Innlent

Veffyrirlestur: Hvað er bannað og hvað má? Bann við afhendingu á burðarpokum úr plasti

Í upphafi árs tók í gildi bann við afhendingu á burðarpokum úr plastið. Bannið er bæði víðtækara og frjálslegra en margir gera sér grein fyrir. Í erindi sínu fer sérfræðingur Umhverfisstofnunnar yfir hvað felst í banninu, hvað sé leyfilegt og hvað ekki, og hvaða lausna er hægt að leita. Fjallað verður um hvað plast sé, hvað burðarpokar eru, og hvað er átt við með afhendingu á sölustað vara.

Fyrirlesari er Dr. Gró Einarsdóttir, sérfræðingur á sviði loftlagsmála og græns samfélags hjá Umhverfisstofnun

Sem sérfræðingur hjá Umhverfisstofnun hefur Gró svarað fyrirspurnum fyrirtækja um bannið á afhendingu á burðarpokum úr plasti og hefur í þeim tilgangi kynnt sér málefnin ítarlega. Gró er einnig doktor í félagssálfræði, og hennar sérsvið snýst um hvernig við aukum líkurnar á því að fólk breyti umhverfistengdri hegðun. Gró er vinsæll fyrirlesari og hefur víðtæka reynslu af því að halda erindi fyrir ólíka hópa.

Umhverfisstofnun sér um upplýsingagjöf og eftirlit með ákvæðunum við banninu á afhendingu á burðarpokum úr plasti.

Skráning fer fram hér fyrir neðan. Vinsamlegast athugið að ekki er hægt að ábyrgjast að hlekkur á viðburðinn berist í tíma ef skráning fer fram innan við klukkustund frá upphafi viðburðarins.

Almannavarnir

Óvissustig vegna hættu á gróðureldum á Norðurlandi Vestra

Ríkislögreglustjóri, í samráði við lögreglustjóra og slökkviliðsstjórana á Norðurlandi Vestra hafa ákveðið að lýsa yfir óvissustigi almannavarna vegna hættu á gróðureldum. Þessi ákvörðun er byggð á því að lítið hefur rignt á svæðinu undanfarið og veðurspá næstu daga sýnir heldur ekki neina úrkomu af ráði. Óvissustig almannavarna þýðir að aukið eftirlit er haft með atburðarás sem á síðari stigum gæti leitt til þess að heilsu og öryggi fólks, umhverfis eða byggðar verði ógnað. Að lýsa yfir óvissustigi er hluti af verkferlum í skipulagi almannavarna til að tryggja formleg samskipti og upplýsingagjöf á milli viðbragðsaðila og almennings.

Almenningur er hvattur til að sýna aðgát með opinn eld á þessum svæðum og öðrum þar sem gróður er þurr. Það þarf ekki mikinn neista til þess að af verði stórt bál.

Ef fólk verður vart við gróðurelda á strax að hringja í 112. Á heimasíðu almannavarnadeildar ríkislögreglustjóra má nálgast upplýsingar um ýmsar varnir til að draga úr hættu af gróðureldum https://www.almannavarnir.is/natturuva/eldhaetta/ og einnig inn á https://www.grodureldar.is/

Halda áfram að lesa

Alþingi

Forsætisnefnd afgreiðir erindi um siðareglumál

12.5.2021

Forsætisnefnd afgreiddi á fundi sínum 10. maí erindi sem henni barst 18. apríl sl. frá Birni Leví Gunnarssyni alþingismanni þar sem hann óskaði álits forsætisnefndar á því hvort ummæli hans í grein í Morgunblaðinu 3. apríl sl. stæðist siðareglur alþingismanna. Niðurstaða forsætisnefndar er birt í meðfylgjandi bréfi til Björn Levís Gunnarssonar

Var niðurstaðan sú að skilyrði brysti til þess að nefndin tæki erindið til athugunar á grundvelli siðareglna fyrir alþingismenn, sbr. 1. málslið 1. mgr. 18. gr. siðareglnanna.

Halda áfram að lesa

Innlent

Landlæknir spurður út í bólusetningar vegna COVID-19

Umboðsmaður Alþingis hefur óskað eftir að landlæknir veiti upplýsingar um hvernig staðið hefur verið að leiðbeiningum og upplýsingagjöf vegna COVID-19 bólusetningar. Einkum með tilliti til þeirra sem, af heilsufarslegum ástæðum, telja ekki öruggt að þiggja tiltekið bóluefni.

Halda áfram að lesa

Vinsælast

Allur réttur áskilin © 2021 Tíðin