Connect with us

Innlent

OPCAT-heimsókn í fangageymslur lögreglunnar á Suðurnesjum

Published

on

Í dag hófst heimsókn setts umboðsmanns og starfsmanna hans í fangageymslur lögreglunnar á Suðurnesjum þar sem aðbúnaður og starfshættir eru skoðuð í tengslum við OPCAT-eftirlit umboðsmanns.

Fyrir heimsóknina var haldinn undirbúningsfundur með lögreglunni á Suðurnesjum og ríkislögreglustjóra og ýmissa gagna og upplýsinga aflað í kjölfarið. Meðal þess sem skoða á er aðbúnaður í fangageymslunni við Hringbraut í Reykjanesbæ, sem tekin var í notkun árið 1980.

Í eftirlitinu felst að taka út starfsemi á stöðum þar sem einstaklingar dvelja sem eru eða kunna að vera sviptir frelsi sínu. Í heimsókninni nú verður lögð er áhersla á trúnaðarsamtöl bæði við þá sem vistaðir eru á staðnum og starfsfólk ásamt almennu eftirliti með aðstæðum vistmanna og þá einkum:

  • Aðbúnaði á staðnum, t.d. húsakosti, fæði og hreinlæti.
  • Samskiptum við starfsfólk en einnig aðra utan dvalarstaðar, t.d. lögmenn og heilbrigðisstarfsmenn.
  • Verklagi sem tengist hvers konar öryggisráðstöfunum eða þvingunum en einnig skráningu og meðferð gagna um slík atriði.
  • Aðgengi að heilbrigðisþjónustu.

Þetta verður sjötta eftirlitsheimsóknin á grundvelli OPCAT-eftirlitsins og önnur í fangageymslur lögreglu. Sú fyrri var í fangageymslur lögreglustöðvarinnar við Hverfisgötu 15.-17. apríl sl.

Nokkuð er um liðið frá síðustu heimsókn á grundvelli OPCAT-eftirlitsins en það helgast af þeim takmörkunum sem heimsfaraldur COVID-19 hefur haft í för með sér.

Innlent

Jarðskjálftahrina á Reykjanesi: Mælingar gefa engar vísbendingar um að kvika sé að brjóta sér leið upp á yfirborðið.

Published

on

Melissa Anne Pfeffer við gasmælingar á Reykjanesskaga. (Ljósmynd: Veðurstofa Íslands/Sara Barsotti)

27 Febrúar 2021 18:52

Vísindaráð almannavarna fundaði á fjarfundi í dag til að ræða jarðskjálftahrinuna sem hófst á Reykjanesskaga þann 24, febrúar með skjálfta af stærð 5,7 og öðrum 5,0 að stærð um hálfri klukkustund síðar. Fundinn sátu fulltrúar frá Veðurstofu Íslands, Háskóla Íslands, Umhverfisstofnun, Isavia-ANS, HS-Orku og ÍSOR.

Fram kom á fundinum að virknin í skjálftahrinunni er núna fyrst og fremst bundin við svæðið í kringum Fagradalsfjall eftir M5,2 í morgun og er hrinan sú öflugasta frá árinu 1933.

Yfir 7200 skjálftar hafa mælst frá því að hrinan hófst 24.febrúar og má búast við því að jarðskjálftavirkni haldi áfram næstu daga.

Vísindaráð fór yfir þær mælingar og gögn sem liggja fyrir s.s. jarðskjálftamælingar, GPS gögn, gasmælingar og úrvinnslu úr gervitunglamyndum. Mælingar gefa engar vísbendingar um að kvika sé að brjóta sér leið upp á yfirborðið, en sýna vel ummerki jarðskjálftanna sem hafa orðið hingað til.

Flestir skjálftar sem mælst hafa síðustu daga eru á um 5 km. dýpi við Fagradalsfjall og hafa ekki færst nær yfirborði, en slíkt gæti verið vísbending um að kvika sé að brjóta sér leið upp á yfirborðið.  Í hrinu sem varð við  Fagradalsfjall árið 1933 urðu all nokkrir kröftugir skjálftar á skömmum tíma, sambærilegir þeim sem nú ganga yfir. Þeirri hrinu lauk án þess að til eldgoss kæmi. Sama má segja um hrinu sem varð árið 1973.

