Connect with us

Innlent

Ungir íslenskir frumkvöðlar hrepptu öll verðlaunin

Birt

þann

Íslenskir frumkvöðlar voru sigursælir í nýsköpunarsamkeppni fyrir ungmenni á norðurslóðum en úrslit hennar voru kynnt í dag. Guðlaugur Þór Þórðarson, utanríkis- og þróunarsamvinnuráðherra, var á meðal þeirra sem tók þátt í netviðburði í tilefni af því.

Úrslit voru kynnt í dag í nýsköpunarsamkeppni fyrir ungmenni á norðurslóðum, Arctic Future Challenge, sem utanríkisráðuneytið tók þátt í að skipuleggja í tengslum við formennsku Íslands í Norðurskautsráðinu. Reyndust frumkvöðlar frá Íslandi sigursælir, en í öllum keppnisflokkunum þremur komu verðlaunin í hlut íslenskra þátttakenda.

Yfir 400 frumkvöðlar á aldrinum 18-29 ára frá öllum Norðurskautsríkjunum átta voru tilnefndir til þátttöku í keppninni. Ingvi Georgsson frá Stýrinu tók við verðlaunum fyrir bestu viðskiptahugmyndina (Best Arctic Youth Business Concept) og Aðalheiður Hreinsdóttir frá LearnCove varð hlutskörpust í flokknum stofnandi ársins (Arctic Youth Founder of the Year). Loks tók Ólafur Bogason við verðlaunum fyrir hönd Genki Instruments sem frumkvöðlafyrirtæki ársins (Arctic Youth Startup of the Year).
 
Verðlaunaafhendingin fór fram á netinu í samstarfi við Hringborð norðurslóða, en upphaflega hafði staðið til að úrslitin yrðu kynnt á þingi Hringborðsins í Hörpu í október, sem var aflýst í ár vegna heimsfaraldursins. Guðlaugur Þór Þórðarson utanríkisráðherra tók þátt í netviðburðinum ásamt Jeppe Kofod, utanríkisráðherra Danmerkur, Katti Frederiksen, mennta- og menningarmálaráðherra Grænlands, og Helga Abrahamsen, umhverfis- og atvinnuvegaráðherra Færeyja, en inngangsorð flutti Ólafur Ragnar Grímsson, fyrrverandi forseti Íslands og formaður Hringborðs norðurslóða.
 
Danska utanríkisráðuneytið átti frumkvæði að því að efna til samkeppninnar og leiddi verkefnið í samstarfi við stjórnvöld á Ísland, Grænlandi og í Færeyjum. Markmið þess var að hvetja til nýsköpunar meðal ungmenna í Norðurskautsríkjunum og vekja athygli á fjárfestingar- og viðskiptatækifærum á norðurslóðum.
 
Eftir að úrslitin höfðu verið kynnt tóku verðlaunahafarnir þrír þátt í pallborðsumræðum um nýsköpunarumhverfið á norðurslóðum, sem streymt var beint af vef Hringborðs norðurslóða.

Innlent

COVID-19: Rafræn bólusetningarvottorð frá 21. janúar

Birt

þann

Eftir

Í dag og á morgun fær hópur einstaklinga síðari bólusetningarsprautuna gegn COVID-19 og telst þar með fullbólusettur. Hjá embætti landlæknis er verið að leggja lokahönd á rafræna lausn sem gerir fólki kleift að sækja sér bólusetningarvottorð á vefnum; heilsuvera.is. Stefnt er að því að þetta verður mögulegt frá og með morgundeginum. Vottorðið verður að efni og útliti í samræmi við fyrirliggjandi evrópska staðla og alþjóðlega bólusetningarskírteinið. Markmiðið er að greiða för fólks milli landa, þannig að einstaklingar geti framvísað bóluefnarvottorði á landamærum og séu þá undanþegnir sóttvarnaráðstöfunum vegna COVID-19 í samræmi við reglur hlutaðeigandi lands.

