Samtök Atvinnulífsins
Rafrænar þinglýsingar verða að veruleika á árinu
Rafrænar þinglýsingar verða að veruleika á árinu
Rafrænar þinglýsingar verða að veruleika á árinu 2021. Þetta kom fram í máli Andra Heiðars Kristinssonar, leiðtoga verkefnisins Stafræns Íslands á fundi sem Samtök fjármálafyrirtækja stóðu meðal annars fyrir fyrr í dag. Rafrænar þinglýsingar eru lykilþáttur í að Íslandi verði fremst í flokki í stafrænni stjórnsýslu. Þjóðhagslegur ávinningur er mikill og er að lágmarki metinn á bilinu 1.2-1.7 milljarðar króna á ári, samkvæmt útreikningum Stafræns Íslands. Ávinningurinn er þó fyrst og fremst sparnaður á tíma hjá sýslumönnum, lánastofnunum, fasteignasölum og almenningi.
Áhersla stjórnvalda á innleiðingu stafrænna lausna er skref í rétta átt að sjálfsögðum aðgangi einstaklinga og fyrirtækja að opinberri þjónustu sem felur í sér mikið hagræði, að mati Samtaka atvinnulífsins. Í því samhengi má taka dæmi af þinglýsingum í nágrannalöndum á borð við Danmörku og Bretland. Þar er ferlið þegar rafrænt og tekur ekki lengri tíma en nokkrar mínútur. Hér á landi hefur móttaka, þinglýsing, afgreiðsla, aflýsing og afhending þinglýstra skjala farið fram á skrifstofu embættis sýslumanns sem tekur í mörgum tilvikum margar vikur að afgreiða erindið. Sú breyting sem nú er boðuð er þannig framfaraskref í átt að því sem tíðkast í nágrannalöndunum.
Verkefnið Stafrænt Ísland, sem heldur utan um framkvæmd verkefnisins, er talið geta sparað allt að 4 milljarða króna á ári með stafrænni umbyltingu í hvers kyns þjónustu hins opinbera. Á fundinum í dag kom fram að markmiðið sé að Ísland verði komið í hóp fimm efstu þjóða í stafrænni þjónustu samkvæmt alþjóðlegum mælikvörðum innan fimm ára.
Sneypuför Eflingar gegn Eldum rétt
Héraðsdómur Reykjavíkur hefur vísað frá dómi öllum kröfum fjögurra fyrrverandi starfsmanna starfsmannaleigu sem starfað höfðu í nokkra daga fyrir Eldum rétt. Dómurinn telur ótvírætt að laun hafi verið í samræmi við kjarasamninga og greidd að fullu, löglegt hafi verið að draga frá launum útgjöld á borð við húsaleigu og flugfargjöld og lýsing Eflingar á aðbúnaði starfsmanna hafi ekki verið í neinu samræmi við staðreyndir málsins.
Efling stéttarfélag hafði upp stór orð í fjölmiðlum og sakaði fyrirtækið Eldum rétt meðal annars um að nýta sér bágindi verkafólks og skipta við starfsmannaleigu sem framkvæmdastjóri Eflingar kallaði ,,einhvers konar mansalshring.“ Þá var teiknuð upp dökk mynd af fyrirtækinu í fréttaskýringaþættinum Kveik á RÚV.
Ljóst er að aðför Eflingar að Eldum rétt og tilefnislausar ásakanir hafa valdið fyrirtækinu miklu tjóni og er eðlilegt að fyrirtækið skoði réttarstöðu sína gagnvart Eflingu. Starfsmönnum var gert að greiða sameiginlega fjórar milljónir í málskostnað til stefndu sem undirstrikar það mat héraðsdóms að málshöfðun Eflingar var tilefnislaus.
Tíu færniþættir framtíðar
Á Menntadegi atvinnulífsins fór fram fjölbreytt og skemmtileg dagskrá þar sem valinkunnir stjórnendur úr atvinnulífinu fjölluðu m.a. um topp tíu færniþætti framtíðar eftir viðmiðum Alþjóðaefnahagsstofnunar fyrir árið 2025.
