Heilsa

Útgáfa starfsleyfis fyrir Malbikunarstöðina Hlaðbæ-Colas hf. Hafnarfirði

06. apríl.2021 | 10:56

Útgáfa starfsleyfis fyrir Malbikunarstöðina Hlaðbæ-Colas hf. Hafnarfirði

Umhverfisstofnun hefur gefið út starfsleyfi fyrir Malbikunarstöðina Hlaðbæ-Colas hf. í Hafnarfirði. Í gildi var framlenging eldra starfsleyfis.

Starfsleyfið gerir ráð fyrir að heimilt sé að framleiða allt að 240 t/klst. af malbiki, auk heimildar til að reka tengda starfsemi. Heimilt er að geyma allt að 250 m3 birgðir af biki og olíu á starfssvæðinu í litlum geymum, þar af 70 m3 í hvorum bikgeymi og allt að 70 m3 af dísilolíu, þar af 50 m3 í stærsta dísiltanknum og gert er ráð fyrir ílátum fyrir hreinsiefni (einkum repjuolíu).

Tillaga að starfsleyfi ásamt umsókn og grunnástandsskýrslu frá rekstraraðila var aðgengileg á vefsíðu Umhverfisstofnunar á tímabilinu 9. febrúar til 9. mars 2021 og gafst á þeim tíma tækifæri til að koma með athugasemdir áður en ákvörðun um útgáfu starfsleyfisins var tekin.

Engar umsagnir eða athugasemdir bárust um tillöguna á auglýsingatíma. Breytingar voru ekki gerðar frá auglýstri tillögu utan einfaldra leiðréttinga og að bætt var við greinargerð. Einnig er rétt að geta þess að Umhverfisstofnun auglýsti tillögu að starfsleyfi undir nafninu Colas Ísland hf. þar sem gert var ráð fyrir að nafnabreyting væri að eiga sér stað á fyrirtækinu. Nafnabreytingunni er hins vegar ekki lokið og er niðurstaðan að starfsleyfið er gefið út á því nafni sem skráð er hjá Fyrirtækjaskrá.

Ákvörðun Umhverfisstofnunar um útgáfu starfsleyfis er kæranleg til úrskurðarnefndar umhverfis- og auðlindamála innan eins mánaðar frá birtingu ákvörðunar stofnunarinnar skv. 1. mgr. 65. gr. laga nr. 7/1998, um hollustuhætti og mengunarvarnir, sbr. 4. gr. laga nr. 130/2011, um úrskurðarnefnd umhverfis- og auðlindamála.

Tilkynning þessi er birt á fréttavefsvæði Umhverfisstofnunar en auk þess í sérstökum dálki fyrir opinberar birtingar á starfsleyfum sem stofnunin gefur út.

Starfsleyfi þetta, sem gefið er út í samræmi við ákvæði laga nr. 7/1998 um hollustuhætti og mengunarvarnir og reglugerðar nr. 550/2018 um losun frá atvinnurekstri og mengunarvarnaeftirlit, öðlast þegar gildi og gildir til 31. mars 2037.

Starfsleyfi

Heilsa

Dagskrá Vísinda á vordögum 28. apríl 2021

Árleg uppskeruhátíð vísinda á Landspítala, Vísindi á vordögum, verður miðvikudaginn 28. apríl 2021.

Formleg dagskrá verður í Hringsal á Landspítala Hringbraut og vegna COVID-19 verður henni streymt beint.

Sérstök vefsíða verður opnuð þar sem hátíðinni verða gerð skil og veggspjöld kynnt. Birt verður yfirlit vísindastarfs á Landspítala og fjallað um starfsemi vísindaráðs og Vísindasjóðs Landspítala auk helstu vísindaverkefna starfsfólks spítalans á árinu 2020.

Afhentir verða styrkir úr Vísindasjóði Landspítala.

