlitsins

Halda áfram að lesa

Heilsa

COVID-19 – 18. janúar: Staðan

Landspítali er á neyðarstigi.

Staðan kl. 9:00

39 sjúklingar liggja á Landspítala með COVID-19. Þrír eru á gjörgæslu, allir í öndunarvél.  

Meðalaldur innlagðra er 62 ár.

8.045 sjúklingar eru í COVID göngudeild spítalans, þar af 2.893 börn.

Frá upphafi fjórðu bylgju, 30. júní 2021, hafa verið 346 innlagnir vegna COVID-19 á Landspítala.

Talnaupplýsingar um stöðuna á spítalanum eru birtar á www.landspitali.is.

Halda áfram að lesa

Heilsa

Frá farsóttanefnd um stöðuna í COVID á Landspítala 17. janúar – Viðbótarmannskap vantar

Landspítali er á neyðarstigi

Í dag liggja 45 sjúklingar á Landspítala með COVID, þar af er 31 með virkt smit, flestir á A7, A6 og gjörgæsludeildum en einnig eru 7 sjúklingar á Landakoti og 2 á geðdeildum.
Alls bættust 19 sjúklingar við um helgina, 6 greindust við innlögn eða inniliggjandi, þar af var einn í sóttkví.
Á gjörgæslu eru 7 sjúklingar, tveir í öndunarvél.

Í fjarþjónustu eru 8.025, þar af 2.795 börn. Í gær komu 17 einstaklingar til meðferðar og mats í COVID göngudeild en alls hafa 240 manns komið þangað það sem af er janúar. Ljóst er að talsverður hluti þessa hóps myndi þurfa innlögn ef göngudeildarinnar nyti ekki við.

Nú eru 140 starfsmenn í einangrun og 98 í sóttkví.

Talnaupplýsingar um stöðuna á spítalanum eru birtar á www.landspitali.is.

  • Í morgun var opnuð ný sýnatökustöð á Eiríksgötu 37 þar sem augndeildin var áður til húsa. Þar verða tekin sýni hjá starfsmönnum alla virka daga kl. 9. Nauðsynlegt er að vera með strikamerki.
  • Áfram er mikil þörf fyrir viðbótarmannskap, sérstaklega hjúkrunarfræðinga og sjúkraliða og fólk í yfirsetuteymi.

Halda áfram að lesa

Vinsælast

Allur réttur áskilin © 2021 Tíðin