Heilsa

Sýnum náttúrunni virðingu á viðkvæmum árstíma

03. maí.2021 | 14:29

Sýnum náttúrunni virðingu á viðkvæmum árstíma

Nú er vor í lofti, snjóa leysir, frost er að fara úr jörðu og gróður vaknar til lífsins. Vorið er viðkvæmur tími hjá náttúrunni þar sem umferð um blaut svæði getur valdið raski á jarðvegi og gróðri. Það á ekki síst við um gönguleiðir og vegi sem eru ekki uppbyggðir. Skemmdir og rask hljótast iðulega af ótímabærri umferð og akstri þegar krækt er fyrir skafla og polla eða ekið á ótraustri snjóþekju.

Einnig er hætta á skemmdum á gróðri í og við áningarstaði og á gönguleiðum þar sem jarðvegur verður vatnsósa og gróður þolir engan átroðning. Jarðvegur getur orðið gljúpur. Hvert fótspor getur skilið eftir sig djúpt far og jafnvel varanlegar skemmdir.

Ferðamannastaðir á hálendinu eru sérstaklega viðkvæmir á þessum árstíma. Því er mjög mikilvægt að þau svæði fái frið fyrir allri umferð á meðan frost er að fara úr jörðu, jarðvegur að þorna og gróður að vakna til lífsins.

Vegagerðin er af þessum sökum byrjuð að loka vegum á hálendinu,  annars vegar til að koma í veg fyrir skemmdir á vegum og hins vegar  til verndar náttúrunni. Akstur inn á lokað svæði er óheimill samkvæmt lögum og varðar sektum.

Vegagerðin, Umhverfisstofnun og Vatnajökulsþjóðgarður eru í samstarfi um að meta ástand vega og náttúruverndarsvæða að vori.

Stofnanirnar þrjár hafa gert með sér minnisblað sem má nálgast hér: Minnisblað um akstursundanþágur, þar sem fjallað er um tilhögun undanþáguveitingar á akstri á hálendisvegum þar sem ferðaþjónustuaðilar geta fengið undanþágur þau ár sem ekki er hægt að opna vegi og náttúruverndarsvæði fyrr en í byrjun sumars.

Á vef Vegagerðarinnar eru upplýsingar um lokanir og opnun fjallvega og hvenær undanþága á akstri inn á lokuð svæði kemur til greina. Má nálgast þær upplýsingar hér: Opnun fjallvega  

Það er mikilvægt að hvorki ganga, hjóla né keyra um svæði sem eru viðkvæm vegna aurbleytu.

Stöndum saman vörð um náttúru Íslands!

Heilsa

Útgáfa á starfsleyfi Benchmark Genetics Iceland hf. Kirkjuvogi

12. maí.2021 | 14:01

Útgáfa á starfsleyfi Benchmark Genetics Iceland hf. Kirkjuvogi

Umhverfisstofnun hefur tekið ákvörðun um útgáfu á starfsleyfi Benchmark Genetics Iceland hf. Kirkjuvogi. Um er að ræða landeldi í Kirkjuvogi, Höfnum þar sem hámarks lífmassi á hverjum tíma má ekki fara yfir 90 tonn. Starfsleyfið hefur nú verið afhent rekstaraðila ásamt rekstarleyfi Matvælastofnunar.

Tillaga að starfsleyfi var auglýst á tímabilinu 24. febrúar 2021 til og með 26. mars 2021 þar sem hægt var að koma með athugasemdir vegna hennar. Engin athugasemd barst stofnuninni vegna tillögunnar á auglýsingatíma. Greinargerð vegna útgáfunnar fylgir starsleyfinu sbr. 6. gr. reglugerðar nr. 550/2018.

Tengd skjöl
Ákvörðun um útgáfu Benchmark Genetics Iceland hf. Kirkjuvogi
Starfsleyfi Benchmark Genetics Iceland hf. Kirkjuvogi.

Halda áfram að lesa

Heilsa

Uppfærð skilyrði vegna heimildar fjölmiðla um akstur utan vega að gosstöðvum

12. maí.2021 | 11:11

Uppfærð skilyrði vegna heimildar fjölmiðla um akstur utan vega að gosstöðvum

Í ljósi aðstæðna á svæði við gosstöðvar í Geldingadölum hefur Umhverfisstofnun uppfært skilyrði í heimild fjölmiðla vegna aksturs utan vega að gosstöðvunum samanber eftirfarandi: 

Leyfi fyrir fjölmiðla vegna aksturs utan vega að gosstöðvunum
Á grundvelli 2. mgr. 31. gr. laga um náttúruvernd nr. 60/2013 heimilar Umhverfisstofnun fjölmiðlum, sbr. 2. gr. laga um fjölmiðla nr. 38/2011, fyrir sitt leiti akstur utan vega að gosstöðvum í Geldingadölum eftir leið um Einihlíðar og Meradali vegna kvikmyndatöku sé ekki unnt að vinna viðkomandi störf á annan hátt. 

Merktar gönguleiðir eru að gosstöðvunum og skulu þær almennt notaðar. Þessi  heimild skal aðeins nýtt ef búnaður til kvikmyndatöku er of þungur til að hægt sé að bera hann á tökustað. 

Heimildin er bundin eftirfarandi skilyrðum: 

  • Allar ferðir skulu tilkynntar til vettvangsstjórnar á svæðinu og skal fylgja fyrirmælum hennar í hvívetna. 
  • Vettvangsstjórn er heimilt að takmarka eða loka fyrir aðgengi að svæðinu, s.s. vegna öryggis, veðurs, aðstæðna eða fjölda bíla á svæðinu. 
  • Ökutæki sem notuð eru við verkefni skulu vera að lágmarki á 38“ dekkjum og hleypa skal úr dekkjum til að takmarka ummerki eftir aksturinn. 
  • Ökumenn skulu hafa reynslu af akstri við krefjandi aðstæður. 
  • Aðeins skal nota þessa heimild ef brýna nauðsyn ber til. 
  • Takmarka skal fjölda ferða og farartækja eins og kostur er.
  • Hverjum aðila er aðeins heimilt að aka leiðina einu sinni fram og til baka á dag.
  • Allar ferðir skulu skráðar á heimasíðu Umhverfisstofnunar 


Ákvörðunin gildir til 26. maí 2021.

Umhverfisstofnun mun breyta ákvörðuninni ef aðstæður á svæðinu breytast.
Nánari upplýsingar er að finna hér. 

Halda áfram að lesa

Heilsa

Aðalfundur Spítalans okkar 2021 þriðjudaginn 25. maí

Aðalfundur landsamtakanna Spítalinn okkar verður haldinn þriðjudaginn 25. maí 2021. Fundurinn verður  í stóra salnum á Nauthól , Nauthólsvegi 106, og hefst kl. 16:00.

Dagskrá

1. Kosning fundarstjóra og fundarritara
2. Skýrsla stjórnar lögð fram
3. Reikningar lagðir fram til samþykktar
4. Lagabreytingar
5. Ákvörðun félagsgjalds
6. Kosning stjórnar og tveggja skoðunarmanna reikninga
7. Önnur mál.

Stutt málþing verður haldið að loknum aðalfundarstörfum – dagskráin verður birt síðar.
Á fundinum verður fylgt tilmælum um sóttvarnir.

Vefur Spítalans okkar

Halda áfram að lesa

Vinsælast

Allur réttur áskilin © 2021 Tíðin