Innlent

Rætt um góða stjórnarhætti í breytilegu umhverfi á ársfundi ríkisfyrirtækja

Góðir stjórnarhættir í síbreytilegu umhverfi voru meginefni ársfundar ríkisfyrirtækja sem fjármála- og efnahagsráðuneytið stóð fyrir í gær. Fundinn sóttu stjórnir og stjórnendur ríkisfyrirtækja og var m.a. farið yfir helstu áherslur og markmið eigandastefnu ríkisins og ný ársskýrsla ríkisfyrirtækja kynnt.

Í ársskýrslunni er að finna upplýsingar um starfsemi fyrirtækjanna, árangur og afkomu sem og skipun stjórna.

Bjarni Benediktsson, fjármála- og efnahagsráðherra, opnaði fundinn og hrósaði stjórnendum fyrir góðan árangur í breytilegu umhverfi síðustu missera. Hann ræddi þá fjárhagslegu og siðferðislegu ábyrgð sem því fylgir að reka fyrirtæki í almannaeigu og ítrekaði enn fremur slíkt eignarhald væri ekki sjálfgefið, heldur þyrfti það að þróast í takt við samfélagið.
Sérstakir gestir fundarins voru þau Helga Hlín Hákonardóttir, ráðgjafi og Þröstur Olaf Sigurjónsson prófessor, sem ræddu mikilvægi eigendastefnu og góðra stjórnarhátta. Tveir ríkisforstjórar, Þórhildur Helgadóttir Íslandspósti og Sveinbjörn Indriðason Isavia deildum einnig með fundargestum sinni reynslu af breytingastjórnun á vegferð framfara.

Úr panelumræðum á ársfundi ríkisfyrirtækja

Almannavarnir

Hættustigi aflýst á Austurlandi og Suðurlandi

Ríkislögreglutjóri í samráði við lögreglustjóra á Austurlandi og Suðurlandi aflýsir hættustigi almannavarna vegna veðurs sem fór yfir umdæmin 24.-26. september.  Engar veðurviðvaranir eru í gildi.

Halda áfram að lesa

Innlent

Vefútsending á morgun vegna yfirlýsingar fjármálastöðugleikanefndar og útgáfu Fjármálastöðugleika

27. september 2022

Fjármálastöðugleikanefnd. Frá vinstri eru Guðrún Þorleifsdóttir, Rannveig Sigurðardóttir, Axel Hall, Ásgeir Jónsson formaður, Bryndís Ásbjarnardóttir, Guðmundur Kr. Tómasson, Unnur Gunnarsdóttir og Gunnar Jakobsson.
Fjármálastöðugleikanefnd. Frá vinstri eru Guðrún Þorleifsdóttir, Rannveig Sigurðardóttir, Axel Hall, Ásgeir Jónsson formaður, Bryndís Ásbjarnardóttir, Guðmundur Kr. Tómasson, Unnur Gunnarsdóttir og Gunnar Jakobsson.

Yfirlýsing fjármálastöðugleikanefndar verður birt á vef Seðlabankans kl. 8.30 á morgun 28. september. Ritið Fjármálastöðugleiki verður birt á vefnum kl. 8.35. Klukkan 9.30 hefst vefútsending frá kynningunni vegna yfirlýsingar nefndarinnar. Á kynningunni gera Ásgeir Jónsson, seðlabankastjóri og formaður fjármálastöðugleikanefndar, Gunnar Jakobsson, varaseðlabankastjóri fjármálastöðugleika og Haukur C. Benediktsson, framkvæmdastjóri fjármálastöðugleika, grein fyrir yfirlýsingu fjármálastöðugleikanefndar og kynna efni ritsins Fjármálastöðugleika.

Nánari upplýsingar um fjármálastöðugleika má finna sérstakri síðu, sjá hér.

Hér má finna tengla á útgefin rit, m.a. Fjármálastöðugleika.

Vefútsending verður aðgengileg hér (tengill settur hér von bráðar).

Halda áfram að lesa

Innlent

Styrkur veittur vegna norrænnar ráðstefnu um skýra upplýsingamiðlun stjórnvalda á viðsjárverðum tímum

Ríkisstjórnin samþykkti á fundi sínum í dag að veita 1.500.000 kr. af ráðstöfunarfé sínu til að styðja við framkvæmd ráðstefnu þar sem fjallað verður um samskipti stjórnvalda, stofnana og fyrirtækja við almenning þegar vá, t.a.m. heimsfaraldur eða náttúruhamfarir, steðjar að.

Yfirskrift ráðstefnunnar, sem fer fram dagana 11.-12. maí á næsta ári, er Klarsprog og kommunikation: Informationsformildling for alle i krisetider (ísl. Skýr upplýsingamiðlun stjórnvalda á viðsjárverðum tímum) og er hún hluti af norrænni ráðstefnuröð sem fjallar um mikilvægi skýrs og skiljanlegs málfars, einkum þegar kemur að upplýsingagjöf stjórnvalda til almennings.

Stofnun Árna Magnússonar í íslenskum fræðum annast skipulag og framkvæmd ráðstefnunnar sem fer fram rafrænt. Katrín Jakobsdóttir forsætisráðherra flytur opnunarávarp við upphaf ráðstefnunnar en aðalfyrirlesarar verða Kristín Jónsdóttir, eldfjalla- og jarðskjálftafræðingur og hópstjóri náttúruvárvöktunar Veðurstofu Íslands, og Gabriella Sandström hjá sænsku lýðheilsustofnunni, Folkhälsomyndigheten. Auk þess verða fluttir 12-15 styttri fyrirlestrar frá fulltrúum allra Norðurlandanna.

Frekari upplýsingar er að finna á sérstöku vefsvæði Stofnunar Árna Magnússonar um viðburðinn.

Halda áfram að lesa

Vinsælast

Allur réttur áskilin © Tíðin