Connect with us

Íþrótta og ólympíu samband Íslands

Vilt þú verða þjálfari?

Published

on

20.01.2021

Vorfjarnám 1. 2. og 3. stigs Þjálfaramenntunar ÍSÍ hefst mánudaginn 1. feb. nk. og tekur það átta vikur á 1. stigi en fimm vikur á 2. og 3. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni. 

Nám allra stiga er allt í fjarnámi, engar staðbundnar lotur. Námið hefur verið afar vinsælt til fjölda ára og þátttakendur komið frá mörgum íþróttagreinum. Námið veitir réttindi til íþróttaþjálfunar og jafnframt rétt til áframhaldandi náms til frekari réttinda.

  • Þátttökugjald á 1. stig er kr. 34.000.- og öll námskeiðsgögn eru innifalin í því verði.
  • Þátttökugjald á 2. stig er kr. 28.000.- og öll námskeiðsgögn eru innifalin.
  • Gjaldið á 3. stig er kr. 40.000.-

Athugið að þeir nemendur/þjálfarar sem koma frá Fyrirmyndarfélögum/-deildum ÍSÍ fá 20% afslátt af námskeiðsgjaldi.

Skráning er rafræn og þarf henni að vera lokið fyrir mánudaginn 1. feb. Rétt til þátttöku á 1. stigi hafa allir sem lokið hafa grunnskólaprófi. 

Slóð á skráningu á öll stig í sumarfjarnámi þjálfaramenntunar ÍSÍ 2020.

Allar nánari uppl. um fjarnámið og þjálfaramenntun ÍSÍ gefur Viðar Sigurjónsson í síma 460-1467 og 863-1399 eða á [email protected]

Íþrótta og ólympíu samband Íslands

34. Karateþing KAÍ

Published

on

01.03.2021

34. Karateþing Karatesambands Íslands var haldið sunnudaginn 28. febrúar í D-sal Íþróttamiðstöðvarinnar Laugardal. Vegna breyttra sóttvarnarreglna stjórnvalda var hægt að boða fullan fjölda þingfulltrúa frá félögunum. Um 20 fulltrúar sóttu þingið frá 8 karatefélögum og -deildum.

Gunnar Bragason, gjaldkeri framkvæmdastjórnar ÍSÍ, var gestur á þinginu. Bar hann kveðjur frá forseta, framkvæmdastjóra og framkvæmdastjórn ÍSÍ.

Reikningar sambandsins voru samþykktir, fjárhagsáætlun fyrir árið 2021 og Afreksstefna fyrir næstu 4 ár.
Stjórnin gaf öll kost á sér til endurkjörs og var kosin með lófaklappi. Einn nýr stjórnarmaður var kosinn í varastjórn, Katrín Ingunn Björnsdóttir.

Streymt var frá þinginu hér á Youtube-rás Karatesambandsins.

Á myndinni eru:
Stjórn KAÍ 2021-2022. Frá vinstri, Ævar, Elías, Katrín, Reinharð, María, Sigþór, Hafþór og Rut.

Continue Reading

Íþrótta og ólympíu samband Íslands

Verðlaunaafhending Lífshlaupsins

Published

on

01.03.2021

Lífshlaupið 2021 var ræst í fjórtánda sinn þann 3. febrúar sl. í Rimaskóla. Þar mættu mennta- og menningarmálaráðherra og borgarstjóri og ræstu keppnina formlega með því að taka létta hreystikeppni við nemendur og skólastjórnendur Rimaskóla.

Fulltrúar frá vinnustöðum, grunn-, og framhaldsskólum tóku á móti sínum verðlaunum sl. föstudag á verðlaunaafhendingu Lífshlaupsins 2021 sem fór fram í sal ÍSÍ. Þátttaka í Lífshlaupinu í ár fór fram úr björtustu vonum og voru öll met slegin. Alls tóku 22.635 landsmanna þátt í 1.967 liðum og voru alls 21.387.850 hreyfimínútur skráðar og 282.086 dagar.

Mætingin á verðlaunaafhendinguna var góð. Gaman er að sjá hversu margir vinnustaðir og skólar eru duglegir að taka þátt í verkefninu ár eftir ár með flottum árangri. Lífshlaupið er orðið að vinnustaða- og/eða skólamenningu á mörgum þeirra staða sem skara fram úr og vinnustaðir og skólar eru duglegir að skapa sínar eigin innanhúshefðir í kringum Lífshlaupið.

Öll úrslit í Lífshlaupinu má finna hér.

Hér má finna fleiri myndir.

ÍSÍ þakkar fyrir góða keppni.

Continue Reading

Íþrótta og ólympíu samband Íslands

Eflum líkamlega og andlega heilsu

Published

on

26.02.2021

Það er fullt af tækifærum til þess að hreyfa sig. ÍSÍ hvetur landsmenn til að sýna frumkvæði og sköpunargleði við að efla líkamlega og andlega heilsu sína. Hreyfingu má stunda á hinum ýmsu stöðum og í margvíslegri mynd, utan dyra og innan, að viðhöfðum ítrustu sóttvörnum.

Verum hraust – og deilum myndrænni hvatningu undir #verumhraust á samfélagsmiðlum, svo allir hinir taki líka við sér.

ÍSÍ á Facebook

Continue Reading

Vinsælast

Allur réttur áskilin © 2020 Tíðin