Innlent

Hraðakstur á höfuðborgarsvæðinu

3 Maí 2021 15:44

Nokkuð hefur verið um hraðakstur í umdæminu undanfarna daga og þar hafa ekki síst ungir ökumenn komið við sögu. Einn þeirra, 17 ára piltur, var staðinn að hraðakstri á Sæbraut, en bíll hans mældist á 135 km hraða og viðkomandi á nú yfir höfði sér sviptingu ökuréttinda í þrjá mánuði og 180 þúsund kr. í sekt. Annar piltur, rúmlega tvítugur, ók Reykjanesbraut í Garðabæ á 165 km hraða og bíður hans líka þriggja mánaða svipting, auk 250 þúsund kr. í sekt. Hinir „reynslumeiri“ hafa líka komið við sögu vegna hraðaksturs síðustu daga, en karlmaður á áttræðisaldri ók bíl sínum á 73 km hraða á götu í Kópavogi þar sem leyfður hámarkshraði er 30. Sá á sömuleiðis yfir höfði sér sviptingu ökuréttinda í þrjá mánuði, auk sektar kr. 90 þúsund.

Lögreglan minnir alla á að fara varlega í umferðinni og að flýta sér hægt!

Almannavarnir

Óvissustig vegna hættu á gróðureldum á Norðurlandi Vestra

Ríkislögreglustjóri, í samráði við lögreglustjóra og slökkviliðsstjórana á Norðurlandi Vestra hafa ákveðið að lýsa yfir óvissustigi almannavarna vegna hættu á gróðureldum. Þessi ákvörðun er byggð á því að lítið hefur rignt á svæðinu undanfarið og veðurspá næstu daga sýnir heldur ekki neina úrkomu af ráði. Óvissustig almannavarna þýðir að aukið eftirlit er haft með atburðarás sem á síðari stigum gæti leitt til þess að heilsu og öryggi fólks, umhverfis eða byggðar verði ógnað. Að lýsa yfir óvissustigi er hluti af verkferlum í skipulagi almannavarna til að tryggja formleg samskipti og upplýsingagjöf á milli viðbragðsaðila og almennings.

Almenningur er hvattur til að sýna aðgát með opinn eld á þessum svæðum og öðrum þar sem gróður er þurr. Það þarf ekki mikinn neista til þess að af verði stórt bál.

Ef fólk verður vart við gróðurelda á strax að hringja í 112. Á heimasíðu almannavarnadeildar ríkislögreglustjóra má nálgast upplýsingar um ýmsar varnir til að draga úr hættu af gróðureldum https://www.almannavarnir.is/natturuva/eldhaetta/ og einnig inn á https://www.grodureldar.is/

Halda áfram að lesa

Alþingi

Forsætisnefnd afgreiðir erindi um siðareglumál

12.5.2021

Forsætisnefnd afgreiddi á fundi sínum 10. maí erindi sem henni barst 18. apríl sl. frá Birni Leví Gunnarssyni alþingismanni þar sem hann óskaði álits forsætisnefndar á því hvort ummæli hans í grein í Morgunblaðinu 3. apríl sl. stæðist siðareglur alþingismanna. Niðurstaða forsætisnefndar er birt í meðfylgjandi bréfi til Björn Levís Gunnarssonar

Var niðurstaðan sú að skilyrði brysti til þess að nefndin tæki erindið til athugunar á grundvelli siðareglna fyrir alþingismenn, sbr. 1. málslið 1. mgr. 18. gr. siðareglnanna.

Halda áfram að lesa

Innlent

Landlæknir spurður út í bólusetningar vegna COVID-19

Umboðsmaður Alþingis hefur óskað eftir að landlæknir veiti upplýsingar um hvernig staðið hefur verið að leiðbeiningum og upplýsingagjöf vegna COVID-19 bólusetningar. Einkum með tilliti til þeirra sem, af heilsufarslegum ástæðum, telja ekki öruggt að þiggja tiltekið bóluefni.

Halda áfram að lesa

Vinsælast

Allur réttur áskilin © 2021 Tíðin