Heilsa

Útgáfa starfsleyfis fyrir olíubirgðastöð EBK ehf.

22. febrúar.2021 | 13:25

Útgáfa starfsleyfis fyrir olíubirgðastöð EBK ehf.

Umhverfisstofnun hefur gefið út starfsleyfi fyrir olíubirgðastöð EBK ehf., Fálkavelli 8, Keflavíkurflugvelli. Með útgáfu starfsleyfisins fellur úr gildi starfsleyfi sem gefið var út fyrir olíubirgðastöðina af Heilbrigðiseftirliti Suðurnesja þann 7. mars 2007.

Starfsleyfið gerir ráð fyrir að heimilt sé geyma allt að 7.116 m3 af olíu í stöðinni. Stærsti geymirinn er 3.800 m3.
Tillaga að starfsleyfi ásamt umsókn og grunnástandsskýrslu frá rekstraraðila var aðgengileg á vefsíðu Umhverfisstofnunar á tímabilinu 21. desember 2020 til 21. janúar 2021 og gafst á þeim tíma tækifæri til að koma með athugasemdir áður en ákvörðun um útgáfu starfsleyfisins var tekin.

Ein athugasemd barst á auglýsingatíma en rekstraraðili ítrekaði fyrri athugasemdir um orðalag varðandi hvers konar olíu mætti geyma í stöðinni og setti fram andmæli gegn þeirri skilgreiningu sem fram kom í auglýsingu en hún vísaði í að gufuþrýstingur olíunnar yrði undir tilteknum mörkum. Fallist var á að breyta skilgreiningunni og breyttust því ákvæði starfsleyfisins um umfang lítillega í starfsleyfinu og er nú tilgreint nákvæmlega hvaða tegund af olíu má geyma í stöðinni. Einnig var bætt við tilvísun í nýútkomna reglugerð um mengaðan jarðveg og lagfæringar gerðar á orðalagi á stöku stað.

Ákvörðun Umhverfisstofnunar um útgáfu starfsleyfis er kæranleg til úrskurðarnefndar umhverfis- og auðlindamála innan eins mánaðar frá birtingu ákvörðunar stofnunarinnar skv. 1. mgr. 65. gr. laga nr. 7/1998, um hollustuhætti og mengunarvarnir, sbr. 4. gr. laga nr. 130/2011, um úrskurðarnefnd umhverfis- og auðlindamála.

Auglýsing þessi er birt á fréttavefsvæði Umhverfisstofnunar en auk þess í sérstökum dálki fyrir opinberar birtingar á starfsleyfum sem stofnunin gefur út.

Starfsleyfi þetta, sem gefið er út í samræmi við ákvæði laga nr. 7/1998 um hollustuhætti og mengunarvarnir og reglugerðar nr. 550/2018 um losun frá atvinnurekstri og mengunarvarnaeftirlit, öðlast þegar gildi og gildir til 18. febrúar 2037.

Tengd skjöl:
Starfsleyfi
Fylgibréf vegna útgáfu starfsleyfis
Niðurstaða skipulagsnefndar

 

Heilsa

Frá farsóttanefnd 15. apríl 2021

Frá farsóttanefnd:

Landspítali er á óvissustigi. 

Á Landspítala nú:

2 sjúklingar eru inniliggjandi vegna Covid-19 með virkt smit
– Annar sjúklinganna í gjörgæslu og öndunarvél
Ekkert andlát á Landspítala í 4. bylgju sem hófst 20. mars
79 sjúklingar eru í eftirliti Covid-19 göngudeildar, þar af 18 börn

Halda áfram að lesa

Heilsa

Síðasti greiðsludagur hreindýraveiðileyfa er í dag – fimmtudaginn 15. apríl.

15. apríl.2021 | 11:05

Síðasti greiðsludagur hreindýraveiðileyfa er í dag – fimmtudaginn 15. apríl.


