Samtök Atvinnulífsins

UN Global Compact auglýsir eftir umdæmisstjóra á Íslandi

Auglýst hefur verið staða framkvæmdastjóra/umdæmisstjóra íslenska UN Global Compact (UNGC) staðarnetsins. Fyrirhugað að ganga frá ráðningunni fyrir sumarið.

Starfið heyrir undir svæðisstjóra í Kaupmannahöfn og verður hluti af stærri neti annarra umdæmisstjóra. Er það í takt við þá þróun sem að UNGC hefur að undanförnu lagt áherslu á við uppbyggingu staðarneta eftir löndum. Markmiðið er að styðja betur við íslensk fyrirtæki í átt að sjálfbærni, efla samskipti um málaflokkinn hérlendis og um leið að verða hluti af stærra neti fyrirtækja á heimsvísu sem að starfa með samfélagslega ábyrgum hætti.

Stefnt er á að halda ársfund í haust þar sem óskað verður eftir fulltrúum íslenskra fyrirtækja í UNGC til að taka sæti í ráðgefandi stjórn til að vera umdæmisstjóranum til ráðgjafar og stuðnings.

Staðarnetin á Norðurlöndunum hafa verið í góðu samstarfi sem Ísland hefur verið þátttakandi í og mun svo verða áfram. Samstarfsfundur norðurlandanetanna verður haldinn í Gautaborg í október og munu frekari upplýsingar um fundinn verða sendar út síðar.

Ef óskað er eftir frekari upplýsingum þá ekki hika við að hafa samband við Hugrúnu Elvarsdóttur, verkefnastjóra hjá Samtökum atvinnulífsins, í síma 869-3060 eða tölvupóst [email protected]

Nánari upplýsingar um stöðuna ásamt hæfniskröfum má finna hér.

Samtök Atvinnulífsins

Hringferð SA 2022: Vestmannaeyjar og Selfoss

Samtök atvinnulífsins eru heildarsamtök íslensks atvinnulífs með sex aðildarsamtökum sem starfa á grunni atvinnugreina. Yfir 2.000 fjölbreytt fyrirtæki eiga aðild að Samtökum atvinnulífsins, allt frá sjálfstætt starfandi frumkvöðlum til stærstu fyrirtækja landsins. Hjá aðildarfyrirtækjum SA starfa um 70% launafólks á almennum vinnumarkaði. Við erum Samtök atvinnulífsins.

Sjá nánar

Halda áfram að lesa

Samtök Atvinnulífsins

Ráðstefna um máltækni í atvinnulífi og samfélagi

Tölum um framtíðina: Máltækni í atvinnulífi og samfélagi 

Atvinnulífsráðstefna Almannaróms og Samtaka atvinnulífsins verður haldin miðvikudaginn 11. maí kl. 14:30-16:30 í Silfurbergi í Hörpu.

Á ráðstefnunni flytja ávörp innlendir og erlendir sérfræðingar í máltækni auk fulltrúa atvinnulífsins. Fjörugar pallborðsumræður taka einnig stóran hluta dagskrárinnar.

Aðgangur er öllum opinn en beðið er um að gestir skrái sig til að hægt sé að áætla fjölda: Skráning

Ráðstefnunni verður jafnframt streymt, til dæmis á Facebook-síðu Almannaróms: facebook.com/almannaromur

Dagskrá

 

Máltækni í nútíð og framtíð – ávarp

Jóhanna Vigdís Guðmundsdóttir, framkvæmdastjóri Almannaróms

Íslenskan í alþjóðlegum tækniheimi – ávarp

Xuedong Huang, Technical Fellow and Chief Technology Officer Azure AI, Microsoft

Mikilvægi íslenskunnar í atvinnulífi og samfélagi – pallborð
  • Lilja D. Alfreðsdóttir, menningar- og viðskiptaráðherra 
  • Halldór Benjamín Þorbergsson, framkvæmdastjóri Samtaka atvinnulífsins
  • Stefanía G. Halldórsdóttir, framkvæmdastjóri Eyrir Venture Management og formaður stjórnar Almannaróms
AI and Language Learning – ávarp

Steven C. Toy, forstjóri Memrise

Íslenska sem annað mál – pallborð
  • Eiríkur Rögnvaldsson, prófessor emeritus
  • Gamithra Marga, stofnandi TVÍK  
  • Nichole Leigh Mosty, forstöðumaður Fjölmenningarseturs
  • Eydís Huld Magnúsdóttir, framkvæmdastjóri Tiro
  • Örn Úlfar Sævarsson, hugmyndasmiður og spurningahöfundur. Formaður fulltrúaráðs Almannaróms.
Betri þjónusta með gervigreind og máltækni – pallborð
  • Anna Björk Nikulásdóttir, stofnandi og framkvæmdastjóri Grammateks ehf.
  • Ásta Sigríður Fjeldsted, forstjóri Krónunnar
  • Erla Ósk Ásgeirsdóttir, forstöðumaður mannauðsmála hjá The Reykjavík Edition
  • Ingibjörg Ösp Stefánsdóttir, forstöðumaður samkeppnishæfnisviðs sjá Samtökum atvinnulífsins
Máltækni í daglegu lífi – pallborð
  • Aðalsteinn Stefánsson, hönnuður á upplýsingatæknisviði Íslandsbanka
  • Vilhjálmur Þorsteinsson, stofnandi og framkvæmdastjóri Miðeindar ehf.
  • Ragnheiður H. Magnúsdóttir, framkvæmdastjóri Magga ehf. og stjórnarmaður Almannaróms
Getur máltækni tryggt mannréttindi? – pallborð
  • Kolbrún Eir Óskarsdóttir, móðir drengs sem nýtir máltækni á hverjum degi í alla tjáningu
  • Hrönn Birgisdóttir, Iðjuþjálfi og sérfræðingur á velferðasviði hjá Öryggismiðstöð Íslands
  • Gunnar Thor Örnólfsson, sérfræðingur í talgervingu hjá Háskólanum í Reykjavík
  • Hlynur Þór Agnarsson, aðgengis- og upplýsingafulltrúi Blindrafélagsins
  • Björgvin Ingi Ólafsson, meðeigandi hjá Deloitte og stjórnarmaður Almannaróms
Máltæknivegferð Símans – ávarp

Orri Hauksson, forstjóri Símans

Lokaorð 

Guðni Th. Jóhannesson, forseti Íslands, afhendir Máltækniverðlaunin 2022.

