Neytendastofa

Spilavinir innkalla Crazy Aarons leikfangaslím

31.07.2020

Neytendastofu hefur borist tilkynning í gegnum Safety Gate kerfið um hættulegt leikfangaslím frá Crazy Aarons.

Um er að ræða slímin Mini Electric Thinking Putty og Mini Hypercolour Thinking Putty. Þegar leikfangið var prófað kom í ljós að það innihélt of mikið magn af bórati.

Bórat getur borist inn í líkamann við handfjötlun í gegnum húð. Þekktar eiturverkanir eru samkvæmt vefsíðu Landlæknis vegna bórats m.a. húðerting með útbrotum (jafnvel mikill roði og blöðrur), skjálfti, flog, höfuðverkur, meltingartruflanir, þunglyndi og örlyndi. Í viðvörun frá Safety Gate kerfinu er þess getið að bórat getur haft hamlandi áhrif á þroska æxlunarfæra í börnum.

Crazy Arons leikfangaslímin hafa verið til sölu hjá Spilavinum. Alls seldust um 92 eintök af vörunum.

Neytendur eru hvattir til að skila Crazy Aarons Mini Electric Thinking Putty og Crazy Aarons Mini Hypercolour Thinking Putty til Spilavina eða farga þeim.

Myndir með frétt

Halda áfram að lesa

Innlent

Pústþjónusta BJB ehf innkallar dekk

Neytendastofu hefur borist tilkynning frá Pústþjónustu BJB ehf sem er umboðsaðili Continental dekkja um að innkalla þurfi 16 bíldekk sem seld hafa verið hérlendis. Um er að ræða innköllun sem er í gildi á öllu EU og EES svæðinu. Ástæða innköllunarinnar er að möguleiki er á að dekkið haldi ekki lofti og geti þar af leiðandi skapað hættu í akstri.

Halda áfram að lesa

Innlent

Pínupons innkallar Regnboga Nagleikfang

Neytendastofu hefur borist tilkynningin frá vefversluninni pinupons.is um innköllun á vörunni “Regnboga Nagleikfang”, í öllum seldum litum, sem markaðsett var sem leikfang og selt á tímabilinu 20. desember 2020 – 24. febrúar 2021. Neytendastofa fékk ábendingu um að verslunin hafi verið að selja nagleikföng sem væru ekki CE-merkt og gætu því verið hættuleg börnum

Halda áfram að lesa

Innlent

Duldar auglýsingar á samfélagsmiðlum

Neytendastofu bárust ábendingar vegna færslna á Instagram síðu einstaklings þar sem fjallað var um margvíslegar vörur og þjónustu fyrirtækja án þess að það kæmi fram að um auglýsingu væri að ræða. Neytendastofa óskaði eftir upplýsingum um hvort endurgjald hefði komið fyrir umfjöllunina, hvernig viðskiptasambandi hans og fyrirtækjanna væri háttað og hvort þriðji aðili hefði annast milligöngu vegna umfjöllunarinnar. Við meðferð málsins kom fram að einstaklingurinn hafði í einhverjum tilvikum þegið vörur að gjöf frá fyrirtækjunum eða fengið afslátt sem telst vera endurgjald.

Halda áfram að lesa

Vinsælast

Allur réttur áskilin © 2021 Tíðin