Heilsa

Tillaga að breytingu á starfsleyfi Matorku ehf. á Hellu

31. mars.2021 | 14:34

Tillaga að breytingu á starfsleyfi Matorku ehf. á Hellu

Matorka ehf. hefur sótt um breytingu á starfsleyfi fiskeldis á Hellu, Rangárþingi ytra. Breytingin felst í aukinni losunarheimild köfnunarefnis í frárennsli úr 20 kg/framleitt tonn af fiski í 60 kg/tonn lífmassaaukningar. Breytingin felur einnig í sér að tekin sé burt heimild í starfsleyfi fyrir eldi á borra (beitarfiskur).

Umhverfisstofnun benti umsækjanda á að tilkynna breytinguna til Skipulagsstofnar í samræmi við lög nr. 106/2000 um mat á umhverfisáhrifum. Umhverfisstofnun telur að fyrirhuguð breyting sé ekki líklegt til þess að valda umtalsverðum umhverfisáhrifum og tekur fram að 60 kg losun köfnunarefnis á hvert framleitt tonn (eða tonn aukins lífmassa eldisfisks í stöðinni) er losunarmark í öllum leyfum fyrir eldi laxfiska. 

Umhverfisstofnun hefur nú unnið tillögu að breytingu á starfsleyfi Matorku ehf. í samræmi við erindið. Við breytingu starfsleyfisins voru laga- og reglugerðartilvísanir uppfærðar eftir því sem við átti sem og stöðluð ákvæði nýrra starfsleyfa Umhverfisstofnunar. Stílfræðilegar uppfærslur voru einnig gerðar og viðauki var einnig uppfærður í samræmi við uppfærslur ákvæða. Allar efnislegar breytingar eru í hornklofa og merktar með fótnótu.

Athugasemdir við breytingatillöguna skulu vera skriflegar og sendar Umhverfisstofnun ([email protected]). Frestur til að skila inn athugasemdum er til og með 30. apríl 2021.

Greinargerð mun fylgja starfsleyfinu við útgáfu sbr. 6. gr. reglugerðar nr. 550/2018 um losun frá atvinnurekstri og mengunarvarnaeftirlit.

Tengd skjöl
:
Tillaga að breytingu starfsleyfis
Umsókn um breytingu
Ákvörðun Skipulagsstofnunar
Umsögn Umhverfisstofnunar 

Heilsa

Dagskrá Vísinda á vordögum 28. apríl 2021

Árleg uppskeruhátíð vísinda á Landspítala, Vísindi á vordögum, verður miðvikudaginn 28. apríl 2021.

Formleg dagskrá verður í Hringsal á Landspítala Hringbraut og vegna COVID-19 verður henni streymt beint.

Sérstök vefsíða verður opnuð þar sem hátíðinni verða gerð skil og veggspjöld kynnt. Birt verður yfirlit vísindastarfs á Landspítala og fjallað um starfsemi vísindaráðs og Vísindasjóðs Landspítala auk helstu vísindaverkefna starfsfólks spítalans á árinu 2020.

Afhentir verða styrkir úr Vísindasjóði Landspítala.

Dagskrá

13:00 Fundur settur
Ávarp:
Svandís Svavarsdóttir heilbrigðisráðherra

13:10 Heiðursvísindamaður Landspítala 2021
Kynning: Rósa B. Barkardóttir, formaður vísindaráðs Landspítala
Heiðursvísindamaðurinn heldur fyrirlestur um rannsóknir sínar
Viðtalshorn Vísinda á vordögum 2021

13:50 Ungur vísindamaður Landspítala 2021
Kynning: Sigurbergur Kárason, vísindaráði
Ungur vísindamaður Landspítala kynnir rannsóknir sínar
Viðtalshorn Vísinda á vordögum 2021

14:20 Verðlaunaafhending úr Verðlaunasjóði Þórðar Harðarsonar og Árna Kristinssonar
Kynning: Páll Matthíasson, forstjóri Landspítala
Verðlaunahafi heldur fyrirlestur um rannsóknir sínar
Viðtalshorn Vísinda á vordögum 2021

15:00 Opnun veggspjaldasíðu – Verðlaun fyrir ágrip/veggspjald
Kynning: Jóna Freysdóttir, vísindaráði
Verðlaunahafar kynna verkefni sín með örfyrirlestrum

15:20 Ávarp – Formleg úthlutun styrkja úr Vísindasjóði Landspítala 2021
Páll Matthíasson, forstjóri Landspítala og formaður Vísindasjóðs Landspítala

Fundarstjórn: Jóna Freysdóttir ónæmisfræðingur og prófessor, vísindaráði

Viðtalsstjórnandi: Ólafur Baldursson framkvæmdastjóri lækninga

Halda áfram að lesa

Heilsa

Tillaga að friðlýsingu fólkvangs í Garðahrauni í Garðabæ

Hafa samband

[email protected]

Hikaðu ekki við að senda línu

591-2000

Símatími virka daga 08:30 – 15:00

Suðurlandsbraut 24

108 Reykjavík

Opið virka daga frá 08:30 – 15:00

Halda áfram að lesa

Heilsa

Loftslagvernd í verki – hvað getur þú gert fyrir loftslagið?

20. apríl.2021 | 12:42

Loftslagvernd í verki – hvað getur þú gert fyrir loftslagið?


Umhverfisstofnun hefur á síðustu misserum unnið með Landvernd að þróun á námskeiðinu Loftslagvernd í verki.
Um er að ræða 6 – 8 vikna námskeið á vegum Landverndar ætlað einstaklingum sem vilja prófa sig áfram og leggja sitt af mörkum í þágu loftslagsins. Námskeiðið er valdeflandi ferli sem miðar að því að styðja þátttakendur til að finna eigin leiðir til að draga úr kolefnissporinu. Námskeiðið er unnið í litlum hópum og með gagnvirkri þátttöku í Vefskóla Landverndar.

Enginn getur allt – en allir geta eitthvað
Þeir sem skrá sig verða hluti af 5 – 8 manna hópi sem ferðast saman í gegnum námskeiðið. Hópurinn vinnur sig í gegnum nokkra áfanga sem miða að því að hver þátttakandi skoði eigin lífsstíl, hvort sem er á heimilinu, í starfi eða sem almennur borgari. Þátttakendur hafa þannig stuðning og fá hugmyndir frá öðrum í hópnum – og í framhaldinu geta þeir velt fyrir sér til hvaða aðgerða sé hægt að grípa. Í kjölfarið setja þátttakendur sér raunhæf markmið til skemmri og lengri tíma. Fjallað er um samgöngur, matarvenjur, húsnæði, neyslu og hvernig við getum hvatt fleiri til dáða. 

Skemmtilegt að vinna í hóp
Þeim sem skrá sig til þátttöku býðst að taka þátt í hópi þátttakenda eða jafnvel mynda hópa í kringum sig sjálfa, t.d. í fjölskyldunni, innan vinnustaðar eða í skóla. Fjarfundabúnaður er nýttur eftir þörfum og því hægt að taka þátt óháð búsetu. Hóparnir eru leiddir áfram af leiðbeinendum sem hafa hlotið til þess sérstaka þjálfun. 
Skráðu þig til þátttöku hér – https://landvernd.is/vefskoli/

Halda áfram að lesa

Vinsælast

Allur réttur áskilin © 2021 Tíðin