Alþingi

Setning Alþingis þriðjudaginn 23. nóvember

19.11.2021

Nýtt löggjafarþing, 152. þing, verður sett þriðjudaginn 23. nóvember 2021 samkvæmt forsetabréfi um samkomudag Alþingis sem gefið var út þann 18. nóvember. Þingsetningarathöfnin hefst kl. 13:30 með guðsþjónustu í Dómkirkjunni. Séra Svavar Alfreð Jónsson, sóknarprestur í Akureyrarkirkju, predikar og séra Sveinn Valgeirsson, sóknarprestur í Dómkirkjunni, þjónar fyrir altari ásamt biskupi Íslands, frú Agnesi M. Sigurðardóttur. Kári Þormar, organisti Dómkirkjunnar, leikur á orgel og Kammerkór Dómkirkjunnar syngur við athöfnina.

Vegna kórónuveirufaraldursins verður aðeins örfáum gestum boðið til þingsetningarinnar að þessu sinni.

Að guðsþjónustu lokinni ganga forseti Íslands, biskup Íslands, forseti Alþingis, ráðherrar, alþingismenn og aðrir gestir til þinghússins. Söngkonur úr Domus vox syngja við þingsetninguna, undir stjórn Margrétar J. Pálmadóttur. Forseti Íslands, Guðni Th. Jóhannesson, setur Alþingi, 152. löggjafarþing og starfsaldursforseti Alþingis, Þorgerður Katrín Gunnarsdóttir, býður alþingismenn og ráðherra velkomna og minnist látins fyrrverandi þingmanns og látins fyrrverandi ráðherra. Þá verður kosin kjörbréfanefnd. Þingsetningarfundi verður síðan frestað.

Hljóðútsending verður frá messu og sjónvarpsútsending frá þingsetningarfundi á sjónvarpsrás og vef Alþingis. Sjónvarpsútsending verður frá þingsetningarfundi á RÚV. Einnig verður útvarpsútsending á Rás 1 frá messu og þingsetningu.

Alþingi

Óundirbúnar fyrirspurnir þriðjudaginn 7. desember

6.12.2021

Óundirbúnar fyrirspurnir til ráðherra verða á dagskrá þriðjudaginn 7. desember kl. 13:00. Þá verða til svara forsætisráðherra, innviðaráðherra, heilbrigðisráðherra, utanríkis- og þróunarsamvinnuráðherra, umhverfis-, orku- og loftslagsráðherra, og innanríkisráðherra.

Halda áfram að lesa

Alþingi

Óundirbúnar fyrirspurnir fimmtudaginn 9. desember

Óundirbúnar fyrirspurnir til ráðherra verða á dagskrá fimmtudaginn 9. desember kl. 13:00. Þá verða til svara fjármála- og efnahagsráðherra, sjávarútvegs- og landbúnaðarráðherra, ferðamála-, viðskipta- og menningarmálaráðherra, mennta- og barnamálaráðherra, félagsmála- og vinnumarkaðsráðherra og vísinda-, iðnaðar- og nýsköpunarráðherra.

Halda áfram að lesa

Alþingi

Þingmálaskrá ríkisstjórnar


Skrifstofa AlþingisHafa samband,
101 Reykjavík,
Kt. 420169-3889,
Sími 563 0500,

Sjá á korti

Meðhöndlun persónuupplýsinga


Öllum fyrirspurnum, ábendingum og tillögum um vef Alþingis skal beint til [email protected].

Jafnlaunavottun

Halda áfram að lesa

Vinsælast

Allur réttur áskilin © 2021 Tíðin