Lögreglan

Veðurútlit raskar skólastarfi á höfuðborgarsvæðinu

Síðast uppfært: 9 Desember 2019 klukkan 20:00

Mjög slæmt veðurútlit raskar skólastarfi á höfuðborgarsvæðinu á morgun, þriðjudag, en foreldrar/forráðamenn eru þá beðnir um að sækja börn sín í skóla og leikskóla í umdæminu fyrir kl. 15. Nánari upplýsingar um þetta er að finna á síðum sveitarfélaganna, en veðrið hefur enn fremur áhrif á starfsemi frístunda- og félagsmiðstöðva sem mun falla niður af sömu ástæðu. Vegagerðin hefur upplýst um mögulegar lokanir á vegum til og frá höfuðborgarsvæðinu (Vesturlandsvegur, Suðurlandsvegur og Reykjanesbraut) og er fólk hvatt til að kynna sér þær, auk þess að fylgjast áfram vel með veðurspám í kvöld og fyrramálið.

Mögulegar lokanir á vegum

Halda áfram að lesa

Innlent

Fjárkúgunartilraunir tengdar kynferðislegu myndspjalli

15 Apríl 2021 12:50

Lögreglan á höfuðborgarsvæðinu hefur upp á síðkastið fengið tilkynningar um fjárkúgunartilraunir tengdar kynferðislegu myndspjalli á netinu.

Karlmenn hafa fengið skilaboð frá erlendri konu á Instagram og þeir beðnir um að setja upp Google Hangouts spjallforrit til að ræða við konuna. Spjallið verður mjög fljótt kynferðislegt. Þegar líður á spjallið og maðurinn hefur berað sig fyrir myndavélinni er upptaka af honum sýnd í spjallglugganum þar sem konan var áður. Í kjölfarið er maðurinn krafinn um greiðslu, annars verði myndbandið sent á Facebook og Instagram vinalistana.

Þeir sem verða fyrir slíkum hótunum eru hvattir til að greiða ekki: ekkert hefst upp úr því annað en áframhald á kúgunum.

Hægt er að tilkynna um mál sem þessi í netfangið [email protected]

Upplýsingar sem gott er að fylgi tilkynningunni eru m.a. Instagram reikningurinn sem fyrst var haft samband úr, netfangið á Google Hangouts reikningnum og upplýsingar um hvert á að greiða kúgaranum (reikningsnúmer).

Halda áfram að lesa

Innlent

Umfangsmiklar kannabisræktanir

14 Apríl 2021 12:27

Lögreglan á höfuðborgarsvæðinu hefur undanfarið stöðvað kannabisræktanir á fjórum stöðum í umdæminu og lagt hald á mikið magn kannabisefna, eða vel á annað hundrað kíló, en það er mat lögreglu að í öllum tilvikunum hafi efnin verið ætluð til sölu og dreifingar. Um var að ræða umfangsmiklar ræktanir í bæði iðnaðar- og íbúðarhúsnæði, m.a. í sérútbúnu rými, og var búnaðurinn eftir því. Nokkrir hafa verið handteknir í þessum aðgerðum lögreglunnar og einn úrskurðaður í gæsluvarðhald, en rannsókn málanna miðar vel. Á einum staðnum var enn fremur lagt hald á tæplega eitt kíló af ætluðu amfetamíni.

Við minnum á upplýsingasíma lögreglu 800 5005. Í hann má hringja nafnlaust til að koma á framfæri upplýsingum um skipulagða brotastarfsemi, eða önnur brot sem fólk hefur vitneskju um. Ábendingum um brot má einnig koma á framfæri í tölvupósti á netfangið [email protected]

Halda áfram að lesa

Innlent

Rýmingarskilti til dreifingar í hús á Seyðisfirði

13 Apríl 2021 17:27

Gangskör var gerð að því af hálfu almannavarnadeildar Ríkislögreglustjóra að útbúa rýmingarskilti í kjölfar aurskriðna á Seyðisfirði í lok árs 2020. Skiltið er nú tilbúið og verður borið í öll hús á Seyðisfirði á næstu dögum.  Á skiltinu má finna leiðbeiningar til íbúa um það hvað rétt myndi að hafa meðferðis komi til rýmingar, að hverju skuli hyggja við rýmingu, hver tekur ákvörðun um rýmingu, afléttingu hennar og fleira.

Gert er ráð fyrir að sambærilegum skiltum verði síðar dreift í hús á Eskifirði og í Neskaupstað.

Skiltið má finna hér.

Halda áfram að lesa

Vinsælast

Allur réttur áskilin © 2021 Tíðin