Núverandi virkni á Reykjanesskaga sem í raun má rekja aftur um rúmt ár hefur verið kaflaskipt og er erfitt að spá fyrir um nákvæma framvindu, en nú er fyrst og fremst horft á þessar tvær sviðsmyndir:

  • Það dregur úr jarðskjálftavirkni næstu daga eða vikur.
  • Hrinan mun færast í aukana með stærri skjálftum, allt að 5.5-6.5 að stærð.

Langflest hús á Íslandi eru byggð þannig að þau eigi að standast þá hrinu sem nú gengur yfir.  Lausir munir, hillur, skápar o.s.frv.geta farið af stað og valdið hættu ef ekki er rétt frá þeim gengið. Því er mikilvægt að huga að innanstokksmunum á heimilum og á vinnustöðum svo þeir valdi ekki slysum.

Áfram verður fylgst náið með framvindu mála og vísindaráð mun funda aftur í næstu viku.

Veðurstofan, Háskólinn og samstarfsaðilar munu vinna að fjölgun mælitækja á Reykjanesi á næstu dögum og vikum.

Continue Reading

Alþingi

Starfsfólk í ræstingu

Published

on

Skrifstofa Alþingis óskar eftir að ráða starfsfólk í ræstingu í fullt starf á dagvinnutíma. Um er að ræða tvær ótímabundnar stöður og eina tímabundna afleysingu til 1. ágúst. Við leitum eftir jákvæðu starfsfólki sem býr yfir ríkri þjónustulund og góðri samskiptahæfni.

Starfsfólk í ræstingu starfar innan rekstrar- og þjónustusviðs Alþingis. Unnið er í teymum og vinnutíminn er kl. 7–15 auk tilfallandi yfirvinnu. Starfsfólkið annast þrif í öllu húsnæði Alþingis.

Helstu verkefni og ábyrgð

  • Þrif á skrifstofu- og þjónustuhúsnæði á starfssvæði Alþingis
  • Þvottur, frágangur og dreifing á hreinlætisvörum
  • Önnur verkefni innan rekstrar- og þjónustusviðs

Hæfnikröfur

  • Reynsla af sambærilegu starfi er nauðsynleg
  • Metnaður og ábyrgð í starfi
  • Hreinlæti og snyrtimennska
  • Sjálfstæði í vinnubrögðum
  • Góð íslensku- og/eða enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Efling stéttarfélag hafa gert. 

Sótt er um starfið í gegnum ráðningarkerfi Orra. Umsókn skal fylgja ferilskrá ásamt kynningarbréfi þar sem umsækjandi rökstyður umsókn sína og lýsir hæfni sinni til starfsins. Tekið er mið af jafnréttisáætlun skrifstofu Alþingis við ráðningar. Mikilvægt að umsækjandur geti hafið störf sem fyrst.

Öllum umsóknum verður svarað þegar ákvörðun um ráðningu liggur fyrir. Umsóknir um starfið gilda í sex mánuði frá auglýsingu þessari. Öllum umsóknum verður svarað þegar ákvörðun um ráðningu liggur fyrir.

Gildi skrifstofu Alþingis eru framsækni, virðing og fagmennska.

Starfshlutfall er 100%.

Umsóknarfrestur er til og með 10.03.2021.

Nánari upplýsingar veitir

Jóna Brynja Tómasdóttir – [email protected] – 563-0500

Nánari upplýsingar um starfsemi Alþingis og skrifstofu þingsins er að finna á vef Alþingis.

Smelltu hér til að sækja um starfið

Continue Reading

Innlent

Tillaga að friðlýsingaskilmálum þjóðgarðs á Vestfjörðum

Published

on

Umhverfisstofnun hefur lagt fram tillögu að friðlýsingaskilmálum fyrir þjóðgarð á sunnanverðum Vestfjörðum ásamt tillögu að mörkum svæðisins. Tillagan er kynnt í samvinnu við samstarfshóp sem vinnur að undirbúningi friðlýsingar.

Continue Reading

Vinsælast

Allur réttur áskilin © 2020 Tíðin