Dagskrá

13:00 Fundur settur
Ávarp:
Svandís Svavarsdóttir heilbrigðisráðherra

13:10 Heiðursvísindamaður Landspítala 2021
Kynning: Rósa B. Barkardóttir, formaður vísindaráðs Landspítala
Heiðursvísindamaðurinn heldur fyrirlestur um rannsóknir sínar
Viðtalshorn Vísinda á vordögum 2021

13:50 Ungur vísindamaður Landspítala 2021
Kynning: Sigurbergur Kárason, vísindaráði
Ungur vísindamaður Landspítala kynnir rannsóknir sínar
Viðtalshorn Vísinda á vordögum 2021

14:20 Verðlaunaafhending úr Verðlaunasjóði Þórðar Harðarsonar og Árna Kristinssonar
Kynning: Páll Matthíasson, forstjóri Landspítala
Verðlaunahafi heldur fyrirlestur um rannsóknir sínar
Viðtalshorn Vísinda á vordögum 2021

15:00 Opnun veggspjaldasíðu – Verðlaun fyrir ágrip/veggspjald
Kynning: Jóna Freysdóttir, vísindaráði
Verðlaunahafar kynna verkefni sín með örfyrirlestrum

15:20 Ávarp – Formleg úthlutun styrkja úr Vísindasjóði Landspítala 2021
Páll Matthíasson, forstjóri Landspítala og formaður Vísindasjóðs Landspítala

Fundarstjórn: Jóna Freysdóttir ónæmisfræðingur og prófessor, vísindaráði

Viðtalsstjórnandi: Ólafur Baldursson framkvæmdastjóri lækninga

Halda áfram að lesa

Heilsa

Tillaga að friðlýsingu fólkvangs í Garðahrauni í Garðabæ

Hafa samband

[email protected]

Hikaðu ekki við að senda línu

591-2000

Símatími virka daga 08:30 – 15:00

Suðurlandsbraut 24

108 Reykjavík

Opið virka daga frá 08:30 – 15:00

Halda áfram að lesa

Heilsa

Loftslagvernd í verki – hvað getur þú gert fyrir loftslagið?

20. apríl.2021 | 12:42

Loftslagvernd í verki – hvað getur þú gert fyrir loftslagið?


Umhverfisstofnun hefur á síðustu misserum unnið með Landvernd að þróun á námskeiðinu Loftslagvernd í verki.
Um er að ræða 6 – 8 vikna námskeið á vegum Landverndar ætlað einstaklingum sem vilja prófa sig áfram og leggja sitt af mörkum í þágu loftslagsins. Námskeiðið er valdeflandi ferli sem miðar að því að styðja þátttakendur til að finna eigin leiðir til að draga úr kolefnissporinu. Námskeiðið er unnið í litlum hópum og með gagnvirkri þátttöku í Vefskóla Landverndar.

Enginn getur allt – en allir geta eitthvað
Þeir sem skrá sig verða hluti af 5 – 8 manna hópi sem ferðast saman í gegnum námskeiðið. Hópurinn vinnur sig í gegnum nokkra áfanga sem miða að því að hver þátttakandi skoði eigin lífsstíl, hvort sem er á heimilinu, í starfi eða sem almennur borgari. Þátttakendur hafa þannig stuðning og fá hugmyndir frá öðrum í hópnum – og í framhaldinu geta þeir velt fyrir sér til hvaða aðgerða sé hægt að grípa. Í kjölfarið setja þátttakendur sér raunhæf markmið til skemmri og lengri tíma. Fjallað er um samgöngur, matarvenjur, húsnæði, neyslu og hvernig við getum hvatt fleiri til dáða. 

Skemmtilegt að vinna í hóp
Þeim sem skrá sig til þátttöku býðst að taka þátt í hópi þátttakenda eða jafnvel mynda hópa í kringum sig sjálfa, t.d. í fjölskyldunni, innan vinnustaðar eða í skóla. Fjarfundabúnaður er nýttur eftir þörfum og því hægt að taka þátt óháð búsetu. Hóparnir eru leiddir áfram af leiðbeinendum sem hafa hlotið til þess sérstaka þjálfun. 
Skráðu þig til þátttöku hér – https://landvernd.is/vefskoli/

Halda áfram að lesa

Vinsælast

Allur réttur áskilin © 2021 Tíðin