Innlent

Utanríkisráðherrar Íslands og Indlands funduðu í tilefni af hálfrar aldar stjórnmálasambandi

Aukið tvíhliða samstarf Íslands og Indlands á fjölmörgum sviðum, m.a. í nýtingu endurnýjanlegrar orku, sjávarútvegi, menningu og menntun, og afleiðingar stríðsins í Úkraínu voru á meðal umræðuefna á fjarfundi Þórdísar Kolbrúnar Reykfjörð Gylfadóttur utanríkisráðherra og dr. S. Jaishankar utanríkisráðherra Indlands í dag. Fundurinn var haldinn í tilefni af tilefni af 50 ára afmæli stjórnmálasambands ríkjanna. 

Utanríkisráðherrarnir ræddu stöðu heimsmála, m. a. innrás Rússa í Úkraínu og hnattrænar afleiðingar hennar. Þórdís Kolbrún lýsti áhyggjum sínum vegna mannúðarástandsins í Úkraínu sem og fæðuöryggis í fátækari ríkjum heims, og vilja sínum til að vinna með Indverjum og öðrum lýðræðisríkjum að því að verja alþjóðakerfið og alþjóðalög. Einnig var rætt um sjálfbæra þróun, mannréttindi og málefni norðurslóða. 

Ráðherrarnir ákváðu að efla samskiptin eftir tveggja ára stöðnun vegna COVID-19 ástandsins og nýta betur þá samninga og samstarfsyfirlýsingar, sem gerð hafa verið. Ákveðið hefur verið að setja á stofn sérstakan verkefnishóp (Task Force), til að fara yfir samstarfsmöguleika í nýtingu jarðvarma, en þegar eru fyrir hendi tvö verkefni á því sviði. Ákveðið var að framlengja samstarfsáætlun um menningarmál, en núverandi rennur út í ár og efla háskólasamstarf, m. a. sviði stafrænnar þróunar, og standa fyrir menningarviðburðum, til að minnast afmælisins. 

„Gagnkvæm samvinna um stafræna þróun og nýsköpun er mikilvæg, sagði Þórdís Kolbrún. „Indverjar hafa yfir mikilli tækniþekkingu og sérfræðingum að ráða, sem nýst getur Íslendingum.“ 

Ráðherrarnir létu í ljós ánægju með samstarfið um stöðu indversks gestaprófessors við Háskóla Íslands og ræddu möguleika á svipaðri stöðu í íslenskum fræðum á Indlandi.  
Einnig kom fram ánægja með gott samstarf á milli Jarðhitaskóla, Sjávarútvegsskóla og Jafnréttisskóla GRÓ/UNESCO og indverskra aðila og þá mörgu sérfræðing frá Indlandi, sem komið hafa til þjálfunar á Íslandi.

Ráðherrarnir létu ennfremur í ljós vonir um að árangur næðist í  viðræðum EFTA og Indlands um fríverslun.

Innlent

Fréttir frá félagsfólki SVÞ | Waldorfsskólinn hlaut foreldraverðlaun Heimilis og skóla

Mbl.is birtir í dag frétt um foreldraverðlaun Heimilis og skóla sem Waldorfsskólinn hlaut frá samtökum.

For­eldra­verðlaun Heim­il­is og skóla voru af­hent í 27. sinn í Safna­hús­inu við Hverf­is­götu. Waldorf­skól­inn í Lækj­ar­botn­um hlaut verðlaun­in í ár fyr­ir verk­efnið „Vinnu­dag­ar Lækj­ar­botna og gróður­setn­ing plantna á skóla­setn­ingu“.

Fram fór hátíðleg at­höfn í Safna­hús­inu við Hverf­is­götu og mættu þau Ásmund­ur Ein­ar Daðason, mennta- og barna­málaráðherra, og El­iza Reid for­setafrú til að ávarpa sam­kom­una og af­henda verðlaun­in.

SMELLIÐ HÉR FYRIR FRÉTT Á MBL.IS

Ljósmynd: Stjórnarráðið

Halda áfram að lesa

Innlent

Tuttugu og þrír nemendur útskrifast frá Jafnréttisskóla GRÓ

Jafnréttisskóli GRÓ (GRÓ-GEST) útskrifaði 23 sérfræðinga frá 15 löndum á föstudag, en þá var útskrift fjórtánda nemendahóps skólans frá upphafi fagnað í hátíðarsal Háskóla Íslands. Alls hafa nú 195 nemendur, frá 34 löndum útskrifast frá Jafnréttisskólanum með diplóma á meistarastigi í alþjóðlegum jafnréttisfræðum. Í ár voru í fyrsta sinn nemendur við skólann frá Moldóvu, Pakistan og Simbabve.

Í útskriftinni fengu tveir nemendur verðlaun fyrir lokaverkefni sem kennd eru við Vigdísi Finnbogadóttur verndara Jafnréttisskólans. Að þessu sinni féllu verðlaun fyrir rannsóknarverkefni í skaut Nicole Wasuna. Verkefni hennar fjallar um morð á konum í heimalandi hennar Kenía og hún setti þar fram tillögur að stefnumótun sem snúa meðal annars að þjálfun starfsmanna lögreglu, dómsstóla og fjölmiðla. Verðlaun fyrir lokaverkefni hlaut Sandani N. Yapa Abeywardena, en hún fjallaði um meðferð kynferðisbrotamála fyrir dómstólum í Sri Lanka. Hún skoðaði dóma í nauðgunarmálum, alvarlegum kynferðisafbrota- og áreitnimálum og hvernig dómarar líta á kynferði við túlkun laga um kynbundið ofbeldi og trúverðugleika fórnarlamba.

Ávörp fluttu Martin Eyjólfsson ráðuneytisstjóri utanríkisráðuneytisins, sem færði nemendum hamingjuóskir Þórdísar Kolbrúnar Reykfjörð Gylfadóttur utanríkisráðherra, Dr. Jón Atli Benediktsson, rektor Háskóla Íslands, en Jafnréttisskólinn er hýstur af hugvísindasviði Háskólans, og Dr. Irma Erlingsdóttir, forstöðumaður Jafnréttisskóla GRÓ. Diana Motsi, nemandi frá Zimbabwe flutti áhrifamikið ljóð, sem hún samdi sjálf og Maame Adwoa Amoa-Marfo frá Gana flutti ávarp fyrir hönd nemenda. Nemendur tóku við skírteinum sínum frá Ólöfu Garðarsdóttur, forseta Hugvísindasviðs HÍ, og Nínu Björk Jónsdóttir, forstöðumanni GRÓ Þekkingarmiðstöðvar þróunarsamvinnu.

Jafnréttisskólinn er einn fjögurra skóla sem GRÓ Þekkingarmiðstöð þróunarsamvinnu starfrækir á Íslandi undir merkjum UNESCO. Hinir skólarnir eru Jarðhitaskólinn, Sjávarútvegsskólinn og Landgræðsluskólinn, en GRÓ er hluti af alþjóðlegri þróunarsamvinnu Íslands. Samtals hafa nú 1.536 nemendur, frá rúmlega 100 löndum, lokið námi við skólana fjóra. Að auki hafa fjölmörg styttri námskeið verið haldin á vettvangi. Einnig veitir GRÓ skólastyrki til útskrifaðra nemenda til meistara- og doktorsnáms við íslenska háskóla.

Halda áfram að lesa

Hagstofan

Launavísitala hækkaði um 1,6% í apríl

Flýtileið yfir á efnissvæði