Íþrótta og ólympíu samband Íslands

Skemmtileg lottó auglýsing

27.10.2020

Á dögunum birtist skemmtileg auglýsing frá þar sem börn fara með hlutverk íslensks íþróttafólks og segja frá sínum háleitu markmiðum. Auglýsinguna má sjá hér neðst í fréttinni.

Hluti af andvirði allrar sölu Getspár rennur beint til uppbyggingar og starfsemi æskulýðs- og íþróttamála og til málefna öryrkja. Með þátttöku í leikjum á vegum Getspár eru þátttakendur að styrkja nauðsynleg samfélagsleg málefni og leggja traustan grunn að áframhaldandi uppbyggingu þeirra. Í starfsemi Getspár gilda því ekki sömu sjónarmið og í hefðbundnum atvinnurekstri heldur er markmiðið að nýta þessa fjármuni í þágu góðra málefna.

ÍSÍ hvetur fólk til þess að styðja íþróttamál með þátttöku í lottó.

Halda áfram að lesa

Íþrótta og ólympíu samband Íslands

Ástæða til að sýna varkárni og huga vel að sóttvörnum

20.04.2021

Undanfarna daga hefur þeim fjölgað mjög sem greinst hafa með Covid-19 og munu næstu dagar segja mikið til um hvert framhaldið verður hér á landi.

Almannavarnir og sóttvarnalæknir ráðleggja öllum að forðast mannmarga staði, halda mannamótum í lágmarki og ekki ferðast á milli landshluta nema brýna nauðsyn beri til. Eins er mikilvægt að minna á það að allir sem finna fyrir einkennum ættu að bóka sýnatöku á www.heilsuvera.is.

Helstu einkenni Covid-19 eru hiti, hálssærindi, hósti, andþyngsli, þreyta, slappleiki, bein- og vöðvaverkir, meltingafæraeinkenni (einkum hjá börnum), skyndileg breyting eða tap á bragð- og lyktarskyni.

Halda áfram að lesa

Íþrótta og ólympíu samband Íslands

Benedikt Jónsson kjörinn formaður UÍA

17.04.2021

Ungmenna- og íþróttasamband Austurlands hélt ársþing sitt fyrr í dag. Þingið var fjarþing vegna takmarkana á samkomum. Góð þátttaka var á þinginu og var þingstjórn í öruggum höndum Stefáns Boga Sveinssonar, fyrrum formanns UÍA.

Gunnar Gunnarsson, sem hefur verið formaður UÍA síðastliðin níu ár, gaf ekki kost á sér endurkjörs og var nýr formaður kjörinn Benedikt Jónsson, sem setið hefur í stjórn UÍA frá árinu 2017. Auk Benedikts voru Guðjón Magnússon og Björgvin Stefán Pétursson kjörnir nýjir inn í stjórn. Fyrir voru Þórunn María Þorgrímsdóttir og Þorbjörg Ólöf Jónsdóttir, sem einnig er varaformaður sambandsins.

UÍA, sem verður 80 ára á árinu, er með trausta fjárhagsstöðu og horfir nýkjörin stjórn björtum augum til framtíðar.

Viðar Sigurjónsson, skrifstofustjóri ÍSÍ á Akureyri, sat þingið fyrir hönd ÍSÍ.

Á myndinni má sjá fráfarandi formann og nýkjörinn formann UÍA, við formannsskiptin.  Mynd: UÍA

Halda áfram að lesa

Íþrótta og ólympíu samband Íslands

75. Íþróttaþing ÍSÍ verður fjarþing

15.04.2021

Í dag, 15. apríl, voru kynntar verulegar tilslakanir er varða samkomur í landinu. Íþróttaþing ÍSÍ fellur þó utan þeirra tilslakana enda eiga um 240 þingfulltrúar seturétt á þinginu, sem verður haldið 7. maí nk.  Með vísan í þær aðstæður sem uppi eru í heiminum og þær reglur sem gilda um takmarkanir á samkomum sem settar eru yfir landsmenn af stjórnvöldum þá hefur framkvæmdastjórn ÍSÍ ákveðið að þingið verði fjarþing í stað hefðbundins þings. Tæknivinna við þingið verður í höndum Advania. Á þinginu verður kosið til forseta og sjö meðstjórnenda til næstu fjögurra ára.

Farið verður eftir lögbundinni dagskrá þingsins eins og kostur er og stefnt að því að afgreiða allt sem hægt er á þinginu en gera má ráð fyrir að fresta verði afgreiðslu einstaka dagskrárliða eða tillagna til framhaldsþings. Ef til framhaldsþings kemur þá má gera ráð fyrir því að tilaga verði gerð um að það verði haldið 1. og/eða 2. október nk. 

Nánari útfærslur á fyrirkomulagi verða kynntar þegar nær dregur þingi og ljóst verður hvaða tillögur liggja fyrir þinginu.

Halda áfram að lesa

Vinsælast

Allur réttur áskilin © 2021 Tíðin