Skapti Örn Ólafsson, upplýsingafulltrúi SAF stýrði umræðum um þessa færniþætti undir yfirskriftinni „Strax í dag“. Birna Ósk Einarsdóttir, framkvæmdastjóri sölu- og þjónustusviðs Icelandair, Sigrún Halldórsdóttir, mannauðsstjóri Bláa Lónsins og Ingvi Hrannar Ómarsson, sérfræðingur í skólaþróunarteymi Menntamálaráðuneytisins töluðu hispurslaust um innslög stjórnendanna og um það sem allar menntastofnanir og vinnustaðir geta ráðist í strax í dag:
Topp tíu færniþættir
1. Greiningar- og nýsköpunarhæfni
Gerum betur með
- að vinna með gagnasafn
- að vinna í fjölbreyttum teymum til að skapa nýjar lausnir
- teymiskennslu
2. Virkni í námi og námsaðgerðum
Gerum betur með
- að hvetja til sjálfsnáms t.d. netnámskeiða
- að kapa námsumhverfi á vinnustað
- röð fræðsluerinda
- að deila hugmyndum með öðrum
3. Lausnamiðuð nálgun
Gerum betur með
- að takast á við raunveruleg viðfangsefni
- að vinna í hópum með ólíka styrkleika
4. Gagnrýnin hugsun og greining
Gerum betur með
- að þjálfa rökræðu
- að æfa ályktunarhæfni
- að koma fram og færa rök fyrir máli sínu
5. Sköpun, frumleiki og frumkvæði
Gerum betur með
- að vinna með spuna
- að vinna með túlkun í fjölbreyttu listformi
- að skapa rými fyrir flæði
- að vinna með liðsheild
6. Forysta og félagsleg áhrif
Gerum betur með
- að úthluta leiðtogahlutverkum
- að æfa lýðræðislega þátttöku
- að leggja fram tillögur að breytingum og fylgja þeim eftir
7. Tækninotkun, eftirlit og stjórn
Gerum betur með
- að æfa sig að gera mistök
- að æfa sig í að reka sig á
- að æfa kjark og þor gagnvart hinu óþekkta
8. Tæknihönnun og forritun
Gerum betur með því að
- að vinna með óvissu – hvað ef?
- að æfa rökhugsun
9. Seigla, streituþol og sveigjanleiki
Gerum betur með
- að vinna markvisst að langtímaverkefni með endanlegu markmiði
- að æfa sjálfsvinnu
10. Rökhugsun, lausn vandamála og hugmyndaauðgi
Gerum betur með
- skapandi hugsun og að leysa verkefni með mismunandi útfærslum
- að geta fært rök fyrir því hvers vegna valin leið er góð leið
Horfðu á þáttinn í heild sinni hér:
Menntadagur atvinnulífsins er samstarfsverkefni Samorku, Samtaka ferðaþjónustunnar, Samtaka fjármálafyrirtækja, Samtaka fyrirtækja í sjávarútvegi, Samtaka iðnaðarins, Samtaka verslunar og þjónustu og Samtaka atvinnulífsins.
Tillaga að starfsleyfi Rifós hf. á Kópaskeri
Óundirbúnar fyrirspurnir þriðjudaginn 2. mars
Svör við spurningum þriggja lækna um krabbameinsskimanir
Umsækjendur um störf forstöðumanna á Landspítala
Arna Lind Sigurðardóttir ráðin deildarstjóri vöruþjónustu Landspítala
Skemmtileg lottó auglýsing
-
Innlent7 dagar ago
COVID-19: Bólusetningardagatal
-
Innlent7 dagar ago
Starfsemi Laugalands skoðuð
-
Félag atvinnurekenda4 dagar ago307 milljóna niðurgreiðsla á undirverðlagningu Póstsins
-
Samtök Atvinnulífsins7 dagar ago
Tíu færniþættir framtíðar
-
Innlent7 dagar agoVerslunin blómstrar skv. nýrri skýrslu RSV
-
Innlent7 dagar ago
Hlutverk Ríkisútvarpsins og tillögur að breytingum
-
Innlent7 dagar agoTilkynning um dráttarvexti og vexti af peningakröfum nr. 02/2021
-
Hagstofan4 dagar agoHópbifreiðum fækkaði en vélhjólum fjölgaði