3.3.2021

Þriðjudagurinn 9. mars og miðvikudagurinn 10. mars eru nefndadagar samkvæmt starfsáætlun Alþingis . Þá gildir sérstök fundatafla um fundi fastanefnda og venja er að fundað sé fyrir og eftir hádegi. Við ákvörðun um fundartíma á nefndadögum er reynt að gæta samræmis en jafnframt tekið mið af stöðu mála í nefndum og fundaþörf nefndanna.

Fundatafla fyrir nefndadagana er eftirfarandi: 

Þriðjudagur 9. mars

• kl. 9–12: Fjárlaganefnd, stjórnskipunar- og eftirlitsnefnd, utanríkismálanefnd, velferðarnefnd
• kl. 13–16: Allsherjar- og menntamálanefnd, atvinnuveganefnd, efnahags- og viðskiptanefnd og umhverfis- og samgöngunefnd

Miðvikudagur 10. mars

• kl. 9–10.30: Allsherjar- og menntamálanefnd, atvinnuveganefnd, efnahags- og viðskiptanefnd og umhverfis- og samgöngunefnd
• (kl. 10.30–12: Þingflokkar)
• kl. 13–16: Fjárlaganefnd, stjórnskipunar- og eftirlitsnefnd, utanríkismálanefnd, velferðarnefnd

Mánudagurinn 8. mars er hefðbundinn nefndadagur samkvæmt fundatöflu fastanefnda fyrir febrúar og mars.

Endanlegir fundartímar einstakra nefnda og dagskrár funda birtast venju samkvæmt á vef Alþingis.

26.2.2021

Óundirbúnar fyrirspurnir til ráðherra verða á dagskrá við upphaf þingfundar fimmtudaginn 4. mars kl. 13:00. Þá verða til svara fjármála- og efnahagsráðherra, sjávarútvegs- og landbúnaðarráðherra, utanríkis- og þróunarsamvinnuráðherra og mennta- og menningarmálaráðherra.

1.3.2021

Þriðjudaginn 2. mars um kl. 13:45 verður sérstök umræða um innviði og þjóðaröryggi. Málshefjandi er Njáll Trausti Friðbertsson og til andsvara verður forsætisráðherra, Katrín Jakobsdóttir.