Innlent

Útskrift frá Stafrænu viðskiptalínu Verslunarskóla Íslands

Verslunarskóli Íslands útskrifaði þrjá nemendur á dögunum frá Stafrænu viðskiptalínu skólans en Stafræn viðskiptalína er ný námslína á framhaldsskólastigi við Verslunarskóla Íslands sem hóf göngu sína haustið 2019.

Unnið hefur verið að skipulagi námsins undanfarin tvö ár að frumkvæði SVÞ í samstarfi við Verslunarskólann, VR og Starfsmenntasjóð verslunar- og skrifstofufólks. Sérstaða námslínunnar er mikil þar sem í fyrsta skipti er boðið upp á vinnustaðanám sem hluta af námi til stúdentsprófs. Vinnustaðanámið er afmarkað við fyrirtæki sem sérhæfa sig í stafrænum lausnum eins og t.d. vefverslanir. Tækninni fleygir fram og krafan um aukna menntun í verslun og þjónustu fer vaxandi samhliða þeirri stafrænu þróun sem er að verða í atvinnugreininni.

Fagnámi verslunarinnar er nám á framhaldsskólastigi ætlað starfsfólki í verslun sem einnig er hýst í Verslunarskóla Íslands.

Námið er 90 einingar og er blanda af fjarnámi og vinnustaðanámi í fyrirtækjunum. Umsækjendum stendur til boða að fara í raunfærnimat hjá Mími þar sem kunnátta og hæfni hvers og eins er metin til eininga á móti kenndum áföngum. Þannig fá einstaklingar með starfsreynslu og hæfni slíkt metið til eininga og styttingar á námi sínu. Markmið námsins, er meðal annars að nemendur auki þekkingu sína og færni á vinnustað, þjálfist í að veita viðskiptavinum framúrskarandi þjónustu og geti stýrt verkefnum í verslun í samræmi við skipulag og áætlan

Með þessari útskrift hefur Verslunarskóli Íslands útskrifað 12 nemendur með fagbréf í fórum sínum. Sumir nemendanna halda svo áfram og ljúka stúdentsprófi samhliða fagnáminu.

Þau fyrirtæki sem eru sem eru aðilar að þessu verkefni í dag eru Samkaup, sem dögunum tók á móti Menntaverðlaunum atvinnulífsins 2022,  Domínos, Húsasmiðjan, Nova, Rönning, Lyfja, Byko og Skeljungur.

SJÁ FRÉTT FRÁ VÍ

Almannavarnir

Hættustigi aflýst á Austurlandi og Suðurlandi

Ríkislögreglutjóri í samráði við lögreglustjóra á Austurlandi og Suðurlandi aflýsir hættustigi almannavarna vegna veðurs sem fór yfir umdæmin 24.-26. september.  Engar veðurviðvaranir eru í gildi.

Halda áfram að lesa

Innlent

Vefútsending á morgun vegna yfirlýsingar fjármálastöðugleikanefndar og útgáfu Fjármálastöðugleika

27. september 2022

Fjármálastöðugleikanefnd. Frá vinstri eru Guðrún Þorleifsdóttir, Rannveig Sigurðardóttir, Axel Hall, Ásgeir Jónsson formaður, Bryndís Ásbjarnardóttir, Guðmundur Kr. Tómasson, Unnur Gunnarsdóttir og Gunnar Jakobsson.
Fjármálastöðugleikanefnd. Frá vinstri eru Guðrún Þorleifsdóttir, Rannveig Sigurðardóttir, Axel Hall, Ásgeir Jónsson formaður, Bryndís Ásbjarnardóttir, Guðmundur Kr. Tómasson, Unnur Gunnarsdóttir og Gunnar Jakobsson.

Yfirlýsing fjármálastöðugleikanefndar verður birt á vef Seðlabankans kl. 8.30 á morgun 28. september. Ritið Fjármálastöðugleiki verður birt á vefnum kl. 8.35. Klukkan 9.30 hefst vefútsending frá kynningunni vegna yfirlýsingar nefndarinnar. Á kynningunni gera Ásgeir Jónsson, seðlabankastjóri og formaður fjármálastöðugleikanefndar, Gunnar Jakobsson, varaseðlabankastjóri fjármálastöðugleika og Haukur C. Benediktsson, framkvæmdastjóri fjármálastöðugleika, grein fyrir yfirlýsingu fjármálastöðugleikanefndar og kynna efni ritsins Fjármálastöðugleika.

Nánari upplýsingar um fjármálastöðugleika má finna sérstakri síðu, sjá hér.

Hér má finna tengla á útgefin rit, m.a. Fjármálastöðugleika.

Vefútsending verður aðgengileg hér (tengill settur hér von bráðar).

Halda áfram að lesa

Innlent

Styrkur veittur vegna norrænnar ráðstefnu um skýra upplýsingamiðlun stjórnvalda á viðsjárverðum tímum

Ríkisstjórnin samþykkti á fundi sínum í dag að veita 1.500.000 kr. af ráðstöfunarfé sínu til að styðja við framkvæmd ráðstefnu þar sem fjallað verður um samskipti stjórnvalda, stofnana og fyrirtækja við almenning þegar vá, t.a.m. heimsfaraldur eða náttúruhamfarir, steðjar að.

Yfirskrift ráðstefnunnar, sem fer fram dagana 11.-12. maí á næsta ári, er Klarsprog og kommunikation: Informationsformildling for alle i krisetider (ísl. Skýr upplýsingamiðlun stjórnvalda á viðsjárverðum tímum) og er hún hluti af norrænni ráðstefnuröð sem fjallar um mikilvægi skýrs og skiljanlegs málfars, einkum þegar kemur að upplýsingagjöf stjórnvalda til almennings.

Stofnun Árna Magnússonar í íslenskum fræðum annast skipulag og framkvæmd ráðstefnunnar sem fer fram rafrænt. Katrín Jakobsdóttir forsætisráðherra flytur opnunarávarp við upphaf ráðstefnunnar en aðalfyrirlesarar verða Kristín Jónsdóttir, eldfjalla- og jarðskjálftafræðingur og hópstjóri náttúruvárvöktunar Veðurstofu Íslands, og Gabriella Sandström hjá sænsku lýðheilsustofnunni, Folkhälsomyndigheten. Auk þess verða fluttir 12-15 styttri fyrirlestrar frá fulltrúum allra Norðurlandanna.

Frekari upplýsingar er að finna á sérstöku vefsvæði Stofnunar Árna Magnússonar um viðburðinn.

Halda áfram að lesa

Vinsælast

Allur réttur áskilin © Tíðin