Íþrótta og ólympíu samband Íslands

Sendinefnd frá Eistlandi í fræðsluferð á Íslandi

05.05.2022

Dagana 3. og 4. maí sl. var 16 manna hópur frá ýmsum samtökum tengdum íþróttahreyfingunni í Eistlandi staddur hér á landi til að skoða og kynna sér umhverfi, skipulag og starfsemi íþrótta á Íslandi. Þróunar- og fræðslusvið ÍSÍ skipulagði dagskrá fyrir hópinn undir stjórn Þórarins Alvars Þórarinssonar verkefnastjóra.

Fyrri daginn heimsótti hópurinn íþróttamannvirki í Laugardalnum voru skoðuð og kynntu sér þá starfsemi sem þar fer fram. Höfuðstöðvar ÍSÍ í Íþróttamiðstöðinni í Laugardal voru einnig heimsóttar og hlýddi hópurinn á kynningu um sögu ÍSÍ ásamt kynningu um verkefnið „Bjartur lífsstíll”, heilsueflingu eldra fólks.

Seinni daginn tók hópurinn þátt í setningarhátíð verkefnisins Hjólað í vinnuna sem fór fram í Fjölskyldu- og húsdýragarðinum. Eftir það var farið í Egilshöll þar sem Málfríður Sigurhansdóttir verkefnastjóri þróunar- og fræðslusviðs Umf. Fjölnis tók á móti hópnum og leiddi skoðunarferð um mannvirkið ásamt því að fara yfir alla þá fjölbreyttu starfsemi sem fer fram hjá félaginu. Að lokum hlýddi hópurinn á nokkur erindi í höfuðstöðvum ÍSÍ þar sem Markús Máni M. Maute framkvæmdastjóri Sportabler fór yfir þeirra starfsemi og Þórdís Lilja Gísladóttir dósent frá Háskóla Íslands flutti fyrirlestur um hlutverk HÍ varðandi íþróttir og heilsueflingu, rannsóknavinnu og margt fleira. Þá sagði Gígja Gunnarsdóttir frá Embætti landlæknis frá verkefninu Heilsueflandi samfélag og Ragnheiður Sigurðardóttir Landsfulltrúi Ungmennafélags Íslands (UMFÍ) fræddi hópinn um hlutverk samtakanna og helstu verkefni þeirra.

Sendinefndinni fannst afar áhugaverð víðtæk þátttaka landsmanna í íþróttum og hversu fagleg umgjörð íþróttahreyfingarinnar er hér á landi. Nefndinni fannst m.a. afar áhugavert að sjá tölfræði hreyfingarinnar, sem unnin er upp úr félagakerfi ÍSÍ og UMFÍ. Góðar umræður urðu um verkefni ÍSÍ, starfsemi íþróttahreyfingarinnar, tækifæri og áskoranir sem hún stendur frammi fyrir.

Íþrótta og ólympíu samband Íslands

Ársþing DSÍ

23.05.2022

Ársþing Dansíþróttasambands Íslands (DSÍ) 2022 var haldið þann 18. maí sl. í Íþróttamiðstöðinni í Laugardal. Valdimar Leó Friðriksson úr framkvæmdastjórn ÍSÍ var þingforseti og Andri Stefánsson framkvæmdastjóri ÍSÍ ávarpaði þingið.

Atli Már Sigurðsson var kjörinn nýr formaður DSÍ til  eins árs og tekur við af Bergrúnu Stefánsdóttur sem hefur verið formaður sambandsins síðastliðin þrjú ár.

Aðalmenn í stjórn sem kjörnir voru til tveggja ára voru Kara Arngrímsdóttir og Helga Björg Gísladóttir.
Aðalmenn í stjórn sem fyrir voru til eins árs voru Ólafur Már Hreinsson og Magnús Ingólfsson.
Varamenn sem kjörnir voru til eins árs voru Jóhann Gunnar Arnarsson og Ragnar Sverrisson.

Veittar voru heiðranir þeim Örvari Möller og Kjartani Birgissyni fyrir óeigingjarnt starf í þágu dansíþróttarinnar.

Halda áfram að lesa

Íþrótta og ólympíu samband Íslands

Fyrirlestur um anabólíska stera

22.05.2022

Mánudaginn 23. maí mun Ingunn Hullstein, annar af forstöðumönnum vísinda á norsku WADA-rannsóknarstofunni í Osló, halda fyrirlestur undir yfirskriftinni: Anabólískir sterar. Fyrirlesturinn fer fram í húsakynnum ÍSÍ, Engjavegi 6 í Laugardal (D-sal – 3. hæð) og hefst kl 17:00. Áætluð lengd er u.þ.b. 30 mínútur.

Ingunn er einnig yfirmaður NAPMU (Nordic Athlete Passport Management Unit) sem sjá um svokölluð „vegabréf íþróttamanna. Tilgangur „vegabréfs íþróttamannsins“, Athlete Biological Passport (ABP), er að fylgjast með ákveðnum líffræðilegum breytum hjá íþróttafólki sem gætu bent til eða staðfest lyfjamisferli. Lyfjaeftirlit um allan heim notast við ABP til þess að betur tímasetja lyfjapróf og „target testa“ íþróttafólk.

Fyrirlesturinn verður á mannamáli og er sniðinn að þeim aðilum sem hafa á einhvern hátt, beint eða óbeint, með lyfjamál og/eða fræðslumál að gera hjá sérsamböndum/nefndum innan ÍSÍ sem og íþróttafólki. Að sjálfsögðu eru auk þess allir velkomnir sem hafa áhuga á.

Halda áfram að lesa

Íþrótta og ólympíu samband Íslands

Samstarfssamningur ÍF og KRAFT

20.05.2022

Íþróttasamband fatlaðra (ÍF) og Kraftlyftingasamband Íslands (KRAFT) hafa gert með sér samstarfssamning. Gott samstarf hefur verið milli sambandanna um nokkurra ára skeið, en með samningnum er samstarfið formgert og er það von beggja að samningurinn muni auka enn á fagmennsku við æfingar, keppni og mótahald og um leið bæta aðstöðu fatlaðra til að iðka kraftlyftingar.

Kraftlyftingar er kjörin íþrótt fyrir alla, ekki síst íþróttamenn sem búa við fötlun. Þegar frá líður er vonin að fatlaðir kraftlyftingamenn og -konur geti tekið þátt á mótum KRAFT innanlands og IPC og IPF á alþjóðavettvangi, til viðbótar við mót ÍF. Sett verður á laggirnar samstarfsnefnd sem skipuleggur framþróun samstarfs sambandanna framvegis.

Þeir sem vilja vita meira um málið geta leitað upplýsinga hjá ÍF og KRAFT. Nýja samninginn undirrituðu þeir Jóhann Arnarson varaformaður ÍF og Hinrik Pálsson varaformaður KRAFT í tengslum við Íslandsmót ÍF í kraftlyftingum fór fram í CrossFit á Selfossi.

Halda áfram að lesa

Vinsælast

Allur réttur áskilin © Tíðin