Heilsa

Olíumengun í Arnarfirði

12. apríl.2021 | 14:20

Olíumengun í Arnarfirði

Um hádegisbil á laugardag fékk Umhverfisstofnun tilkynningu um að mengun væri sýnileg í Dynjandisvogi í Arnarfirði.
Um var að ræða sýnilega olíuslikju í firðinum sem breiddi úr sér um 300 metra út voginn. Uppruni hennar var ekki ljós í fyrstu en kannað var hvort hún tengdist vegagerð á svæðinu.

Þar sem umfang og uppruni mengunarinnar var ekki ljós í fyrstu undirbjó Umhverfisstofnun að flytja mengunarvarnabúnað til Arnarfjarðar með aðstoð Ísafjarðarhafnar en stofnunin tilkynnti einnig um atvikið til Heilbrigðiseftirlits Vestfjarða, Vegagerðarinnar og hafna Vesturbyggðar. Eftir frekari eftirgrennslan lögreglu kom í ljós að mengunin hafði borist frá vinnuvél þar sem glussaslanga hafði farið í sundur. Búið var að gera við tækið en hreinsun á svæðinu hafði ekki farið fram. Þar sem ljóst var að óhappið var við vegagerð á svæðinu fór Umhverfisstofnun fram á að komið yrði fyrir búnaði til að ná upp olíu á staðnum.

Umhverfisstofnun mun fylgjast með framgangi hreinsunarinnar. 

Umhverfisstofnun brýnir fyrir verktökum og öðrum tækjaeigendum að tilkynna alltaf til Neyðarlínunnar ef þeir verða varir við olíu- eða glussaleka frá vinnutækjum og jafnframt að hreinsa strax upp það sem hægt er af olíu á staðnum. Slíkt getur komið í veg fyrir frekari dreifingu mengunar og neikvæð áhrif á umhverfið.

Heilsa

Útgáfa á starfsleyfi Benchmark Genetics Iceland hf. Kirkjuvogi

12. maí.2021 | 14:01

Útgáfa á starfsleyfi Benchmark Genetics Iceland hf. Kirkjuvogi

Umhverfisstofnun hefur tekið ákvörðun um útgáfu á starfsleyfi Benchmark Genetics Iceland hf. Kirkjuvogi. Um er að ræða landeldi í Kirkjuvogi, Höfnum þar sem hámarks lífmassi á hverjum tíma má ekki fara yfir 90 tonn. Starfsleyfið hefur nú verið afhent rekstaraðila ásamt rekstarleyfi Matvælastofnunar.

Tillaga að starfsleyfi var auglýst á tímabilinu 24. febrúar 2021 til og með 26. mars 2021 þar sem hægt var að koma með athugasemdir vegna hennar. Engin athugasemd barst stofnuninni vegna tillögunnar á auglýsingatíma. Greinargerð vegna útgáfunnar fylgir starsleyfinu sbr. 6. gr. reglugerðar nr. 550/2018.

Tengd skjöl
Ákvörðun um útgáfu Benchmark Genetics Iceland hf. Kirkjuvogi
Starfsleyfi Benchmark Genetics Iceland hf. Kirkjuvogi.

Halda áfram að lesa

Heilsa

Uppfærð skilyrði vegna heimildar fjölmiðla um akstur utan vega að gosstöðvum

12. maí.2021 | 11:11

Uppfærð skilyrði vegna heimildar fjölmiðla um akstur utan vega að gosstöðvum

Í ljósi aðstæðna á svæði við gosstöðvar í Geldingadölum hefur Umhverfisstofnun uppfært skilyrði í heimild fjölmiðla vegna aksturs utan vega að gosstöðvunum samanber eftirfarandi: 

Leyfi fyrir fjölmiðla vegna aksturs utan vega að gosstöðvunum
Á grundvelli 2. mgr. 31. gr. laga um náttúruvernd nr. 60/2013 heimilar Umhverfisstofnun fjölmiðlum, sbr. 2. gr. laga um fjölmiðla nr. 38/2011, fyrir sitt leiti akstur utan vega að gosstöðvum í Geldingadölum eftir leið um Einihlíðar og Meradali vegna kvikmyndatöku sé ekki unnt að vinna viðkomandi störf á annan hátt. 

Merktar gönguleiðir eru að gosstöðvunum og skulu þær almennt notaðar. Þessi  heimild skal aðeins nýtt ef búnaður til kvikmyndatöku er of þungur til að hægt sé að bera hann á tökustað. 

Heimildin er bundin eftirfarandi skilyrðum: 

  • Allar ferðir skulu tilkynntar til vettvangsstjórnar á svæðinu og skal fylgja fyrirmælum hennar í hvívetna. 
  • Vettvangsstjórn er heimilt að takmarka eða loka fyrir aðgengi að svæðinu, s.s. vegna öryggis, veðurs, aðstæðna eða fjölda bíla á svæðinu. 
  • Ökutæki sem notuð eru við verkefni skulu vera að lágmarki á 38“ dekkjum og hleypa skal úr dekkjum til að takmarka ummerki eftir aksturinn. 
  • Ökumenn skulu hafa reynslu af akstri við krefjandi aðstæður. 
  • Aðeins skal nota þessa heimild ef brýna nauðsyn ber til. 
  • Takmarka skal fjölda ferða og farartækja eins og kostur er.
  • Hverjum aðila er aðeins heimilt að aka leiðina einu sinni fram og til baka á dag.
  • Allar ferðir skulu skráðar á heimasíðu Umhverfisstofnunar 


Ákvörðunin gildir til 26. maí 2021.

Umhverfisstofnun mun breyta ákvörðuninni ef aðstæður á svæðinu breytast.
Nánari upplýsingar er að finna hér. 

Halda áfram að lesa

Heilsa

Aðalfundur Spítalans okkar 2021 þriðjudaginn 25. maí

Aðalfundur landsamtakanna Spítalinn okkar verður haldinn þriðjudaginn 25. maí 2021. Fundurinn verður  í stóra salnum á Nauthól , Nauthólsvegi 106, og hefst kl. 16:00.

Dagskrá

1. Kosning fundarstjóra og fundarritara
2. Skýrsla stjórnar lögð fram
3. Reikningar lagðir fram til samþykktar
4. Lagabreytingar
5. Ákvörðun félagsgjalds
6. Kosning stjórnar og tveggja skoðunarmanna reikninga
7. Önnur mál.

Stutt málþing verður haldið að loknum aðalfundarstörfum – dagskráin verður birt síðar.
Á fundinum verður fylgt tilmælum um sóttvarnir.

Vefur Spítalans okkar

Halda áfram að lesa

Vinsælast

Allur réttur áskilin © 2021 Tíðin