Connect with us

Íþrótta og ólympíu samband Íslands

Kynningarfundur með ráðherra

Published

on

30.12.2020

Síðdegis í dag var haldinn kynningarfundur Ásmundar Einars Daðasonar félags- og barnamálaráðherra, Unnar Sverrisdóttur forstjóra Vinnumálastofnunar og Lárusar L. Blöndal forseta ÍSÍ með íþróttahreyfingunni um lög um greiðslur til íþróttafélaga vegna launakostnaðar og verktakagreiðslna á tímum kórónuveirufaraldurs og fyrirkomulag varðandi umsóknarferlið þar að lútandi.  Fundurinn var haldinn í Microsoft Teams fjarfundabúnaðinum. Vel var mætt á fundinn eða um 180 manns þegar mest var.  Á fundinum kom m.a. fram að umsóknarkerfið verði væntanlega tilbúið í lok janúar að lokinni forritunarvinnu og annarri undirbúningsvinnu fyrir verkefnið. Reynt verður að hafa það sem mest í rafrænu formi.

Ýmsar spurningar komu fram á fundinum varðandi úrræðið og útfærslur á umsóknarferlinu og verður svörum og skýringum komið á framfæri við íþróttahreyfinguna þegar lengra verður komið í undirbúningsvinnunni fyrir umsóknarferlið.  Vinnumálastofnun vinnur að málinu og er það forgangsverkefni stofnunarinnar í janúarmánuði. Náið samráð og samstarf verður haft við ÍSÍ í undirbúningi og framkvæmd úrræðisins og þess gætt að sjónarmiðum og athugasemdum íþróttahreyfingarinnar verði komið á framfæri á öllum stigum málsins.

Hér fyrir neðan má finna umrædd lög og einnig efni sem farið var í gegnum á fundinum: 

Lög um greiðslur til íþróttafélaga vegna launakostnaðar og verktakagreiðslna á tímum kórónuveirufaraldurs.

Glærur Vinnumálastofnunar sem kynntar voru á fundinum.

Glærur félags- og barnamálaráðherra sem kynntar voru á fundinum.

Íþrótta og ólympíu samband Íslands

Eflum líkamlega og andlega heilsu

Published

on

26.02.2021

Það er fullt af tækifærum til þess að hreyfa sig. ÍSÍ hvetur landsmenn til að sýna frumkvæði og sköpunargleði við að efla líkamlega og andlega heilsu sína. Hreyfingu má stunda á hinum ýmsu stöðum og í margvíslegri mynd, utan dyra og innan, að viðhöfðum ítrustu sóttvörnum.

Verum hraust – og deilum myndrænni hvatningu undir #verumhraust á samfélagsmiðlum, svo allir hinir taki líka við sér.

ÍSÍ á Facebook

Continue Reading

Íþrótta og ólympíu samband Íslands

ÁHERSLUR Í ÍÞRÓTTASTARFI BARNA Á ÍSLANDI

Published

on

24.02.2021

Í ljósi umræðu í samfélaginu undanfarinna daga, í kjölfar sýningar á myndinni Hækkum rána, vill Íþrótta- og Ólympíusamband Íslands (ÍSÍ) koma eftirfarandi á framfæri.

Þátttaka barna og unglinga í skipulögðu íþróttastarfi er mikil og almenn á Íslandi í alþjóðlegum samanburði. Íþróttafélögin standa fyrir metnaðarfullu starfi sem stýrt er af velmenntuðum þjálfurum sem fá greitt fyrir sín störf. Þar er pláss fyrir alla og börn og ungmenni hafa jafnan rétt til þess að stunda íþróttir og vera metin að eigin verðleikum. Uppbygging íþróttastarfsins á Íslandi, starfsemi íþróttafélaga og áherslur í starfi með börnum og unglingum hafa vakið athygli langt út fyrir landssteinana.

Stefna ÍSÍ í íþróttum barna og unglinga var samþykkt á Íþróttaþingi ÍSÍ árið 1996 og endurskoðuð á Íþróttaþingi ÍSÍ árið 2015 og byggir á viðurkenndri þekkingu úr fræðasamfélaginu. Samhliða endurskoðun stefnunnar var gefinn út bæklingurinn Íþróttir barnsins vegna en þar eru tíunduð markmið með íþróttaþátttöku, leiðir, mælikvarði á árangur og keppni, verðlaun og viðurkenningar. Í stefnunni er mikil áhersla lögð á að íþróttir eigi að vera fyrir alla, þær þurfi að vera skemmtilegar og leikurinn skipi stóran sess. Árangur er hægt að mæla á ólíkan hátt, en auk sigra í keppnum, er aukin þátttaka, ánægja iðkenda og að halda iðkendum í starfinu einnig hluti af árangri.

