Íþrótta og ólympíu samband Íslands

Íþrótta- og æskulýðsstarf í forgangi við næstu afléttingar

09.04.2021

Fram kemur í pistli mennta- og menningarmálaráðherra á Facebook rétt í þessu að það sé forgangsmál hjá stjórnvöldum að koma íþrótta- og æskulýðsstarfinu af stað sem allra fyrst!

Forysta ÍSÍ og forystufólk sérsambanda hefur unnið ötullega að því undanfarnar vikur að koma sjónarmiðum íþróttahreyfingarinnar á framfæri við stjórnvöld og skilað til þeirra tillögum þar að lútandi.

Vonast er til að talsverðar afléttingar á takmörkunum verði gerðar 15. apríl þegar ný reglugerð heilbrigðisráðherra verður gefin út, að því gefnu að fjöldi smita kórónuveirunnar aukist ekki í millitíðinni.

Íþrótta og ólympíu samband Íslands

Verum hraust – Hlaðvarp ÍSÍ

12.05.2021

Í hlaðvarpi ÍSÍ – Verum hraust má hlusta á samtöl við besta íþróttafólk og þjálfara Íslands sem deila sinni sögu og leyfa hlustanda að kynnast þjálfuninni og hugarfarinu sem þarf til að ná árangri á stærstu íþróttasviðum jarðar: Ólympíuleikum og heimsmeistaramótum.

Guðni Valur Guðnason var nýlega í skemmtilegu viðtali í hlaðvarpinu en hann vann einmitt til silfurverðlauna í kringlukasti á stórmóti í Split um síðastliðna helgi. Hægt að smella hér til að horfa á viðtalið við Guðna Val í heild sinni en það viðtal og fleiri skemmtileg viðtöl hlaðvarpsins er að finna á öllum helstu veitum, Spotify og Apple iTunes. 

Verum hraust – Hlaðvarp ÍSÍ á Libsyn.

Verum hraust – Hlaðvarp ÍSÍ á Youtube-síðu ÍSÍ.

Halda áfram að lesa

Íþrótta og ólympíu samband Íslands

Samþykktir fyrri hluta 75. Íþróttaþings ÍSÍ

12.05.2021

Fyrri hluti 75. Íþróttaþings ÍSÍ fór fram í formi fjarþings 7. maí sl. Þrjár tillögur voru teknar til afgreiðslu á þinginu. Tillögunum var öllum vísað til umfjöllunar í fjárhagsnefnd þingsins og höfðu allir þingfulltrúar tækifæri til að starfa með nefndinni.

Samþykktar tillögur og upplýsingar um kosningar til framkvæmdastjórnar ÍSÍ, dómstóls ÍSÍ, áfrýjunardómstól ÍSÍ og kjörnefndar er að finna hér.

Halda áfram að lesa

Íþrótta og ólympíu samband Íslands

Fráfarandi stjórnarfólk ÍSÍ

08.05.2021

Á hverju Íþróttaþingi verða einhverjar breytingar á skipan framkvæmdastjórnar ÍSÍ og svo var einnig á 75. Íþróttaþingi ÍSÍ sem hófst á föstudag sl. Fjórir einstaklingar gáfu ekki kost á sér til áframhaldandi setu í framkvæmdastjórn að þessu sinni, allt reynslumikið fólk sem starfað hefur lengi í íþrótthreyfingunni þó að þau eigi mismunandi langa setu að baki í framkvæmdastjórn ÍSÍ. Sigríður Jónsdóttir, fráfarandi 1. varaforseti ÍSÍ, á að baki 25 ára samfellda setu í stjórn ÍSÍ, Lilja Sigurðardóttir sex ára stjórnarsetu og Þráinn Hafsteinsson fjögurra ára stjórnarsetu en öll hafa þau sinnt leiðtogastörfum innan hreyfingarinnar í áratugi og eru hvergi hætt á þeim vettvangi þó þau hætti nú stjórnarstörfum fyrir ÍSÍ.

Einnig urðu skipti á fulltrúa Íþróttamannanefndar ÍSÍ í framkvæmdastjórn ÍSÍ, þ.e. Ásdís Hjálmsdóttir Annerud kemur inn í stað Dominiqua Ölmu Belányi sem setið hefur í framkvæmdastjórn síðastliðin tvö ár.

ÍSÍ þakkar þeim öllum fyrir frábær störf í þágu ÍSÍ og íþróttahreyfingarinnar í landinu og óskar þeim velfarnaðar í starfi og leik.

Á meðfylgjandi mynd er ofangreint fráfarandi stjórnarfólk ÍSÍ ásamt forseta ÍSÍ og framkvæmdastjóra.

Halda áfram að lesa

Vinsælast

Allur réttur áskilin © 2021 Tíðin