Eins og kynnt var í liðinni viku hefur heilbrigðisráðherra ákveðið að bólusetningarvottorð sem uppfylla leiðbeiningar sóttvarnalæknis og eru gefin út í í EES/EFTA-ríki verði tekin gild á landamærum Íslands. Þeir sem framvísa slíku vottorði eru undanþegnir opinberum sóttvarnaráðstöfunum á landamærum og er þannig ekki skylt að fara í sýnatöku við landamæri.

Þeir sem ekki geta nýtt sér heilsuveru til að sækja sér rafrænt bólusetningarvottorð geta fengið vottorð hjá heilsugæslunni um að þeir séu fullbólusettir.

Lesa meira

Innlent

Guðlaugur Þór á ráðherrafundi um samspil matvæla, orku og loftslagsbreytinga

Birt

þann

Eftir

Guðlaugur Þór Þórðarson, utanríkis- og þróunarsamvinnuráðherra, tók í dag þátt í sameiginlegum ráðherrafundi Sameinuðu þjóðanna og Alþjóðastofnunarinnar um endurnýjanlega orku (International Renewable Energy Agency, IRENA) um samspil matvæla, orku og loftslagsbreytinga.

Fundurinn er undirbúningur fyrir Food Systems Summit og High-Level Dialogue on Energy sem Sameinuðu þjóðirnar munu halda í september á þessu ári.

Ráðherra benti á að Ísland legði nú meiri áherslu á stuðning við loftslagstengd þróunarsamvinnuverkefni, sérstaklega í sjálfbærri orku, sem hluta af metnaðarfullum aðgerðum í loftlagsmálum. 

Hann lagði til að ráðstefnurnar í september leggðu áherslu á að auka grænar fjárfestingar í beinni nýtingu jarðvarma við matvælaframleiðslu. Þannig væri hægt að auka líkurnar á að ná markmiðum um aukið fæðuöryggi og minnkun matarsóunar sem væri lykill að sjálfbærri matvælaframleiðslu.

Íslendingar hefðu langa reynslu af beinni nýtingu jarðhita í matvælaframleiðslu, -vinnslu og virðisauka bæði í landbúnaði, garðyrkju og fiskeldi. 

Þróunarlönd hafa mörg hver aðgang að jarðhita sem hægt er að nota við þurrkun á til dæmis fiski, korni, ávöxtum, grænmeti og kaffi. Einnig er hægt að nýta jarðhita við gerilsneiðingu á mjólk, við fiskeldi á landi og í ræktun í gróðurhúsum. 

Lesa meira

Innlent

Áform um stækkun og endurskoðun friðlýsingar fólkvangsins í Garðahrauns

Birt

þann

Eftir

Umhverfisstofnun hefur kynnt áform um stækkun og endurskoðun friðlýsingar fólkvangsins  í Garðahrauni efra í Garðabæ. Áformin eru kynnt í samstarfi við Garðabæ og Styrktar- og líknarsjóð Oddfellowa. Friðlýsingin er hluti af friðlýsingarátaki umhverfis- og auðlindaráðuneytisins í samstarfi við Umhverfisstofnun.

Markmið friðlýsingarinnar er að stækka fólkvanginn í Garðahrauni sem svæði til útivistar og almenningsnota og að ná fram skipulegri heildarmynd hraunsins sem talið er sérstætt á landsvísu.

Garðahraun var friðlýst sem fólkvangur í apríl 2014. Það er hluti af Búrfellshrauni sem rann fyrir um 8100 árum.  Á því svæði sem fyrirhugað er að bæta inn í fólkvanginn nú er jaðar hraunsins við Hraunhóla helluhraun, en innar á hrauninu tekur við klumpahraun.

Áform um friðlýsingu eru kynnt í samræmi við málsmeðferðarreglu  náttúruverndarlaga. 

Áform um stækkun og endurskoðun friðlýsingar Garðahrauns efra í Garðabæ

Lesa meira

Vinsælast

Allur réttur áskilin © 2020 Tíðin