Árið 2016 settu ÍSÍ og UMFÍ á laggirnar verkefnið Sýnum karakter en hugmyndafræði verkefnisins er að hægt sé að þjálfa sálræna og félagslega færni barna og unglinga til jafns við líkamlega færni í gegnum íþróttir.  Helsta markmið verkefnisins hefur verið að hvetja þjálfara og íþróttafélög til að leggja enn meiri og markvissari áherslu á að byggja upp góðan karakter hjá iðkendum. Með þjálfun karakters sinnir íþróttafélagið bæði uppeldishluta og afrekshluta íþróttastarfsins og góðir karakterar verða síðar góðir þjóðfélagsþegnar því að ekki verða allir landsliðsmenn í íþróttum.

Rannsóknir hafa sýnt að þátttaka í skipulögðu íþróttastarfi hefur ýmis jákvæð áhrif á líðan og hegðun ungmenna. Börn og ungmenni sem taka þátt í formlegu íþróttastarfi fá útrás fyrir hreyfiþörf sína og nota síður tóbak, áfengi eða önnur vímuefni. Jafnframt eru þau líklegri til að vera heilsuhraustari og líða betur andlega, líkamlega og félagslega heldur en þau börn sem taka ekki þátt í starfinu. Þátttaka í skipulögðu íþróttastarfi hefur jákvæð áhrif á persónulega uppbyggingu og þroska einstaklinga. Börn og ungmenni læra siðferði, heiðarleika, virðingu, samvinnu, hollustu og skuldbindingu með því að taka þátt. Jafnframt læra þau að takast á við sigra og töp, setja sér markmið, sýna vinnusemi og tillitsemi, vinna í hóp, virða skoðanir annarra og fara eftir reglum. Íþróttaiðkun ýtir líka undir mikilvæg gildi eins og liðsanda, einingu, umburðarlyndi og sanngjarnan leik.

Fyrir tveimur árum voru hegðunarviðmið ÍSÍ endurskoðuð en þau eru siðareglum ÍSÍ til stuðnings. Í hegðunarviðmiðum fyrir þjálfara er m.a. lögð áhersla á að bera virðingu fyrir mótherjum, foreldrum/forsjáraðilum, dómurum, sjálfboðaliðum, þjálfurum og öðru starfsfólki og stuðla að því að iðkendur geri slíkt hið sama. Þar er einnig lögð áhersla á virðingu fyrir þjálfarastarfinu sjálfu með því að gera kröfur um málfar og hegðun og sýna íþróttinni og félaginu virðingu og virða reglur.

ÍSÍ er mótfallið þjálfunaraðferðum sem stríða gegn reglum og viðmiðum íþróttahreyfingarinnar.

Continue Reading

Íþrótta og ólympíu samband Íslands

Karatefólk með Instagram ÍSÍ á morgun

Published

on

24.02.2021

Iveta Chavdarova Ivanova og Ólafur Engilbert Árnason, landsliðsfólk í karate, tekur við ÍSÍ story á Instagrami ÍSÍ á morgun, fimmtudag.

Iveta og Ólafur hafa verið ein af okkar fremsta karatefólki síðustu ár og hafa verið í lykilhlutverki með bæði lands- og félagsliði. Þau keppa bæði í kumite, sem er bardagahluti karates. Iveta og Ólafur eru bæði ríkjandi Íslandsmeistarar í opnum flokki og hafa tvívegis verið kjörin Karatefólk ársins og Íþróttafólk ársins hjá Fylki, sem er þeirra félagslið. Nú eru Iveta og Ólafur búsett í Danmörku þar sem þau æfa undir handleiðslu landsliðsþjálfara Dana, auk þess að stunda háskólanám.

Sjáðu hvernig þau halda utan um nám, sambúð og æfingar á tímum kórónuveirunnar á Instagrami ÍSÍ á morgun.

Instagram ÍSÍ má sjá hér.

Continue Reading

Vinsælast

Allur réttur áskilin © 2020 Tíðin