Léttar veitingar.

Halda áfram að lesa

Samtök Atvinnulífsins

Verndun kaupmáttar er verkefnið framundan

Peningastefnunefnd Seðlabankans hefur ákveðið að hækka stýrivexti um eina prósentu og standa meginvextir bankans því í 3,75%. Raunvextir hafa verið verulega neikvæðir en þó er gert ráð fyrir að hagkerfið starfi nálægt fullri framleiðslugetu um þessar mundir. Þá hefur verðbólga ítrekað mælst umfram spár greiningaraðila og hafa verðbólguvæntingar aukist hratt að undanförnu. Því var einsýnt að stýrivextir yrðu hækkaðir. Höfðu greiningaraðilar spáð 50-100 punkta hækkun á þessum fundi og er hækkunin við efri mörk þess sem spáð var.

Líkur eru á áframhaldandi hækkunum á árinu ef marka má harðan tón peningastefnunefndar. Eins og tilgreint er í yfirlýsingu nefndarinnar mun það ákvarðast af framvindu í opinberum fjármálum og niðurstöðum þeirra kjarasamninga sem fram undan eru, eða með orðum nefndarinnar:

Rammagrein 1 í Peningamálum, sem gefin voru út í morgun samhliða ákvörðun nefndarinnar, fjallar sérstaklega um áhrif viðbótarlaunahækkana á hagvaxtar- og verðbólguhorfur. Virðist af henni ljóst að hagkerfið er komið að þolmörkum hvað launaþróun varðar og að frekari nafnlaunahækkanir muni draga úr eftirspurn eftir vinnuafli, auka verðbólguþrýsting og þar með þörf fyrir frekari hækkun stýrivaxta. Heildaráhrifin af slíkri þróun væru til þess fallin að draga úr kaupmætti, ekki auka hann.

Verðbólguþrýstingur enn mikill

Verðbólga stendur í 7,2% og hefur ekki mælst meiri í 12 ár. Þó húsnæðisliðurinn drífi áfram verðbólguna um þessar mundir stendur verðbólga án húsnæðis þó í rúmlega 5%, sem er vel yfir markmiði Seðlabankans. Ólíkt því sem verið hefur undanfarin ár eru nú allir undirliðir verðbólgu að leggjast á eitt til að mynda þrýsting til hækkunar verðlags.

Þá er erlendur verðbólguþrýstingur enn mikill. Ætla má að eftirspurnaráhrif vegna stuðningsaðgerða ríkja vegna faraldurs séu enn að verki samhliða áframhaldandi framboðshnökrum vegna sóttvarnaraðgerða í Asíu og stríðsins í Úkraínu. Spáir Seðlabankinn nú að verðbólga muni ná 8% á árinu, enda séu verðbólguvæntingar að aukast á alla mælikvarða.

Framboð á íbúðarhúsnæði þarf að aukast

Verðbólga hefur nú um nokkra hríð mælst meiri en spár hafa gert ráð fyrir enda hefur sterkasti drifkraftur verðbólgunnar, húsnæðisverð, haldið áfram að hækka skarpar en talið var líklegt. Tólf mánaða hækkunartaktur húsnæðis á landsvísu mælist nú 19% og útlit er fyrir að íbúðaverð haldi áfram að hækka á meðan framboðshliðin tekur ekki hraðar við sér. Aukinn fjöldi íbúða er í pípunum en miðað við áætlanir mun hann þó ekki nægja til að vinna á fyrirséðri og uppsafnaðri þörf næstu ára að mati Húsnæðis- og mannvirkjastofnunar. Umbætur á umgjörð byggingarmarkaðar eru því brýnar, hvort sem horft er til húsnæðisöryggis eða verðlags- og stýrivaxtaþróunar.

Gengisþróun mun skipta máli að vanda

Styrking krónunnar samhliða bata í ferðaþjónustu gæti dregið úr verðbólguþrýstingi en hafa ber í huga að raungengi krónunnar er hátt í samanburði við fyrri uppgangsskeið. Sú staða gæti reynst erfið fyrir útflutningsgreinar. Styrking krónunnar gæti því haft hemil á verðbólgunni um hríð en myndi einnig skerða samkeppnishæfni útflutningsgreina og gæti þannig dregið úr hagvexti.

Eins og seðlabankastjóri benti á í morgun er verkefnið fram undan að vernda kaupmátt íslenskra heimila. Allar líkur eru á áframhaldandi verðbólguþrýstingi inn í sumarið en þegar horft er til næstu missera virðist ljóst að þróttur framboðshliðar húsnæðismarkaður og niðurstöður kjarasamninga munu hafa mikið að segja um innlenda verðbólguþróun. Þá er mikilvægt að opinber fjármál styðji við peningastefnuna með aðhaldssemi á útgjaldahlið. Að öðrum kosti mun Seðlabankinn verða nauðbeygður til að bregðast við, eins og nefndin kom skýrt á framfæri í yfirlýsingu sinni.

Halda áfram að lesa

Vinsælast

Allur réttur áskilin © Tíðin