Eindagi greiðslu úthlutaðs hreindýraveiðileyfis er í dag 15. apríl. Greiða þarf kröfu í heimabanka fyrir kl. 21.00 fimmtudaginn 15. apríl. Þeir sem ekki greiða kröfuna fyrir tilskilinn tíma hafna þar með úthlutuðu leyfi. 

Krafa frá Ríkissjóðsinnheimtu er í heimabanka þeirra sem hafa fengið úthlutun, ekki voru sendir út greiðsluseðlar. Ef menn finna ekki kröfuna þá er hægt að millifæra eftir neðangreindum upplýsingum en það þarf þá að gerast áður en greiðslufrestur rennur út.

Tryggast er samt að viðkomandi borgi útsenda kröfu, en ef er millifært þarf að senda bankakvittun á netfangið [email protected].

Reikningsnúmer:  0001-26-25335  
Kennitala móttakanda:  5402696459
Upphæð greiðslu:   86.000 fyrir kýr, 150.000 fyrir tarf.
Skýring greiðslu:  Kennitala þess sem er með úthlutað leyfi.

Mikilvægt er að greiða ekki á síðustu stundu og fylgjast með því að greiðslur sem hafa verið settar í sjálfvirkar greiðslur á eindaga greiðist.

Fljótlega eftir að greiðslufrestur er útrunnin er farið í að endurúthuta þeim leyfum sem ekki verða greidd, til næstu manna á biðlistum  

Halda áfram að lesa

Heilsa

Kynning á vatnaáætlun

Tillaga að fyrstu vatnaáætlun Íslands eru nú til kynningar og við viljum bjóða þér á kynningarfund 27. apríl n.k. kl. 13:00 – 14:30. Fundurinn verður haldinn á Teams.
Takið endilega tímann frá!

Við segjum oft að á Íslandi sé eitt hreinasta vatn í heimi en er það í raun svo? Hluti af vinnunni við vatnaáætlun er einmitt að geta staðfest gæði vatns, draga úr álagi þar sem þess er þörf og vakta vatn til framtíðar. 

Vatnaáætlun felur í sér stefnumörkun um vatnsvernd. Hluti af henni er aðgerðaáætlun þar sem settar eru fram aðgerðir til að tryggja gott ástand vatns og vöktunaráætlun þar sem markmiðið er m.a. að samræma vöktun vatns um allt land. Lög um stjórn vatnamála innleiða nýja nálgun í vatnsvernd hér á landi. Lögunum er ætlað að vernda vatn og vistkerfi þess, stuðla að sjálfbærri nýtingu þess og langtímavernd vatnsauðlindarinnar. Vatnaáætlun ásamt aðgerðaáætlun og vöktunaráætlun munu gilda til sex ára í senn.

Mikið samráð og samtal  hefur farið fram við gerð vatnaáætlunar og er þessi kynningarfundur hluti af því mikilvæga ferli. Á kynningarfundinum fer verkefnishópur Umhverfisstofnunar yfir tillögu að fyrstu vatnaáætlun Íslands ásamt fylgiáætlunum hennar; aðgerðaáætlun og vöktunaráætlun. Farið verður yfir áhrif og þýðingu áætlunarinnar.

Frekari upplýsingar um vatnaáætlun eru inni á vefsíðunni vatn.is og er frestur til að gera athugasemdir til og með 15. júní 2021.

Kynningin fer fram í gegnum forritið Teams. Ekki er nauðsynlegt að stofna aðgang til að komast inn á fundinn. Ekki þarf að hlaða niður forriti ef fylgst er með í gegnum vafra, en ef ætlunin er að fylgjast með fundinum í gegnum síma þarf að hlaða niður Teams smáforritinu. Ekki er mælt með því að nota Safari vafrann en aðrir vafrar virka vel. 

Fundurinn verður tekinn upp svo hægt er að nálgast hann seinna á vatn.is 
Hlekkur á fundinn: http://ust.is/fundur20210427

Halda áfram að lesa

Vinsælast

Allur réttur áskilin © 2021 Tíðin